Hwèwulùwèlì 3:17 - Mokpwe: Bakwery (New Testament)

¹⁷ Inyɔ e ohwa nanù ema, ‘È hwèlì ndi hwèwàŋgì, e ohvi hwèèmà hwe arzɛ, e rza takeya tɔ̀ yoma.’ Ndi inyɔ e rza hwi nanù ema e hwèlì ndi hwatò ema e taka rzayi-rzayi hwatò ema e okahwɛlɛ ìilì, hwatò ema e hwèlì mèlìrza, hwatò ema e hwèlì ndima ndèŋgànɛ̀lɛ̀ hwatò ema e hwèlì mèrzombo.

Hwèwulùwèlì 3:17 Mawu Ofanana

Matiyò 5:3

“Mònàmɛ̀ nà hwatò ema hwa hwèlì mòlìrzà ò èlìŋgɛ̀, èhwanja hwa hwèlì ò rze yà Likànèyà la ama Lohwɛ̀.

Matiyò 9:12

Yerzù a mà hweye nanù, rzìi à hwa alàhwɛ̀ nanù ema, “Hwatò ema hwa lìyayi gbamù hwa rzà àrza è ŋgàŋgà. Hwatò ema hwa ɔ̀kìrzɛ̀, wɔ̀ ndi hwa ɛ̀ndeyà e ŋgàŋgà.

Lukàrzɛ̀ 1:53

À ujìrzɛ̀yi è wɔ̀ hwa njàwò nà hwema hwe gbamù. Ndi à tìmbìrzɛ̀ hvɛ hwatò ema hwa òhvi rzayì-rzayì nà màà ma ŋgundu.

Lukàrzɛ̀ 6:24

Mòjèmà nà inyɔ hwèwàŋgì hwe hwatò ema e ma màà lì lùwa hvɛ mòrzawèlì mò anyu.

Ròmànì 11:20

Àŋga mɔ̀ e hwèlì ndi e jɔ̀kɛ̀. Hwe ma rzenjòwahwa èhwanja hwe rzi lòkɛ̀. Inyɔ e ma ikahwa aŋga èhwanja inyɔ e lòkɛ̀yi. Ndi e rzi òhva kumba. Ndi inyɛ inyɔ e òke wɔ̀ŋgɔ̀.

Ròmànì 11:25

Ìi wònyànyàŋgò wa ami kòkò, na arza nanù ema e rzɔ̀ŋgìtɛ̀nɛ̀ eyà ema natɛ̀ɛ na nàŋgɛ tɔ̀ mòtò a rzi rzɔ̀ŋgìtɛ̀nɛ̀, aŋga nanù e rzi lùteyà nanù ema e òhvi lìhwiyè rzayi-rzayi. Nà arza nanù ema e rzɔ̀ŋgìtɛ̀nɛ̀ nanù ema, maniyà mà lòŋgò la hwatò hwa Irzàyɛ̀lì ma ò hwɛ natɛ̀ɛ na ò hwaŋga hwatò hwa arzɛ ema hwa rza enje wònyà Yudà ema hwa rza lòkɛ̀ hwa ò lòkɛ̀.

Ròmànì 12:3

O e ndèli ya ama Lohwɛ̀ a nò ŋgbelì, na òhweyà tɔ̀ ima mɔ̀kɔ wa anyu nanù ema, tɔ̀ mòtò a rza àŋgàmɛ̀nɛ̀ lì awòwɛ̀ mɔ̀ ŋmìti lì aka mamɛ ema mɔ̀ à hwèlì. Ndi ò arzihwirzɛ ò màlùtèyà ma aŋgɔ̀. Ndeŋgànɛ̀lɛ̀ hvɛ ò àkàyìrzɛ̀ ò wà witi ò lìmɛni la lìlòkɛ̀ ema Lohwɛ̀ à mà màa lì ò ŋgbà.

Ròmànì 7:24

Nà ma timba ndi yòma chachukɛ̀ ya mòtò! Njɛnɛ a nò kɔ̀tɔ̀ ò màà mà ene nyàmà nyò ema e nò jàneyà e kpelì e?

2 Pètrò 1:9

Ndi tɔ̀ njɛnɛ ema a rza hwɛnɛ ɛ̀ɛ̀mɛ̀ ya gbamù, nanù o ma mɔ̀ à gbèyi ndi nàa mòtò ema a rza ɛnɛ hvoo, tɔ̀ ema a hwèlì ndìmà. Mɔ̀ à mà hvoŋga nanù ema Lohwɛ̀ à mà mo rzàŋgìrzɛ, ndèŋgànɛ̀lɛ̀ à mà mo làkìrzɛ wòhwe wo eni.

Hwèwulùwèlì 16:15

Yerzù à ohwi nanù ema, “È okànèyà, nà ò jà ò wùnyà ema tɔ̀ mòtò à rza ò hwiyɛ nàa ŋmìhwɛ̀ à jà. Mònàmɛ̀ nà oŋgo mòtò ema à ò lìya ehvɛ̀nyɛ̀, ndèŋgànɛ̀lɛ̀ à ò ohvɛ mààtù mà eni, aŋga nanù mɔ̀ à rza ò ɛndɛ̀nɛ̀ morzombo ò lì luwa erzàmbo ò marzo mà hwatò.”

Hwèwulùwèlì 2:9

Imba nà hwi mètàkà mè anyu, ndèŋgànɛ̀lɛ̀ nà hwi nanù ema è hwèlì ndi mèlìrzà mè hwatò, ndi tɔ̀ nanù è hwèlì ndi hwèwàŋgì. Nà hwi hweyà hwe wòhwe ema hwatò ema hwa ohwa nanù ema hwa hwèlì ndi wònyà Yudà tɔ̀ nɛ hwa rza enje wònyà Yudà, hwa ohwa ò lì è teŋgɛ̀nɛ̀. Wɔ̀ hwa hwèlì ndi hwatò hwa ama Mòkarzɛ̀ tɔ̀ hwatò ema hwa hwèlì ò mòndèŋge mò eni.

Hwèwulùwèlì 3:16

Ò eŋgànɛlɛ rzɔ nà oma è hwèlì ndi rzii, inyɔ è rza rzimi ndèŋgànɛ̀lɛ̀ è rza tumbana, nà è ulɛ̀ ò tenì yà è wàna yà ami.