Hwèwulùwèlì 5:13 - Mokpwe: Bakwery (New Testament)

¹³ Rzìi nà hweyà hwèwèkelì hwe arzɛ ema hwe hwèlì ò ŋmanyu yà lohwà, nà ò è rze yà mɔ̀nyɛ̀, ò èkòmè ya hwatò ema hwa mà ŋwɛ̀ɛ̀, ò tenì yà ŋmànja, nà hwèèmà hwe arzɛ ema hwe hwèlì ò tenì yà ŋmàànja hwe emba nanù ema, “Jèka, èluhwe, wònyaki nà màyìmbì, inyɛ hwe hwɛ ò è mɔ̀ ema à lììyàyi ò konda yà lìkànèyà, ndèŋgànɛ̀lɛ̀ inyɛ hwe hwɛ nà è Ŋgumà yà Mɔ̀lɛ̀ŋgù, ò gbìndèyà nà ò gbìndèyà.”

Hwèwulùwèlì 5:13 Mawu Ofanana

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Lukàrzɛ̀ 2:14

“Èluhwe e hwɛ nà Lohwɛ̀ lì Karzamì, ndèŋgàna ɛ̀yɔ̀lɛ̀ hvɛ e hwɛ nà hwatò ema mɔ̀ à ŋgbelì mòrzìmà ò rze!”

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Ròmànì 11:36

Lohwɛ̀ ndi à wèkì hwèèmà hwe arzɛ. Mɔ̀ ndi à gbèyi ndèŋgànà hweŋge hwèèmà hwe arzɛ hwe hwèlì lòŋgɛ. Ndèŋgànɛ̀lɛ̀ mɔ̀ ndi à hwɛni hweŋge hwèèmà hwe arzɛ. Èluhwe è hwɛ nà Lohwɛ̀ ò gbìndèyà nà ò gbìndèyà. Inyɛ̀ wò lìya nanù.

Ròmànì 16:27

Lohwɛ̀ mɔ̀ ŋmìti mɛnɛ ndi à hwɛni lìhwiyè la arzɛ. Inyɛ̀ i mò ŋgbe èluhwe èhwanja eyà ema Yerzù Krirztò à mà gbeyɛ, ò gbìndèyà na ò gbìndèyà. Inyɛ̀ wò lìya nanù.

Ròmànì 9:5

Wɔ̀ hwa uwɛlɛlɛyi ndi ò mòtende mò ama imbamba ja arzu ja kòhwa. Ndeŋgànɛ̀lɛ̀ Krirztò ò hwehwɛ̀ɛlì hwe eni nàa e mòtò wa hwènàmà, mɔ̀ à uwɛlɛlɛyi ndi ò mòtende mò awu. Inyɛ̀ Lohwɛ̀ ema a kànèyà hweyà hwe arzɛ a ekàhwè i hvònda ja arzɛ. Inyɛ̀ wò lìya nanù.

Ɛ̀hvìrzìyà 3:21

Inyɛ̀ èluhwe è hwɛ nà Lohwɛ̀, èhwanja ò hweyà hwe ndɛnɛ ema à hwèlì lì gbèeyà. Hwene hweyà hwe ɛnɛ̀hwɛ̀ ò lì arzàŋganɛ là hwatò hwa Lohwà ndèŋgana hwe ɛnɛ̀hwɛ̀ ò hweyà ema Krirztò à gbèeyà. Èluhwe è hwɛ nà mɔ̀ ò ì hvonda jà arzɛ, ò gbìndèyà nà ò gbìndèyà. Inyɛ̀ wò lìya nanù.

Hvìlipìyà 2:10

Lohwɛ̀ à mà gbeyà ndi ene eyà nanù aŋga nanù o lìna la ama Yerzù, tɔ̀ ima ewèkèlì e hwɛni lì rzumeya Yerzù màwɔ̀ŋgɔ̀ŋgɔ̀, tɔ̀ hwèwèkelì ema hwe hwèlì ndi o ŋmanyu yà lohwà, tɔ̀ anu rze ya mɔ̀nyɛ̀ tɔ̀ o èkomè ya hwatò ema hwà mà ŋwɛɛ.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

1 Tìmotì 4:16

O alɛ̀mbɛ gbamù o tɔ̀ mamɛ ema o òkolɛ hwatò. O ɛ̀ndɛ̀nɛ̀ ndi èwòlò ya aŋgɔ̀ o worzo aŋga nanù Lohwɛ̀ a o rzuŋga lòŋgɛ la aŋgɔ̀, na lì rzuŋga hvɛ mòŋgɛ ma hwatò ema o òkolɛ.

1 Pètrò 4:11

Tɔ̀ ima mòtò ema à hwi lì ohwa gbamù inyɛ à ohwe ndi nàa à ohwa ndi è mbɔrzi ema è uwɛ̀lɛ̀lɛ̀yì ò mà Lohwɛ̀ mɔ̀ ŋmìti. Tɔ̀ njɛnɛ ema à oŋgowàna hwatò, inyɛ à gbeyàne ndi è ŋginyà ema Lohwɛ̀ à mò ŋgbelì. Jèka jò ò ŋgbààhwà Lohwɛ̀ lì hvomɛ̀nɛ̀ hweyà hwe arzɛ lì akeyà nà Yerzù Krirztò. Èluhwe yà arzɛ nà è ŋginyà yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!

1 Pètrò 5:11

Iŋginyà ja arzɛ ì hwèlì ndi è jà eni natɛ̀ɛ nà ò gbìndèyà. Inyɛ̀ wò lìya nanù.

Judɛ 1:25

Èluhwe ya arzɛ e hwɛ na mɔ̀. Mɔ̀ ŋmìti mɛnɛ ndi à hwèlì Lohwɛ̀, ema a jo rzùŋgà mòŋgɛ ma arzu o lì akeyà na hwègbèèlì hwe ama e Rzàŋgo ya arzu Yerzù Krirztò. Èluhwe, lì olowa, e ŋginyà, na màkànèyà ma arzɛ ma hwèlì ndi e ma eni, lì wòteyà o hwewotelì, o nàŋgɛ na o gbìndèyà. Inyɛ̀ wo lìya Nànù.

Hwèwulùwèlì 1:6

À jò gbèyi ì hwèlì ndi nàa Ipilìrzi ema i gbèeyà Lohwɛ̀ è Tatɛ̀ yà eni ema è hwa kànèyà. Inyɛ̀ èluhwe nà lìkànèyà là eni lì hwɛ ò gbìndèyà nà ò gbìndèyà. Inyɛ̀ wò lìya nanù.

Hwèwulùwèlì 13:8

Hwatò hwa arzɛ hwa è rze yà mɔ̀nyɛ̀ hwa ò kanɛ̀ eŋge èembe. Hwàto ema hwa rza ò è kanɛ̀, hwa hwèlì ndi hwaŋga hwatò ema mìinà mà awu mà tìlahwe ò tenì yà è kààtì yà lòŋgɛ ndèŋgànà Lohwɛ̀ à è wèka è rze yà mɔ̀nyɛ̀. È Ŋguma yà Mɔ̀lɛ̀ŋgù ema hwa mà oŋwe, mɔ̀ ndi à hwɛni ene kààtì.

Hwèwulùwèlì 5:1

Nà ɛni kààti ema e lìŋgɛ̀lɛ̀hwɛyi, o lìya la mome la è mɔ̀ ema a lìyayi o konda yà lìkànèyà. Èŋge kààti ema e lìŋgɛ̀lɛ̀hwɛ e ma ohva motìla o imburza ja ahwakɛ, e ma lìŋgɛ̀lɛ̀hwɛ ndèŋganɛlɛ e ma jekahwa na lìrzamba la mèjèkà.

Hwèwulùwèlì 5:12

Wɔ̀ hwa mà emba nà lìlo lì kàrzàmi, nanù ema, “È Ŋguma yà Mɔ̀lɛ̀ŋgù ema è mà oŋwàhwà, è kànɛyi ò lì lùwa màyimbi, erzàŋgo, lìhwiyè, ŋginyà, èluhwe, wonyàki nà jèka.”

Hwèwulùwèlì 5:3

Ndi tɔ̀ o ŋmanyu yà lohwà, tɔ̀ o e rze ya mɔ̀nyɛ̀, tɔ̀ o èkomè ya hwatò ema hwà mà ŋwɛɛ, o rzi hwɛ tɔ̀ mòtò ema à mà tànɛ lì wuluhwa eŋge kààti ema e lìŋgɛ̀lɛ̀hwɛ tɔ̀ o lì e ɔŋgɔ o tenì.

Hwèwulùwèlì 5:6

Nà mà ɔ̀ŋgɔ rzìi na ɛnɛ e Ŋguma ya Mɔ̀lɛ̀ŋgù, e tɛmi o ìtììtènì ja e konda ya lìkànèyà ema e tòŋgahwi na hweŋge hwèembè hwe àniiyɛ na hwàmbaki. Èŋge Ŋguma ya Mɔ̀lɛ̀ŋgù e ma ɛneya ndi nàa e mɔ̀ ema hwà mà oŋwe. È ma ohva lìrzamba la merzehwa na lìrzamba la mìirzɔ̀. Lìŋgi lìrzàmba la mirzɔ̀ lɔ ndi lì hwèlì lìrzàmba la hwèlìŋgɛ̀ la ama Lohwɛ̀ ema Lohwɛ̀ à mà ome o tenì ya e rze ya mɔ̀nyɛ̀ ya arzɛ.

Hwèwulùwèlì 5:9

Hwa mà èmba mɔ̀rzɔ̀kɔ̀ mòhvènya, nanù ema, “Ò kànɛ̀yi lì wòwa è kààti ema è lìŋgɛ̀lɛ̀hwɛ nà ò lì rzòlòwà mòjèkà mò eni, ò kànɛyi ehwànja ò mà oŋwàhwa, ndèŋgànɛ̀lɛ̀ ò mà kɔ̀tɔ̀wɔ̀ hwatò hwa ama Lohwɛ̀ nà màyija mà aŋgɔ. Ò mà gbeyà hwa mà timba ndi hwatò hwa ama Lohwɛ̀. Hwa mà uwɛ̀lɛ̀lɛ̀yi ò mahvɛhvɛ màtumba, hwa ò ohwa ihvɛhvɛ mbɔrzi, hwa uwɛ̀lɛ̀lɛ̀yi ò hwehvɛhvɛ hwèkòmè, ndèŋgànɛ̀lɛ̀ hwa hwèlì inyayi jà hwatò hwa arzɛ.

Hwèwulùwèlì 6:16

Wɔ̀ hwà mà ohwirzɛnɛ ihvàko na hwewoma hwe màŋyàyi nanù ema, “È jo rzuweya, e jo hwande, aŋga nanù e mɔ̀ ema a lìyayi o konda ya lìkànèyà a rza jo ɛnɛ ndèŋgànɛ̀lɛ̀ nanù ema hwetàtò hwe ama e Ŋgùma ya Mɔ̀lɛ̀ŋgù hwe rza jo ɔ̀lɛ.