Hwèwulùwèlì 6:2 - Mokpwe: Bakwery (New Testament)

² Nà mà ɔŋgɔ, rzi na ɛnɛ wɔ̀rzi ema wo tanà. È mòtò ema à mà e lìya o ŋmanyu à mà tɛ̀ɛ̀tɛ̀ɛ lìkɔ̀rzi, ndèŋgànɛlɛ à mà ŋgbahwa ekòotò. A ma hwɛ ndi mòtò ema à mà hwɛ lì rzùùwa injùmà ihvonda ja arzɛ, ndèŋgànɛ̀lɛ̀ à mà woŋgirzɛnɛ o lì rzùùwa ehvɛhvɛ njuma ema à mà anane hwàkɔ̀yèlì.

Hwèwulùwèlì 6:2 Mawu Ofanana

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

1 Kɔ̀rintìyà 15:25

Krirztò A hwɛnì lì kànèyà natɛ̀ɛ na e hvonda ema Lohwɛ̀ à ò aka hwakɔ̀èlì hwa eni rzìi a hwa ika hwa arzɛ o rze ya lìkànèyà la eni.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 11:18

Hwàto ema hwa rza ò gbèeyà hwa mà tatà ehwànja hwètàtò hwe aŋgɔ hwe màyìmbì hwe mà jà. È hvonda è mà uka ò lì kàyìrzɛ hwatò ema hwa ŋwelì. È hvonda è mà uka ema hwàgbèèlì hwa aŋgɔ, hwà-òhwèlì hwa hwèlìŋgɛ̀, nà hwatò hwa aŋgɔ hwa ò gbèeyà ema hwa ò ŋgba èluhwe, hwatò hwa arzɛ, tɔ̀ hwatò ema hwa hwèlì wòlìto tɔ̀ hwa rza hwɛnɛ wòlìtò, ò hwa rzàweyà. Ò eŋge hvonda ndi o ò hvaŋga hwatò ema hwa hvàŋga hwatò ò è rze yà mɔ̀nyɛ̀!”

Hwèwulùwèlì 14:14

Nà mà ɔ̀ŋgɔ, rzìi nà ɛnɛ ò worzo wò ami lìmbàki ema lì tàna. Ò mà lìya mòtò ò ŋmanyu yà lìŋgi lìmbaki ema à mà àyɛ̀kɛ̀nɛ̀ è Ŋmanà wà è mòtò wà hwènàmà. À mà wɔtɔ̀ ekòòtò yà gòòlù ò mòòhvò mò eni, ndèŋgànɛ̀lɛ̀ à mà ohva lùwɛ̀ndi là lìŋgɔ̀tɔ̀ ema lì eyàà ò lìya là eni.

Hwèwulùwèlì 15:2

Nà ma ɛnɛ yoma nàa ŋmànja ema mo àyɛ̀kɛ̀nɛ̀ lìyɛ̀ni, ema mo hviyànɛlɛhwɛyi na mùnya. Ndeŋgànɛ̀lɛ̀ nà mà ɛnɛ hwatò hwa tɛmì o toŋgoŋgo ya eŋge yoma ema e ma hwɛ ndi nàa ŋmànja hwa tɛ̀tì indiŋga ja ama Lohwɛ̀. Hwàŋga hwatò hwa hwèlì ndi hwatò ema hwà mà rzuwàna eŋge èembè, na èrzìrzà ya eni, ndèŋgànɛ̀lɛ̀ hwà mà rzuwàna hvɛ mɔ̀rzɔ̀ŋgi mo lìinà la eŋge èembè ya worzo.

Hwèwulùwèlì 17:14

Hwa ò teŋgɛ̀nɛ̀ ò lì anàna è Ŋguma yà Mɔ̀lɛ̀ŋgù njùma. Ndi è Ŋguma yà Mɔ̀lɛ̀ŋgù è ò hwa rzùùwanà ehwànja mɔ̀ ndi à hwèlì è Rzàŋgo yà hwatò hwa arzɛ ndèŋgànɛ̀lɛ̀ à hwèlì ndi è Kìŋgɛ yà ikìŋgɛ jà arzɛ. À hwèlì nà hwatò hwa eni ema Lohwɛ̀ à mà hwɛlɛ nà lì hvɔ̀rzɔ̀, ema hwa mò gbèeyà nà ŋmèmà mɔ̀kɔ.”

Hwèwulùwèlì 19:14

Hwàànelì hwa njuma hwa e ŋmanyu yà lohwà hwà mà wɔ̀tɔ̀ mààtu ma gbamù emà ma mà kɔ̀lɔ̀wɔ̀ ndi na erzanja ema e hwɛ̀lɛ̀hwɛ̀ nanù ema lìniyɛni, hwe ma hwɛ ndi mbɔ̀mi ndèŋgànɛ̀lɛ̀ hwe ma rzàŋga. Hwà mà lìya o ŋmanyu ya iwɔ̀rzi ema i tana ndèŋgànɛ̀lɛ̀ hwà mà hwɛ lì mo oŋgama.

Hwèwulùwèlì 3:21

Hwàto ema hwa lìya lì aka hweyà hwe wòhwe, nà ò hwa ŋgba è wònja ò lì lìya nà imba ò konda yà ami yà lìkànèyà, ŋgànà hvɔ̀kɔ nà oma imba hvɛ nà lìya ò ŋmanyu yà hwàkɔ̀yèlì wà ami rzìi nà lìya nà Tatɛ̀ wà ami ò è konda yà eni yà lìkànèyà.

Hwèwulùwèlì 9:7

Megbambembe me ma ɛneya ndi nàa wɔ̀rzi ema i woŋgirzɛhwɛyi o lì ɛndɛ lì ana njuma. Hwe ma wɔ̀tɔ̀ hwema o meyohvo me awu nàa hwèkòòtò hwe gòòlù. Ndeŋgànɛ̀lɛ̀ marzo ma awu ma mà àyɛkɛ̀nɛ marzo ma hwatò hwa hwènàmà.