Hwèwulùwèlì 4:1 - Mokpwe: Bakwery (New Testament)

¹ O mburza hwene hwèyòhwèlì, nà mà luwa ihvɛhvɛ jɛ̀nɛ̀nì rzii na ɛnɛ lìyohva lì lìhvowahwi o lìkànèyà la ama Lohwɛ̀. Ndeŋgàna lìŋgi lìlo ema imba nà mà lome lì hweyà ema lì ma hwɛ lì no ohwirzɛnɛ nàa lìyɔ̀mi, lì ohwa nanù ema, “Jà ono ŋmanyu, na uŋmɛ̀lɛ̀ hwèèmà ema hwe hwɛni lì gbèyɛ̀nɛ o mburza ya ene hvonda.”

Hwèwulùwèlì 4:1 Mawu Ofanana

Matiyò 3:16

Ò wòtɛmɛ̀tɛmɛ̀ nà òmà Yerzù à mà lùhwìrzɛ̀hwɛ̀, rzìi à anjiya ò tenì yà màlìhwa. Ò lìŋgi lìrzàkò mɛ̀nɛ̀ è ŋmanyu yà lohwà è mà lìhvòwèyà, Yerzù rzìi mɔ̀ à ɛnɛ Èlìŋgɛ̀ yà ama Lohwɛ̀ è uhwɛ̀lɛ̀lɛ̀yi ò ŋmanyu yà lohwà rzìi è rzìhwa nàa mbeŋga è mò tɛ̀mɛ̀ ò mòhvò.

Makòrzì 1:10

Ò wòtɛmɛ̀tɛmɛ̀ nà òmà Yerzù à mà lùhwìrzɛ̀hwɛ̀, rzìi à anjiyà ò tenì yà màlìhwa, à mà ɛnɛ lòòhwà lì lìhvòhwèlì. Rziì Èlìŋgɛ̀ yà Wòtani è mà uhwɛlɛlɛ ò ŋmanyu nàa mbèŋga è mò rzihweyà ò mòhvò mò èni.

Lukàrzɛ̀ 3:21

Nà òmà Yòwanìrzɛ̀ à mà lùhwìrzɛ̀ hwatò hwa arzɛ, Yerzù mɔ̀ hvɛ, à mà jà ema a mò lùhwìrzɛ̀. Nà òmà Yerzù a mà lùhwìrzɛ̀hwɛ̀, rzìi a kanɛ̀. Nà òmà a mà hwɛ ò lì kanɛ̀, è ŋmanyu è mà lìhvòweya.

Yòwanìrzɛ̀ 16:13

Ndi e Èlìŋgɛ̀ ya jɔ̀kɛ̀ e jelì tɛ, ye e tìmba ò lì hwiya e jɔ̀kɛ̀ ya arzɛ. Mɔ̀ a rza ò òhwa lì hvòmɛ̀nɛ̀ lìkànèyà la eni. Eyà ema hwa mò òhweyà yɔ ndi à ò òhwa, ndèŋgàna a ò e òhweyà hvɛ hweyà ema hwe ò gbèyɛ̀nɛ.

Hwègbèèlì 10:11

A ma ɛnɛ e ŋmanyu yà Lohwà e lìhvòwelì, rzi yòma e jà ema e ma hwɛ ndi nàa erzanja ndɛnɛ, ema e ma hwɛ ndi nàa ò a ɛnɛ òma màrzuku màaniyɛ ma eŋge erzanjà ma mà lɛmbɛhwɛ ò lì ɔ̀ndirzɛ̀lɛ̀lɛ̀ ò rze ya mɔ̀nyɛ̀.

Hwègbèèlì 7:56

À mà hwa òhweyà nanù ema, “È ɔŋgɔ̀ tɛ, nà ɛni è ŋmanyu yà lohwà è lìhvòwelì. Ndeŋgànɛ̀lɛ̀ hvɛ è Ŋmanà wà è Mòtò wà Hwènàmà, à tɛ̀mì ò ehvarzù yà lìya là mòmɛ̀ là ama Lohwɛ̀.”

Hwèwulùwèlì 1:10

Èlìŋgɛ̀ yà Wòtani è mà nò rziweya o Wùnyà wo ama e Rzàŋgo. Nà ma hweyà lìlo lì ndɛnɛ ema lì ma lì uwɛlɛlɛyi o mburza ya ami lì ma gbeyà ndi nàa mɔ̀tɔ̀wu mo lìyɔ̀mi.

Hwèwulùwèlì 1:12

Nà ma ayeŋgòwɛ̀ o lì ɔ̀ŋgɔ lìlo ema lì ma hwɛ lì na ohwìrzɛ̀nɛ̀. È hvonda ema nà mà ayeŋgòwɛ̀, nà mà ɛnɛ mboko lìrzamba ja gòòlù ema hwètùlù hwe tɛmi o ŋmanyu.

Hwèwulùwèlì 1:19

O eŋgànɛ̀lɛ̀ rzɔ, tìla mamɛ ema o ma ɛnɛ, ema hwe hwèlì hwe gbèyɛ̀nɛ naŋgɛ ndèŋgànɛ̀lɛ̀ ema hwe o gbèyɛ̀nɛ.

Hwèwulùwèlì 11:12

Rzìi hwaŋga hwà-òhwèlì hwa hwèlìŋgɛ̀ hwa hweyà lìlo lì ndɛnɛ ema lì uwɛ̀lɛ̀lɛ̀yi ò ŋmanyu yà lohwà lì hwa ohweyà nanù ema, “È agbe ono ŋmanyu.” Rzìi hwa kpèeyà ò tenì yà lìmbaki hwa ɛndɛ o ŋmanyu yà lohwà rzìi hwàkɔ̀yèlì hwa awu hwa à hwa ɔ̀ŋgɔ nà oma hwa agba.

Hwèwulùwèlì 11:19

Aŋga ndi nà à ɛnɛ è Ndawò yà Lohwà ema è hwèlì ò ŋmanyu yà lohwà yà à lìhvoweya. Ndeŋgànɛ̀lɛ̀ ò tenì yà eŋge Ndawò yà Lohwà, nà mà ɛnɛ Iwòŋgo jà eni jà Yòmbo. Lìŋmɛti lì mà aka, mɔ̀tɔ̀wù mòndɛnɛ mò mà wurza ò ŋmanyu, è ŋgalà yà lohwà è mà kàndeyà, mònyìŋgìrzɛ̀nɛ̀ mò mà hwɛ, ndèŋgànɛ̀lɛ̀ è mbuwà yà màŋyàyi màndɛ̀nɛ̀ è mà yɔ̀ɔ̀.

Hwèwulùwèlì 16:17

È aŋgèlì ema è mà ùkirzɛ̀ lìrzàmba è mà koma hwètàtò hwe ndɛnɛ hwe ama Lohwɛ̀ ema è mà hwɛ ò tenì yà ewoki yà eni ò yùlulì. Lìlo lì ndɛnɛ lì mà uwɛlɛlɛ ò è konda yà lìkànèyà ò tenì yà è Ndawò yà Lohwà lì mà ohwa nanù ema, “È mà gbèyɛ̀nɛ.”

Hwèwulùwèlì 19:11

Nà ma ɛnɛ e ŋmanyu yà lohwà e lìhvohwèlì. Rzìi na ɔŋgɔ rzìi na ɛnɛ wɔ̀rzi ema e tana, e mòtò ema à mà e lìya o ŋmanyu à mà hwɛ̀lɛ̀hwɛ̀ ndi Èhve-ehve na Jɔ̀kɛ̀. Mɔ̀ a kàyìrzɛ hwatò ŋgànà ema e hvomɛ̀nɛ̀yi ndèŋgànɛ̀lɛ̀ a anana hwàkɔ̀yèlì.

Hwèwulùwèlì 22:6

È aŋgèlì rzìi e no òhweyà nanù ema, “Hwene hweyà ema na o ohweyà hwe hwèlì ndi e jɔ̀kɛ̀ o eŋgànɛlɛ e àŋgàmɛ̀nɛ̀ lì hwe lòkɛ̀. È Rzàŋgo, Lohwɛ̀ ema a ŋgbàà hwà-òhwèlì hwa hwèlìŋgɛ̀ elìŋgɛ̀ ya eni, aŋga nanù hwa ohwa ŋmɛ̀ndì mo eni, mɔ̀ à mà oma e aŋgèlì ya eni o lì uŋmɛ̀lɛ̀ hwàgbèèlì hwa eni hweyà ema hwe o gbèyɛ̀nɛ ŋmanà mbɔ̀.”