Hwèwulùwèlì 5:14 - Mokpwe: Bakwery (New Testament)

¹⁴ Hweŋge hwèembè hwe aniyɛ hwe ma hwɛ lì ohwa nanù ema, “Inyɛ̀ wo lìya nanù.” Èŋge mbàŋgɛ ya hwàmbaki na hwànìi rzìi e kpa o rze rzìi e kànɛ e Ŋguma ya Mɔ̀lɛ̀ŋgù.

Hwèwulùwèlì 5:14 Mawu Ofanana

1 Kɔ̀rintìyà 14:16

Inyɔ̀ ye èkì tɛ Lohwɛ̀ o èlìŋgɛ̀ mɛnɛ, nɛ rzɔ òŋgo mòtò ema a hwèlì o ìtììtènì ja anyu ema a rza rzɔ̀ŋgìtɛ̀nɛ̀, mɔ̀hvɛ a tànɛyi lì ohwa nanù ema, “Amɛ̀nì” e ema mɔ̀ à rza rzɔ̀ŋgìtɛ̀nɛ̀ mamɛ ema e ohwi e?

Hwèwulùwèlì 19:4

È mbàŋgɛ ya hwàmbaki na hwànìi na hweŋge hwèembè hwe ànìyɛ̀ hwe ma kpa o rze o worzo wo ama Lohwɛ̀, rzìi hwa mo kanɛ̀, mɔ̀ ema a lìya o e konda ya lìkànèyà. Hwà mà ohwa nanù ema, “Inyɛ̀ wo lìya nanù! Jèka i hwɛ na Lohwɛ̀.”

Hwèwulùwèlì 4:4

Ihvɛhvɛ mbàŋgɛ ja konda na inɛyi ja lìkànèyà i ma tòŋga eŋge konda, ndèŋgànɛ̀lɛ̀ mbàŋgɛ ya hwàmbaki na hwànìi, hwà mà lìya o ŋmanyu ja iŋgi konda. Hwà mà wɔ̀tɔ̀ màatù ma mbɔ̀mi rzìi hwa wɔ̀tɔ̀ hvɛ hwèkòòtò hwe gòòlù o meyohvo me awu.

Hwèwulùwèlì 4:6

O worzo wo e konda ya lìkànèyà o ma hwɛ yoma nàa ŋmànja ema mo ma àyɛ̀kɛ̀nɛ̀ lìyɛ̀ni ema lì ma hwɛ lì ɛnɛ o tenì. Hwèembe hwenii hwe ma toŋgà eŋge konda ya lìkànèyà o hwèhvàrzù hwe aniyɛ, mìirzɔ mo ma onda o inyo ja awu o worzo na o mburza.

Hwèwulùwèlì 5:11

Nà mà ɔ̀ŋgɔ hvɛ, rzìi nà hweyà màlo mà rzayi-rzayi jà aŋgèlì. Wɔ̀ hwa mà tòŋga eŋge èki yà è konda yà lìkànèyà, ò èki ema hweŋge hwèembe hwe àniyɛ̀ nà hwàmbaki hwa hwatò hwa mà hwɛ. Iŋgi aŋgèlì ì mà hwɛ hwèkolì nà hwèkolì nà hwèlùnì nà hwèlùnì.

Hwèwulùwèlì 5:6

Nà mà ɔ̀ŋgɔ rzìi na ɛnɛ e Ŋguma ya Mɔ̀lɛ̀ŋgù, e tɛmi o ìtììtènì ja e konda ya lìkànèyà ema e tòŋgahwi na hweŋge hwèembè hwe àniiyɛ na hwàmbaki. Èŋge Ŋguma ya Mɔ̀lɛ̀ŋgù e ma ɛneya ndi nàa e mɔ̀ ema hwà mà oŋwe. È ma ohva lìrzamba la merzehwa na lìrzamba la mìirzɔ̀. Lìŋgi lìrzàmba la mirzɔ̀ lɔ ndi lì hwèlì lìrzàmba la hwèlìŋgɛ̀ la ama Lohwɛ̀ ema Lohwɛ̀ à mà ome o tenì ya e rze ya mɔ̀nyɛ̀ ya arzɛ.

Hwèwulùwèlì 5:8

O mburza hvonda ema mɔ̀ à mà wowe e kààti ema e lìŋgɛ̀lɛ̀hwɛ, hweŋge hwèembè hwe ànìiyɛ̀ na eŋge mbàŋgɛ ya hwàmbaki na hwànìi hwà mà kpa o rze o wòrzo wo ama eŋge Ŋguma ya Mɔlɛ̀ŋgù. Hwàŋga hwàmbaki hwa hwatò, tɔ̀ ima mɔ̀ wa awu à mà tɛ̀ɛ̀tɛ̀ɛ mondindi na mɔnjɔ mo luku mo gòòlù ema mo ma onda na itùwà. Iŋgi itùwà jɔ̀ ndi i hwèlì lìkànɛ la hwatò hwa ama Lohwɛ̀.

Hwèwulùwèlì 7:12

Hwa mà hwɛ lì ohwa nanù ema, “Inyɛ̀ wò lìya nanù! Mònàmɛ̀, lì ekàhwà, lìhwiyè, jèka, èluhwe, màyìmbì nà ŋginyà inyɛ hwe hwɛ nà Lòohwà la arzu natɛ̀ɛ nà ò gbìndèyà! Inyɛ̀ wò lìya nanù.”