Hwèwulùwèlì 6:9 - Mokpwe: Bakwery (New Testament)

⁹ E Ŋguma ya Mɔ̀lɛ̀ŋgù rzìi e rzolowa mòjèkà ema mo ma ùkirzɛ̀ meta. Rzìi na ɔŋgɔ o rze ya ètàwo ya itùwà rzi na ɛnɛ hwèlìŋgɛ̀ hwe hwatò ema hwà mà oŋwahwa ehwànja hwà mà hwɛ o lì ohwa eyà yà Lohwà ndèŋgànɛ̀lɛ̀ hwà mà hwɛ lì ohwa hweyà hwe jɔ̀kɛ̀ lì hvomɛ̀nɛ̀ Lohwɛ̀ nyayi ema irzɔ i hwi nanù ema hwe hwèlì ndi e jɔ̀kɛ̀.

Hwèwulùwèlì 6:9 Mawu Ofanana

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

2 Kɔ̀rintìyà 5:8

Ja àhvìtɛ̀ nanù ema a jo ŋgba nyo hvènya ndèŋgàna i hwɛni lì rzɔnjɛ̀lɛ̀ i nyo ja arzu o lì ɛndɛ lì hwɛ na Rzàŋgo Yerzù.

Hvìlipìyà 1:23

Hwene hweyà hweahwakɛ hwe no tɛmelì o worzo, ndèŋgànɛ̀lɛ̀ e no ambani o lì hwiya e yɔ ema na hvɔ̀rzɔ̀. Nà lìŋgàni lì o hwɛmɛ lìni lòŋgɛ rzìi na hwɛ na Krirztò, ehwànja eŋge eyà e lɔ̀wu lì aka lì hwɛ anu rze.

Hvìlipìyà 2:17

Nà o hwɛ ndi nàa mohvo mo mimba emà mà rzɔ̀lɛhwɛ o nyòla èwòlò ema inyɔ e gbeyà, nàa jàhwèyà o nyòla lìlòkɛ̀ ema inyɔ e hwɛni. Nà tànɛyi lì taka tɔ lì ŋwa ehwànja na ohwa ŋmɛ̀ndì mò gbamù ŋgànà hvɔ̀kɔ na oma inyɔ hvɛ e hwèlì e tàkàà ehwànja e mo lòkɛ̀. Ndi na hwèlì na lìŋgà na lì e okana inyɔ hwa arzɛ mɔ̀nyɛ̀ŋgi.

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

2 Tìmotì 4:6

O imba, lìrzako lì ma màa lì uka ema na hwɛni lì ŋgbàhwà nàa jàhwèyà, ndèŋgàna e hvonda e ma kombɛnɛ ema na hwɛni lì hwɛmɛ lìni lòŋgɛ.

Hibrù 12:23

Inyɔ̀hvɛ e ma jà ndi o la arzàŋganɛ la hwàànà hwa worzò hwa ama Lohwɛ̀, wɔ̀ ema mìinà ma awu ma tìlahwì o ŋmanyu yà lohwà. È ma jà o ma Lohwɛ̀ ema mɔ̀ ndi à hwèlì e mòkayìrzèlì wa hwatò hwa arzɛ. Inyɔ e ma jà o ìtììtènì ja hwèlìŋgɛ̀ hwe hwatò hwa ehve-ehve ema Lohwɛ̀ a emelì.

Hwèwulùwèlì 1:2

Ndeŋgànɛ̀lɛ̀ Yòwanìrzɛ̀ ndi à mà ohwa hweyà hwe arzɛ na oma mɔ̀ à mà hwe ɛneya. Hwene hweyà hwe ɔndi mɔ̀ à mà ohwe o lì hvomɛ̀nɛ̀ ŋmɛ̀ndì ema mo ò uwɛ̀lɛ̀lɛ̀yi o ma Lohwɛ̀ na e mboŋgi ema mɔ̀ à tɛmeya Yerzù Krirztò.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.

Hwèwulùwèlì 14:18

Èhvɛhvɛ aŋgèlì e ma jà ema e ohvi màyìmbì o lì kànèyà mùùnya, e ma uwɛ̀lɛ̀lɛ̀yi o ètàwo ya itùwà. Rzìi e tɛɛya eŋge aŋgèlì ema e ma ohva lìŋgi luwɛndi la lìŋgɔ̀tɔ ema lì eeya, na lìlo lì kàrzàmi nanù ema, “Wowa luwɛ̀ndi la lìŋgɔtɔ̀ la aŋgɔ ema lì eyàa, o rzàŋge mbuhva ja hwehvùma hwe mayi ma hwehvùma ema mà hwèlì o hvaya ya e rze mɔ̀nyɛ̀, èhwanja hwehvùma hwe eni hwe ma tana.”

Hwèwulùwèlì 16:7

Rzìi na hweyà lìlo ema lì ma uwɛlɛlɛ o ètàwo ya itùwà lì ohwa nanù ema, “Ìi Rzàŋgo Lohwɛ̀ lì Kàrzàmi, e mbàko ya àŋgɔ e hvomɛ̀nɛ̀ ndèŋgànɛ̀lɛ̀ e hwèlì jɔ̀kɛ̀.”

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.

Hwèwulùwèlì 2:13

Nà hwi èki ema ò lìya. Aŋga ndi è konda yà lìkànèyà là ama mòkarzɛ̀ è hwèlì. Ndi è eka mèèmà mè anyu nà imba nanù mɛnɛ. È mà nò lòkɛ̀ nà ŋmèma mɔ̀kɔ nanù mɛnɛ tɔ̀ ò è hvonda yà ama Àntipàrzi. Àntipàrzi à mà nò tɛ̀meyà è mboŋgi yà jɔ̀kɛ̀, ndèŋgànɛ̀lɛ̀ hwa mà mò oŋwa ò ìtììtènì jà anyu ò hwèlìyelì hwe ama Mòkarzɛ̀.

Hwèwulùwèlì 20:4

Rzìi na ɛnɛ ikonda ja màkànèyà ema hwatò ema hwà mà ji lìya wɔ̀ ndi Lohwɛ̀ à mà ŋgbe e wònja o lì kànèyà hwatò. Rzìi na ɛnɛ e mòtò wa tenì wa hwatò ema hwà mà ŋwɛɛ. Hwà mà hwa oŋwa ehwànja hwà mà hwɛ lì ohwa e jɔ̀kɛ̀ ema Yerzù à mà jàne ehwànja hwà mà hwɛ lì ohwa ŋmɛ̀ndì ema mo uwɛ̀lɛ̀lɛ̀yi o ma Lohwɛ̀. Wɔ̀ hwà mà hwa oŋwa ehwànja wɔ̀ hwa rzi kanɛ̀ eŋge nyàmà yà wòhwe tɔ̀ èlìŋgɛ̀ ya eni ehwànja wɔ̀ hwa rzì emeyà lì luwa èèmbanelì ya eni o imbɔ̀mbɔ tɔ̀ o màà mà awu. Wɔ̀ hwà mà tìmba o lòŋgɛ rzìi hwa hwɛ na Krirztò o lìkànèyà o tenì ya ikolì ja meya.

Hwèwulùwèlì 8:3

Aŋga ndi nà à ɛnɛ ehvɛhvɛ aŋgèlì e jelì e tɛ̀mɛ̀ o worzo wo ètàwo ya itùwà, e tɛ̀tɛ̀ ewoki ya gòòlù ema aŋga ndi hwa rzɛlɛlɛ itùwà o tenì. Hwà mà mo ŋgba itùwà rzayi-rzayi nanù ema mɔ̀ à hwatɛ o hwèèmà hwe hwatò hwa ama Lohwɛ̀ o lì ŋgba màhwèyà ma gòòlù, o ètàwo ya gòòlù, eŋge ètàwo e ma hwɛ o worzo wo e konda ya lìkànèyà.

Hwèwulùwèlì 9:13

È aŋgèlì ema e ma ùkirzɛ̀ mòtòhwa e ma tòŋga lìyɔ̀mi la eni. Rzìi na hweyà lìlo ema lì uwɛ̀lɛ̀lɛ̀yi o injuka ja aniyɛ ja ètàwo ya itùwà ya gòòlù ema e ma hwɛ o worzo wo ama Lohwɛ̀.