Hwèwulùwèlì 6:1 - Mokpwe: Bakwery (New Testament)

¹ Rzìi nà ɛnɛ eŋge Ŋguma ya Mɔlɛ̀ŋgù e rzolowa mòjèkà mɔ̀kɔ o ìtììtènì ja mèŋge mèjèkà lìrzamba. Rzìi na hweyà na oma èembe yɔ̀kɔ o ìtììtènì ja hweŋge hwèembè hwe aniyɛ e ohwa nanù ema, “Jà!” Lìlo la eni lì ma hwɛ̀ɛnɛ ndi nàa mɔ̀tɔ̀wù mo e ŋgala lohwà.

Hwèwulùwèlì 6:1 Mawu Ofanana

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Hwègbèèlì 4:20

Irzɔ i rza tànɛyi lì hwɛmɛ ò lì òhwa lì hvòmɛ̀nɛ̀ mamɛ irzɔ hwiti je ɛni na mìirzɔ̀ ma arzu na lì hwèyàna hvɛ màatò ma arzu.”

Hwèwulùwèlì 11:19

Aŋga ndi nà à ɛnɛ è Ndawò yà Lohwà ema è hwèlì ò ŋmanyu yà lohwà yà à lìhvoweya. Ndeŋgànɛ̀lɛ̀ ò tenì yà eŋge Ndawò yà Lohwà, nà mà ɛnɛ Iwòŋgo jà eni jà Yòmbo. Lìŋmɛti lì mà aka, mɔ̀tɔ̀wù mòndɛnɛ mò mà wurza ò ŋmanyu, è ŋgalà yà lohwà è mà kàndeyà, mònyìŋgìrzɛ̀nɛ̀ mò mà hwɛ, ndèŋgànɛ̀lɛ̀ è mbuwà yà màŋyàyi màndɛ̀nɛ̀ è mà yɔ̀ɔ̀.

Hwèwulùwèlì 13:8

Hwatò hwa arzɛ hwa è rze yà mɔ̀nyɛ̀ hwa ò kanɛ̀ eŋge èembe. Hwàto ema hwa rza ò è kanɛ̀, hwa hwèlì ndi hwaŋga hwatò ema mìinà mà awu mà tìlahwe ò tenì yà è kààtì yà lòŋgɛ ndèŋgànà Lohwɛ̀ à è wèka è rze yà mɔ̀nyɛ̀. È Ŋguma yà Mɔ̀lɛ̀ŋgù ema hwa mà oŋwe, mɔ̀ ndi à hwɛni ene kààtì.

Hwèwulùwèlì 14:2

Èŋge hvonda ndi na a hweyà lìlo ema lì ma uwɛ̀lɛ̀lɛ̀yi o ŋmanyu yà lohwà. Lìŋgi lìlo lì ma hwɛ̀ɛnɛ ndi nàa malìhwa ema mo unda o lìyohwà, ndèŋgànɛ̀lɛ̀ lì ma hwɛ ndi nàa mɔ̀tɔ̀wu ema mo hwɛ̀ɛnɛ e ŋgala ya lohwà e kandeyà tɛ. Lìlo ema nà mà hweye lì ma hwɛ ndi nàa mɔ̀tɔ̀wu mo hwatò ema hwa oka indiŋga ja awu.

Hwèwulùwèlì 19:6

Rzìi na hweyà yoma nàa lìlo lì ndɛnɛ ya e ŋgindi ya hwatò, lì ma hwɛ̀ɛnɛ̀ ndi nàa malìhwà mà lìyowa ndi mo ɔndɔ̀ɔ̀, ndèŋgànɛ̀lɛ̀ nàa mɔ̀tɔ̀wu mo e ŋgala lohwà. Liŋgi lìlo lì ma ohwa nanù ema, “Jèka i hwɛ na Lohwɛ̀. Èhwànja e Rzàŋgo Lòohwà là arzu ema lì kàrzàmi a hwèlì a kànèyà.

Hwèwulùwèlì 4:8

Tɔ̀ ima yɔ̀ yà hweŋge hwèembe è mà ohva màhvàhve mòtòhwa, ndeŋgànɛlɛ hwe mà kùmɛ̀nɛ̀hwɛ̀ nà mììrzɔ̀ è nyo yà arzɛ, tɔ̀ natɛ̀ɛ nà ò tenì yà mahvàhve mà awu. Hwe rzi hwɛ̀mɛ̀ jèembò ŋmèrze nà wùù. Hwe mà hwɛ lì emba nanù ema, “Lòohwɛ̀ ema a karzamì, à hwèlì, Wòtani, wòtani, wòtani. Mɔ̀ ema à mà hwɛ, è mɔ̀ ema à hwèlì ndèŋgànɛlɛ è mɔ̀ ema à hwɛni lì jà.”

Hwèwulùwèlì 5:1

Nà ɛni kààti ema e lìŋgɛ̀lɛ̀hwɛyi, o lìya la mome la è mɔ̀ ema a lìyayi o konda yà lìkànèyà. Èŋge kààti ema e lìŋgɛ̀lɛ̀hwɛ e ma ohva motìla o imburza ja ahwakɛ, e ma lìŋgɛ̀lɛ̀hwɛ ndèŋganɛlɛ e ma jekahwa na lìrzamba la mèjèkà.

Hwèwulùwèlì 5:12

Wɔ̀ hwa mà emba nà lìlo lì kàrzàmi, nanù ema, “È Ŋguma yà Mɔ̀lɛ̀ŋgù ema è mà oŋwàhwà, è kànɛyi ò lì lùwa màyimbi, erzàŋgo, lìhwiyè, ŋginyà, èluhwe, wonyàki nà jèka.”

Hwèwulùwèlì 5:8

O mburza hvonda ema mɔ̀ à mà wowe e kààti ema e lìŋgɛ̀lɛ̀hwɛ, hweŋge hwèembè hwe ànìiyɛ̀ na eŋge mbàŋgɛ ya hwàmbaki na hwànìi hwà mà kpa o rze o wòrzo wo ama eŋge Ŋguma ya Mɔlɛ̀ŋgù. Hwàŋga hwàmbaki hwa hwatò, tɔ̀ ima mɔ̀ wa awu à mà tɛ̀ɛ̀tɛ̀ɛ mondindi na mɔnjɔ mo luku mo gòòlù ema mo ma onda na itùwà. Iŋgi itùwà jɔ̀ ndi i hwèlì lìkànɛ la hwatò hwa ama Lohwɛ̀.

Hwèwulùwèlì 6:3

Rzìi na ɛnɛ eŋge Ŋguma ya Mɔ̀lɛ̀ŋgù na oma e ma rzolohwe mòjèkà ema mo ma ùkirzɛ̀ me hwàkɛ, nà mà hweyà èembe ema e ùkirzɛ̀yi hwehwàkɛ o ìtììtènì ja hweŋge hwèembe hwe aniyɛ e ohwa nanù ema, “Jà!”

Hwèwulùwèlì 6:5

Nà oma nà mà ɛnɛ eŋge Ŋguma ya Mɔlɛ̀ŋgù na oma e rzolowa mòjèkà ema mo ma ùkirzɛ̀ meyàwo, nà mà hweyà èembè ema e ùkirzɛ̀ hweyàwò o ìtììtènì ja hweŋge hwèembe hwe aniyɛ e ohwa nanù ema, “Jà!” Nà ma ɔŋgɔ, rzìi na ɛnɛ wɔ̀rzi ema e indaa. È mòtò ema à mà e lìya o ŋmanyu à mà tɛ̀tɛ̀ màahvà mà lìmɛni o lìya la eni.

Hwèwulùwèlì 6:7

Rzìi na ɛnɛ eŋge Ŋguma ya Mɔ̀lɛ̀ŋgù na oma e rzolowa mòjèkà ema mo ma ùkirzɛ̀ mènii, nà mà hweyà èembe ema e ùkirzɛ̀ hwènìi o ìtììtènì ja hweŋge hwèembè hwe aniyɛ e ohwa nanù ema, “Jà!”

Hwèwulùwèlì 8:1

È Ŋguma ya Mɔ̀lɛ̀ŋgù rzìi e rzolowa mòjeka ema mo mà ùkirzɛ̀ lìrzàmba, e ŋmanyù ya Lohwà ya arzɛ e ma hwɛ ŋmɛɛ o hvoka hvonda ya rzayiyawo ya miniti.