Hwèwulùwèlì 7:1 - Mokpwe: Bakwery (New Testament)

¹ O mburzà ya hwenè hweyà, rzìi na ɛnɛ aŋgèlì inɛyi ema i ma tɛ̀mɛ̀ o màrzuku mààniyɛ ma e rze. Wɔ̀ hwà mà keka marzuku mààniyɛ ma e rze ya mɔ̀nyɛ̀ ema e mbɛ̀hvɛ̀nì e akeyà aŋga nanù e mbɛ̀hvɛ̀nì e rza akeyà e rze ya mɔ̀nyɛ̀, tɔ̀ o tenì ya ŋmànja, tɔ̀ o lì teŋgɛ̀nɛ̀ gbèe.

Hwèwulùwèlì 7:1 Mawu Ofanana

Matiyò 24:31

Lìyɔ̀mi lì ndɛnɛ lì ò tòŋga, ndèŋgànà mɔ̀ à ò òma i aŋgèlì ja eni ò marzuku ma aniyɛ ma ene rze ò lì rzàŋga hwatò hwa eni ema Lohwɛ̀ à mà hvɔ̀rzɛ̀ lì wòteyà njuka hvɔ̀kɔ na enɛyi ja ene rze ya arzɛ.”

Makòrzì 13:27

Rzìi à òma i aŋgèlì ja eni ò màrzuku ma anìyɛ ma rze ya àrzɛ lì rzàŋga hwatò ema Lohwɛ̀ a hvɔ̀rzì, lì ànjiya njuka hvɔ̀kɔ yà rze lì ukà ènɛyi njuka yà rze.

Hwèwulùwèlì 20:8

Mɔ̀ a rzolowahwi tɛ o hwèwòwà, a o ɛndɛ o injuka ja aniyɛ ja e rze ya mɔ̀nyɛ̀, o lì lukɛlɛ hwatò hwa arzɛ ema hwa hwèlì o e rze ya mɔ̀nyɛ̀. Ini njuka ja aniyɛ ja e rze ya mɔ̀nyɛ̀ i hwèlì ndi Gɔ̀gi na Magɔ̀gi. Mòkarzɛ̀ a hwa rzaŋga wɔ̀ hwa arzɛ èki yɔ̀kɔ o njùma. Ndeŋgànɛlɛ hwa o koka ndi nàa e nyàŋga ema e hwèlì o rzàawà ya ŋmànja.

Hwèwulùwèlì 6:6

Nà ma hweyà mamɛ ema e ma hweyɛnɛ nàa lìlo ema lì ma uwɛ̀lɛ̀lɛ̀yi o ìtììtènì ja hweŋge hwèembè hwe aniyɛ hwe ohwa nanù ema, “Lìkayi lɔ̀kɔ la mbàrzi mɛnɛ o etaŋgi ya èwòlò ya eyu yɔ̀kɔ, ndèŋgànɛ̀lɛ̀ màkayi mayawo ma kondi ya balì ema e rza andahwɛ na wolì ema wo lìtelì, o etàŋgì ya èwòlò ya eyu yɔ̀kɔ. Ndi inyɛ tɔ̀ mòtò a rzi hvàŋga màwuja na mìimba.”

Hwèwulùwèlì 7:3

rzìi a hwa ohweyà nanù ema, “Inyɔ e rzi hvàŋga e rze ya mɔ̀nyɛ̀, tɔ̀ ŋmàànja, tɔ̀ mayi, natɛ̀ɛ e hvonda ema i kukɛ eembànelì o imbɔ̀mbɔ̀ ja hwàgbèèlì hwa ama Lohwɛ̀.”

Hwèwulùwèlì 8:7

È aŋgèlì yà wòrzo e ma toŋga lìyɔ̀mi la eni. Aŋga ndi e mbuwà ya màŋyàyi na mùùnya emà ma mà hviyànɛlɛhwɛ na màyija mà ma wòteyà o lì komeya o rze yà mɔ̀nyɛ̀. Lòŋgo lɔ̀kɔ o tenì ya moŋgo mayàwò ma e rze ya mɔ̀nyɛ̀ lì ma rzeeya la arzɛ. Lòŋgo lɔ̀kɔ o tenì ya moŋgo mayàwo ma mayi na hweyàlì hwe arzɛ hwe ma rzèèya.

Hwèwulùwèlì 9:14

Lìŋgi lìlo lì ma ohweyà e aŋgèlì ema e ùkirzɛ̀ mòtòhwa ema à mà ohva lìyɔ̀mi nanù ema, “Rzolowa i aŋgèlì jàniyɛ ema Lohwɛ̀ à mà kake o morzo mo ndɛnɛ mo Yùhvrètìrzì.”

Hwèwulùwèlì 9:4

Hwà mà ohweyà megbambembe nanù ema hwa rzi keka lì hvàŋga hwèwùlè, hweyàlì na mayi. Ndi hwà mà hwa ohweyà nanù ema, hwa hvàŋge ndi hwatò ema hwa rza kukɛhwɛ eembànelì ya ama Lohwɛ̀ o imbɔ̀mbɔ ja awu.