Hwèwulùwèlì 3:20 - Mokpwe: Bakwery (New Testament)

²⁰ È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.

Hwèwulùwèlì 3:20 Mawu Ofanana

Matiyò 24:33

Ŋgana hvɔ̀kɔ hvɛ mɛnɛ, è ɛni tɛ hwenè hweyà hwe arzɛ ndi hwe gbèyɛ̀nɛ, e hwiyè ema è Ŋmanà wà è Mòtò wà Hwènàmà à mà kòmbɛ̀nɛ̀ ò hwèjèelì hwe eni ndèŋgànɛ̀lɛ̀ à mà kòmbɛ̀nɛ̀.

Lukàrzɛ̀ 17:8

Ŋgà ò mò òhweyà ndi nanù ema, ‘O nò ihvɛlɛlɛ mòlelì mò ami, ò nò akɛlɛlɛ è mɔ̀. O nò tɛmeya ò tòŋgòŋgò natɛ̀ɛ na kulɛ̀ lì làa ndèŋgàna ò wà hvɛ ò e làa.’

Yòwanìrzɛ̀ 10:3

È mòtò ema a ɔŋgeya èki, a mò lìhvòweya lìyòhva la kɔtɔ̀. Mɛɛlɛŋgu meyɔhvɛ̀ me mò hweyàna lìlò la eni. Mɔ̀ a hwɛlɛ mɛ̀ɛlɛ̀ŋgù me eni na mìinà ma awu, ò lì me tìmba ò èwòka.

Jèmìrzì 5:9

Ìi wònyamòwè kòkò, e rza arzàrzòwànɛ̀ mɔ̀kɔ na ɔ̀nɛyi e rzi jà lì hwɛ Lohwɛ̀ a ohwa nanù ema e hwèlì ndi hwatò hwa wòhwe. È hwiye nanù ema e mòkàyìrzèlì a e hwɛlɛlɛ̀yi ndi o toŋgoŋgo.

Hwèwulùwèlì 19:9

Èŋge aŋgèlì rzìi e no ohweyà nanù ema, “Tila nanù ema, mònàmɛ̀ na hwaŋga ema hwa yowɛhwɛyi o e ndèma ya lìhwa ya ama e Ŋguma ya Mɔ̀lɛ̀ŋgù.” Èŋge aŋgèlì rzìi e lata hvɛ o lì ohwa nanù ema, “Hwene hweyà hwe jɔ̀kɛ̀ hwe uwɛ̀lɛ̀lɛ̀yi ndi o ma Lohwɛ̀.”