Hwèwulùwèlì 3:7 - Mokpwe: Bakwery (New Testament)

⁷ À mà nò òhweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Hvìladɛlhvìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì wòtani nà jɔ̀kɛ̀. Mɔ̀ à hwɛni màyìmbì ò lì kànèyà nyayi hvɔ̀kɔ nà oma kìŋgɛ Dàhwitì à mà hwɛ lì kànèyà. Mɔ̀ à lìhvo tɛ lìyòhva tɔ̀ mòtò à rza tànɛ à lì umba, ndèŋgànɛlɛ à umbi tɛ lìyohva tɔ̀ mòtò à rza tànɛ à lì lìhvowa.

Hwèwulùwèlì 3:7 Mawu Ofanana

Matiyò 16:19

Nà ò ŋgbà hwèlìhvòwànì hwe lìkànèyà la ŋmanyu. Mamɛ ema e kakahwi ò rze, e kakahwi hvɛ ò ŋmanyu yà lohwà, mamɛ hvɛ ema e kanɛ̀lɛhwi ò rze, e kanɛ̀lɛhwɛ hvɛ ò ŋmanyu yà lohwà.”

Matiyò 24:35

È ŋmanyu nà è rze hwe ò kùwa lì aka ndi hweyòhwèlì hwe ami hwe ò hwɛ ò i hvònda ja arzɛ.

Makòrzì 1:24

“Jìyeyi! Ìi Yerzù wà Nàrzàrɛ̀tì, mamɛ ò jò àrzàna e? Ò jelì ndi lì jò hvàŋga e? Nà hwi njɛnɛ ò hwèlì, ò hwèlì ndi è mɔ̀ ema Lohwɛ̀ à òmi, ema à Tàni.”

Lukàrzɛ̀ 1:32

Oŋgò Ŋmanà a ò hwɛ ndi yumɛ̀ ya mùnyanà. A ò hwɛ̀lɛ̀hwɛ̀ ndi è Ŋmanà wà ama Lohwɛ̀ lì Kàrzami. Tatà Lohwɛ̀ à ò mò ŋgbà è kònda yà Lìkànèyà la ama è mbamba yà eni Dàhwitì.

Lukàrzɛ̀ 4:34

“Jìyeyi! Ìi Yerzù wà Nàrzàrɛ̀tì, mamɛ ò jò àrzàna e? Ò jelì ndi lì jò hvàŋga e? Nà hwi njɛnɛ ò hwèlì, ò hwèlì ndi è mɔ̀ ema Lohwɛ̀ a òmi, ema à Tanì.”

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Hwègbèèlì 3:14

È mà rzɔ̀rzɔ̀ è mɔ̀ wà Wòtani nà Èhve-ehve, rzìi inyɔ è timba ndi lì rzòrzòmeyà Pìlatò nanù ema à è rzòlòhweyà ndi è mòtò ema à òŋwa hwatò.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.

Hwèwulùwèlì 1:11

Lì ma ohwa nanù ema, “Tila o kààti hwèèmà ema o ɛni, rzìi hwe e omeya lìni lìrzàmba la mìitelì. Ò è omeya o lìni lìrzàmba la mìtelì ema me hwèlì o Ɛ̀hvɛ̀rzɔ̀rzì, o Rzɛ̀màyìnà, o Pɛ̀gàmùmì, o Tìyatìrà, o Rzàdìrzì, o Hvìladɛlhvìyà na o Làwòdèrzìyà.”

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.

Hwèwulùwèlì 15:3

Hwà mà hwɛ lì emba mɔ̀rzɔ̀kɔ̀ mo ama Morzè e mògbèèlì hwa ama Lohwɛ̀ na mɔ̀rzɔ̀kɔ̀ mo ama e Ŋguma ya Mɔ̀lɛ̀ŋgù nanù ema, “Rzàŋgo Lohwɛ̀ lì Kàrzàmi, hwègbèèlì hwe aŋgɔ hwe olo ndeŋgànɛlɛ hwe hwèlì hwètàmirzelì. Kìŋgɛ ya hwèkòmè, hwègbèèlì hwe aŋgɔ hwe hvomɛ̀nɛ̀, ndèŋgànɛ̀lɛ̀ o hwèlì jɔ̀kɛ̀.

Hwèwulùwèlì 16:7

Rzìi na hweyà lìlo ema lì ma uwɛlɛlɛ o ètàwo ya itùwà lì ohwa nanù ema, “Ìi Rzàŋgo Lohwɛ̀ lì Kàrzàmi, e mbàko ya àŋgɔ e hvomɛ̀nɛ̀ ndèŋgànɛ̀lɛ̀ e hwèlì jɔ̀kɛ̀.”

Hwèwulùwèlì 19:11

Nà ma ɛnɛ e ŋmanyu yà lohwà e lìhvohwèlì. Rzìi na ɔŋgɔ rzìi na ɛnɛ wɔ̀rzi ema e tana, e mòtò ema à mà e lìya o ŋmanyu à mà hwɛ̀lɛ̀hwɛ̀ ndi Èhve-ehve na Jɔ̀kɛ̀. Mɔ̀ a kàyìrzɛ hwatò ŋgànà ema e hvomɛ̀nɛ̀yi ndèŋgànɛ̀lɛ̀ a anana hwàkɔ̀yèlì.

Hwèwulùwèlì 19:2

È mbako ya eni e tɛmi ehve-ehve na e jɔ̀kɛ̀ ehwànja mɔ̀ à mà kɔ̀kìrzɛ̀ e molanà mondɛnɛ wa àkpàlà, ema à mà ìnɛ̀lɛ̀ hwatò hwa arzɛ hwa e rze ya mɔ̀nyɛ̀ o lì gbeye wòhwe lì akeyà na hweyà hwe eni hwe mòrzònje. Lohwɛ̀ à mà mo kɔ̀kìrzɛ̀ ehwànja mɔ̀ à mà oŋwa e mògbèèlì hwa ama Lohwɛ̀.”

Hwèwulùwèlì 2:1

Oŋgo ema à mà àyɛ̀kɛ̀nɛ̀ è mòtò wà hwènàmà rzìi à nò òhweyà nanù ema, “Tìleyà è aŋgèlì ema è hwèlì ò ŋmèmba mò Ɛ̀hvɛ̀rzɔ̀rzì nanù ema, è mòtò ema à tɛ̀tì lìrzàmba là rzòmbe ò lìya là enì là momɛ̀, ema à ɛ̀ndeyà ò ìtììtènì jà lìrzamba là mboko jà gòòlù ema jò ohvi hwètùlù, mɔ̀ ndi à omi mono ŋmɛ̀ndì.

Hwèwulùwèlì 21:5

Mɔ̀ ema à mà lìyà o konda ya lìkànèyà rzìi a ohwa nanù ema, “È ɔŋgɔ tɛ nà mà gbeyà hweyà hwe arzɛ hwe hvènya!” Rzìi à no ohweyà hvɛ nanù ema, “Tila hwene hweyà ehwànja hwene hweyà ema na ohwa hwe hwèlì ndi e jɔ̀kɛ̀ ndèŋgànɛlɛ hwe hwèlì ndi hweyà ema tɔ̀ ima mòtò a àŋgàmɛ̀nɛ̀yi lì lòkɛ̀.”

Hwèwulùwèlì 3:14

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Làwòdèrzìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì, Inyɛ̀ wò Lìya Nànù. Mɔ̀ à gbeyà ndi nà oma Lohwɛ̀ à àrzeyà, à hwèlì ndi mboŋgi ya jɔ̀kɛ̀, ndèŋgànɛ̀lɛ̀ ò lì akeyà nà mɔ̀, ɔndi Lohwɛ̀ à mà wèkè hwèèmà hwe arzɛ natɛ̀ɛ nà ò hwèwòtèlì.

Hwèwulùwèlì 4:8

Tɔ̀ ima yɔ̀ yà hweŋge hwèembe è mà ohva màhvàhve mòtòhwa, ndeŋgànɛlɛ hwe mà kùmɛ̀nɛ̀hwɛ̀ nà mììrzɔ̀ è nyo yà arzɛ, tɔ̀ natɛ̀ɛ nà ò tenì yà mahvàhve mà awu. Hwe rzi hwɛ̀mɛ̀ jèembò ŋmèrze nà wùù. Hwe mà hwɛ lì emba nanù ema, “Lòohwɛ̀ ema a karzamì, à hwèlì, Wòtani, wòtani, wòtani. Mɔ̀ ema à mà hwɛ, è mɔ̀ ema à hwèlì ndèŋgànɛlɛ è mɔ̀ ema à hwɛni lì jà.”

Hwèwulùwèlì 5:9

Hwa mà èmba mɔ̀rzɔ̀kɔ̀ mòhvènya, nanù ema, “Ò kànɛ̀yi lì wòwa è kààti ema è lìŋgɛ̀lɛ̀hwɛ nà ò lì rzòlòwà mòjèkà mò eni, ò kànɛyi ehwànja ò mà oŋwàhwa, ndèŋgànɛ̀lɛ̀ ò mà kɔ̀tɔ̀wɔ̀ hwatò hwa ama Lohwɛ̀ nà màyija mà aŋgɔ. Ò mà gbeyà hwa mà timba ndi hwatò hwa ama Lohwɛ̀. Hwa mà uwɛ̀lɛ̀lɛ̀yi ò mahvɛhvɛ màtumba, hwa ò ohwa ihvɛhvɛ mbɔrzi, hwa uwɛ̀lɛ̀lɛ̀yi ò hwehvɛhvɛ hwèkòmè, ndèŋgànɛ̀lɛ̀ hwa hwèlì inyayi jà hwatò hwa arzɛ.

Hwèwulùwèlì 6:10

Hweŋge hwèlìŋgɛ̀ hwe ma londa na lìlo lì kàrzàmi nanù ema, “Ìi Rzàŋgo Lohwɛ̀ ema o Kàrzàmi, ema o hwèlì wòtani na lì hwɛ jɔ̀kɛ̀, ima hvoka hvonda ndèŋgànà o e kàyìrzɛ hwatò hwa e rze ya mɔ̀nyɛ̀ na o lì hwa kɔ̀kìrzɛ̀ ehwànja hwa jo òŋwi e?”