Hwèwulùwèlì 7:10 - Mokpwe: Bakwery (New Testament)

¹⁰ Èŋge ŋgindi è mà tɛ̀ɛ̀ nà lìlo lì kàrzàmi nanù ema, “Lì oŋgirzɛhwɛ là è mòtò wà hwènàmà lì uwɛ̀lɛ̀lɛ̀yi ndi nà Lòohwà là arzu, Lohwɛ̀ ema à lìyàyi ò kònda yà lìkànèyà, ndèŋgànɛ̀lɛ̀ lì uwɛ̀lɛ̀lɛ̀yi ò mà è Ŋguma yà Mɔ̀lɛ̀ŋgù yà eni.”

Hwèwulùwèlì 7:10 Mawu Ofanana

Lukàrzɛ̀ 3:6

Àŋga ndi è mòtò wà àrzɛ à ɛnɛ nà òmà Lohwɛ̀ a òŋgìrzɛ hwatò hwa eni.”

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Yòwanìrzɛ̀ 1:36

Nà òma Yerzù à mà hwɛ lì aka, Yòwanìrzɛ̀ rzìi à mò ɔŋgɔ̀ kòò rzìi à òhwa nanù ema, “È ɔ̀ŋgɔ tɛ, è Ŋguma yà Mɔ̀lɛ̀ŋgù mò ama Lohwɛ̀ mɔ̀ ònò.”

Yòwanìrzɛ̀ 4:22

Inyɔ hwatò hwa Rzàmàrìyà e kànɛlɛlɛ mamɛ ema e rza hwiyɛ. Ndi irzɔ wònyà Yudà i kànɛlɛlɛ mamɛ ema irzɔ i hwi. Èhwanja lì òŋgirzɛhwɛ lì uhwɛlɛlɛyi ndi na hwatò hwa Yudà.

Ɛ̀hvìrzìyà 2:8

È ndèli ya ama Lohwɛ̀ yɔ ndi ye e rzuŋgi, èhwanja e lòkɛ̀ Krirztò ɔ̀ndeŋgàtɛ̀ e lu lìŋgi lì oŋgirzɛ. Rzeketɛ hweyà ema e gbèeyà ndi hwe gbèyi e lu lì oŋgirzɛ. Li oŋgirzɛ ema e lu, lì hwèlì ndi jàhwèyà ja ama Lohwɛ̀.

Hwèwulùwèlì 12:10

Àŋga ndi na a hweyà lìlo lì kàrzàmi o ŋmanyu yà lohwà lì ohwa nanù ema, “O naŋgɛ, lìrzùŋgàhwa la ama Lohwɛ̀ lì ma jà. Lohwɛ̀ à mà ùŋmɛlɛ màyìmbì ma eni o lì kànèyà nàa kìŋgɛ. È Krirztò ya eni e ma àwùŋmɛlɛ màyìmbì ma eni nàŋgɛ. Èhwànja e mɔ̀ ema à mà hwɛ lì ohwa o worzo wo ama Lohwɛ̀ ŋmerze na wuu, nanù ema wònyànyàŋgo hwa arzu hwa gbeyà wòhwe, hwà mà mo hvimba o e rze ya mɔ̀nyɛ̀. A ma hwɛ lì hwa hwɛ̀lɛ ŋmerze na wuu o ŋgundu o worzo wo ama Lohwɛ̀.

Hwèwulùwèlì 19:1

O mburza hvonda ema eŋge aŋgèlì e ma ohwe hwene hweyà hwe arzɛ, ɔndi na a hweyà yoma nàa lìlo ema lì kàrzàmi ò tenì ya e ŋgindi o ŋmanyu yà lohwà, ema lì ma hwɛ lì ohwa nanù ema, “Jèka i hwɛ na Lohwɛ̀. Lì kɔ̀tɔ̀wɔ̀, èluhwe na màyìmbi hwe uwɛ̀lɛ̀lɛ̀yi ndi o ma Lòohwà la arzu.

Hwèwulùwèlì 21:5

Mɔ̀ ema à mà lìyà o konda ya lìkànèyà rzìi a ohwa nanù ema, “È ɔŋgɔ tɛ nà mà gbeyà hweyà hwe arzɛ hwe hvènya!” Rzìi à no ohweyà hvɛ nanù ema, “Tila hwene hweyà ehwànja hwene hweyà ema na ohwa hwe hwèlì ndi e jɔ̀kɛ̀ ndèŋgànɛlɛ hwe hwèlì ndi hweyà ema tɔ̀ ima mòtò a àŋgàmɛ̀nɛ̀yi lì lòkɛ̀.”

Hwèwulùwèlì 22:3

Tɔ̀ mamɛ ema Lohwɛ̀ à mà jemɛ e rza o hwɛ o tenì ya eŋge mbowà ndɛnɛ hvɛ. È konda ya lìkànèyà ya ama Lohwɛ̀ na e ya ama e Ŋgumà ya Mɔ̀lɛ̀ŋgù jo o hwɛ o tenì ya eŋge mbowà ndɛnɛ. Ndeŋgànɛ̀lɛ̀ hwàgbèèlì hwa ama Lohwɛ̀ hwa o mo kanɛ̀.

Hwèwulùwèlì 4:6

O worzo wo e konda ya lìkànèyà o ma hwɛ yoma nàa ŋmànja ema mo ma àyɛ̀kɛ̀nɛ̀ lìyɛ̀ni ema lì ma hwɛ lì ɛnɛ o tenì. Hwèembe hwenii hwe ma toŋgà eŋge konda ya lìkànèyà o hwèhvàrzù hwe aniyɛ, mìirzɔ mo ma onda o inyo ja awu o worzo na o mburza.

Hwèwulùwèlì 5:7

Èŋge Ŋguma ya Mɔ̀lɛ̀ŋgù e ma ɛ̀ndɛ rzìi e wowa e kààti ema e lìŋgɛ̀lɛ̀hwɛ o lìya la mome la è mɔ̀ ema à mà lìiya o konda ya lìkànèyà.