Hwèwulùwèlì 6:4 - Mokpwe: Bakwery (New Testament)

⁴ Rzìi ehvɛhvɛ wɔ̀rzi ema e teyaa rzayi-rzayi e ma wurza. È mòtò ema à mà e lìya o ŋmanyu à mà ŋgbahwa e wònja o lì ulɛ ɛ̀yɔ̀lɛ̀ o e rze ya mɔ̀nyɛ̀, aŋga nanù hwatò hwa hwènàmà hwa o àwòŋwànɛ̀ mɔ̀kɔ na ɔnɛyi. Ndeŋgànɛ̀lɛ̀ à mà ŋgbahwa rzɔ̀lɔ̀ ndɛnɛ.

Hwèwulùwèlì 6:4 Mawu Ofanana

Matiyò 10:34

“È rzi wòteya lì lùtèyà ema na jàni ndi ɛ̀yɔ̀lɛ̀ ò rze. Jàyɛ̀, na rzi je ndi ò lì jànà ɛ̀yɔ̀lɛ̀, na jàni ndi kànjɛ-kànjɛ.

Matiyò 24:6

È ò hwèya injùmà nà mɛɛ̀ndi me njùma ndi tɔ mɔ̀kɔ hwa anyu a rzi keka lì tumeya. Hwenè hweyà hwe hwɛni lì gbèyɛnɛ ndi rzeketɛ hweyɔ ndi hwe uŋmɛ̀lɛ̀ nanù ema lìrzukù lì ma jà.

Yòwanìrzɛ̀ 19:11

Yerzù à mà alàhwɛ̀ nanù ema, “Ò rza hwɛnì wònjà ò ŋmanyu yà ami natɛ̀ɛ Lohwɛ̀ à ò ŋgbà eŋgè wònjà. Ò èŋgànɛ̀lɛ̀ rzɔ è mɔ̀ ema à nò àkɛ̀lɛ̀lɛ̀ ò màa aŋgɔ̀ à gbèyi wòhwe wò ndɛnɛ.”

Hwèwulùwèlì 12:3

Èhvɛhvɛ embànelì ya mànyàkà e ma wurza o ŋmanyu yà lohwà. Aŋga ndi e dragɔ̀ni ya a wurza jègba. È ma olowa rzayi-rzayi ndèŋgànɛ̀lɛ̀ e ma teya. È ma hwɛnɛ lìrzamba la mèyòhvò na lìyome la merzehwa. Tɔ̀ ima mohvo ma mà wɔ̀tɔ̀ ekooto.

Hwèwulùwèlì 13:10

È hwèlì tɛ nanù ema mòtò à hwɛni lì ɛ̀ndɛ̀ ò hwèwòwà inyɛ à ɛ̀ndɛ̀ ò hwèwòwà, è hwèlì tɛ nanù ema mòtò à ò oŋwàhwà ndi nà è rzɔ̀lɔ̀ à ò oŋwàhwà ndi nà è rzɔ̀lɔ̀. Ène eyà è hwèlì ndi nanù ema, hwatò hwa ama Lohwɛ̀ hwa àŋgàmɛ̀nɛ̀yi lì ajùlɛ nà lì alɛ̀mbɛ̀nɛ̀ eyà yà Lohwà.

Hwèwulùwèlì 17:3

Èlìŋgɛ̀ yà ama Lohwɛ̀ rzìi è nò rzìhweyà, è aŋgèlì rzìi è nò ɛndɛ̀nɛ̀ ò mòrzànjɛ. Nà mà ɛnɛ molanà mɔ̀kɔ aŋga ema à mà lìya ò ŋmanyu yà è nyàmà yà wòhwe ema è teya. Ène nyàmà è mà onda nà mìinà mà ìrzìlako ò è nyo yà eni. È mà ohva lìrzàmba là mèyòhvò nà lìyomɛ là mèrzehwa.

Hwèwulùwèlì 17:6

Nà ma ɛnɛ nanù ema oŋgo molanà à mà woma na màyija ma hwatò hwa wòtani hwa ama Lohwɛ̀, màyija ma hwaŋga hwatò ema hwà mà oŋwahwa ehwànja hwa oŋgàma Yerzù. Nà ma tàmà rzayi-rzayi e hvonda ema nà mà mo ɛnɛ.