Hwèwulùwèlì 6:10 - Mokpwe: Bakwery (New Testament)

¹⁰ Hweŋge hwèlìŋgɛ̀ hwe ma londa na lìlo lì kàrzàmi nanù ema, “Ìi Rzàŋgo Lohwɛ̀ ema o Kàrzàmi, ema o hwèlì wòtani na lì hwɛ jɔ̀kɛ̀, ima hvoka hvonda ndèŋgànà o e kàyìrzɛ hwatò hwa e rze ya mɔ̀nyɛ̀ na o lì hwa kɔ̀kìrzɛ̀ ehwànja hwa jo òŋwi e?”

Hwèwulùwèlì 6:10 Mawu Ofanana

Lukàrzɛ̀ 2:29

“Ìi Lohwɛ̀, emeyà ema imbà è Mògbèèlì wà aŋgɔ̀, na ɛ̀ndɛ̀ nàŋgɛ nà ɛ̀yɔ̀lɛ̀, nà òmà ò òndirzɛ̀ lìkàkɛ̀nɛ̀ lì aŋgɔ̀.

Lukàrzɛ̀ 21:22

Meenya me hwekɔkirzelì me ene. O ene hvònda ndi hweyà hwe arzɛ ema hwe ma tìlahwa hwe ò gbèyɛ̀nɛ.

Ròmànì 12:19

Ìi wònyamòwè kòkò, e hwèlì tɛ nanù ema mòtò a e gbèyi tɛ eyà ya wòhwe, inyɛ inyɔ e rzi keka ò lì mò timbirzɛlɛlɛ. È hwɛmɛ Lohwɛ̀ mɔ̀ ŋmìti a mò kɔ̀kìrzɛ̀. È tìlahwì ò e kààtì ya Lohwɛ̀ nanù ema, “Lohwɛ̀ a òhwi nanù ema, ‘Imba ndi na timbirzɛlɛlɛ wòhwe ema tɔ̀ ima mòtò a gbèyi. Imba e Rzaŋgò ndi na òhwi.’”

Hibrù 12:24

Inyɔ e ma jà oma Yerzù mɔ̀ ema a tɛmi o ìtììtènì ja hwatò na Lohwɛ̀ na yòombò e hvènya. Inyɔ e ma jà nàŋgɛ o ma Yerzù a hwèlì lì e hvahva màyija ma eni. Maŋga màyija ma mà jo ŋgba ndèli lì aka màyija ma ama Abɛ̀lì.

2 Pètrò 2:1

Ò è hvonda yà kòhwàà ò mà wurza hwà-òhwèlì hwa hwèlìŋgɛ̀ hwa mòlaŋgà ò ìtììtènì jà hwatò. Ŋgànà hvɔ̀kɔ hvɛ nanù mɛnɛ ɔndi hwà-òkòlèlì hwa mòlaŋgà hwa ò wurzɛ ò ìtììtènì jà anyu. Wɔ̀ hwa ò gbeyàna meyàno ò lì okòlɛ̀ hwèyòkòlèlì hwe mòlaŋgà, hweŋge hwèyòkòlèlì hwe ò hvàŋga hwatò ema hwa hwe lòkɛ̀. Hwàŋga hwà-òkòlèlì hwa mòlàŋga hwa ò rzɔ̀rzɔ̀ è Rzàŋgo ema mɔ̀ ndi à hwa ulɛ̀yi ò tenì yà wòhwe. Ène eyà è ò gbeyà hwa ò ahvàŋgelɛ wɔ̀ hwiti kàrzi-kàrzi.

Hwèwulùwèlì 11:18

Hwàto ema hwa rza ò gbèeyà hwa mà tatà ehwànja hwètàtò hwe aŋgɔ hwe màyìmbì hwe mà jà. È hvonda è mà uka ò lì kàyìrzɛ hwatò ema hwa ŋwelì. È hvonda è mà uka ema hwàgbèèlì hwa aŋgɔ, hwà-òhwèlì hwa hwèlìŋgɛ̀, nà hwatò hwa aŋgɔ hwa ò gbèeyà ema hwa ò ŋgba èluhwe, hwatò hwa arzɛ, tɔ̀ hwatò ema hwa hwèlì wòlìto tɔ̀ hwa rza hwɛnɛ wòlìtò, ò hwa rzàweyà. Ò eŋge hvonda ndi o ò hvaŋga hwatò ema hwa hvàŋga hwatò ò è rze yà mɔ̀nyɛ̀!”

Hwèwulùwèlì 18:20

Inyɔ ema e hwèlì o ŋmanyu yà lohwà e oke mɔ̀nyɛ̀ŋgì o nyòla e kɔ̀kìrzɛ̀ ema oŋgo molanà à mà luwe. Inyɔ hwatò hwa ama Lohwɛ̀, i àpɔ̀rzìtòlò na hwà-òhwèlì hwa hwèlìŋgɛ̀ e oke mɔ̀nyɛ̀ŋgì ehwànja Lohwɛ̀ à mà akɛlɛ e mbako o lì mo teŋgɛ̀nɛ̀ o nyòla mamɛ ema mɔ̀ à e gbèelì.

Hwèwulùwèlì 18:24

Lohwɛ̀ à mà kɔ̀kìrzɛ̀ Babìlɔ̀nì ehwànja, hwatò hwa Babìlɔ̀nì hwà mà oŋwa hwà-òhwèlì hwa hwèlìŋgɛ̀, hwatò hwa wòtani hwa ama Lohwɛ̀ na hwahvɛhvɛ hwatò ema hwà mà ŋwɛ o e rze ya mɔ̀nyɛ̀.

Hwèwulùwèlì 19:2

È mbako ya eni e tɛmi ehve-ehve na e jɔ̀kɛ̀ ehwànja mɔ̀ à mà kɔ̀kìrzɛ̀ e molanà mondɛnɛ wa àkpàlà, ema à mà ìnɛ̀lɛ̀ hwatò hwa arzɛ hwa e rze ya mɔ̀nyɛ̀ o lì gbeye wòhwe lì akeyà na hweyà hwe eni hwe mòrzònje. Lohwɛ̀ à mà mo kɔ̀kìrzɛ̀ ehwànja mɔ̀ à mà oŋwa e mògbèèlì hwa ama Lohwɛ̀.”

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.

Hwèwulùwèlì 3:7

À mà nò òhweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Hvìladɛlhvìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì wòtani nà jɔ̀kɛ̀. Mɔ̀ à hwɛni màyìmbì ò lì kànèyà nyayi hvɔ̀kɔ nà oma kìŋgɛ Dàhwitì à mà hwɛ lì kànèyà. Mɔ̀ à lìhvo tɛ lìyòhva tɔ̀ mòtò à rza tànɛ à lì umba, ndèŋgànɛlɛ à umbi tɛ lìyohva tɔ̀ mòtò à rza tànɛ à lì lìhvowa.