Hwèwulùwèlì 3:1 - Mokpwe: Bakwery (New Testament)

¹ Oŋgo mòtò ema à mà àyɛ̀kɛ̀nɛ̀ è mòtò wà hwènàmà à mà nò òhweyà nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Rzàdìrzì nanù ema, “Mono ŋmɛ̀ndì mò uwɛ̀lɛ̀lɛ̀yi ndi nà imba ema nà tɛtì lìrzàmba là hwèlìŋgɛ̀ ema hwe uwɛlɛlɛyi o ma Lohwɛ̀, ndèŋgànɛ̀lɛ̀ hvɛ nà tɛ̀tì lìrzàmba là rzòmbe. Nà hwi èwòlò ema inyɔ è gbeyà. Hwàto hwa ohwa nanù ema è hwèlì lòŋgɛ ndi inyɔ è rza enje lòŋgɛ.

Hwèwulùwèlì 3:1 Mawu Ofanana

Lukàrzɛ̀ 15:24

Ònò ŋmanà wà amì à mà ŋwa rzìi à tìmbi hvɛ ò lòŋgɛ. À mà wɔ̀ɔ rzìi a wurzi hvɛ.’ Aŋgà ndi hwa mà wòteya lì rzòmbìrzɛ̀.”

Lukàrzɛ̀ 15:32

Ò jɔ̀kɛ̀! Ì hwɛnì lì rzòmbirzɛ nà lì òkà mɔ̀nyɛ̀ŋgì èhwànja ònò ŋmanyɔ̀ŋgɔ wà aŋgɔ̀ à mà ŋwa, rzìi a timbi hvɛ ò lòŋgɛ. À ma wɔ̀ rzìi a wurzi hvɛ.’”

Yòwanìrzɛ̀ 1:16

Nà òma mɔ̀ à òndi nà ndèli, ò èŋgànɛ̀lɛ̀ irzɔ hwa arzɛ ì lu mònàmɛ̀ mɔ̀kɔ, mɔ̀kɔ nà ɔ̀nɛyi.

Yòwanìrzɛ̀ 1:33

Tɔ̀ nɛ nà rzi rzɔ̀ŋgìtɛ̀nɛ̀ nanù ema mɔ̀ òŋgò. Ndi nà òma Lohwɛ̀ à mà nò òme ò lì lùhwìrzɛ̀ hwatò nà màlìhwa, à mà nò òhweyà nanù ema, ‘È mɔ̀ ema ò ɛni èlìŋgɛ̀ è mò rzihwèlì lì mò tɛmeyà, mɔ̀ ndi à hwèlì è mɔ̀ ema à ò lùhwìrzɛ̀ hwatò nà èlìŋgɛ̀ yà wòtani.’

Yòwanìrzɛ̀ 20:22

Rzìi à hwa uŋgɛlɛ muulu, a hwa òhweyà nanù ema, “È wòwe Èlìŋgɛ̀ yà Wòtani.

Yòwanìrzɛ̀ 3:34

È mɔ̀ ema Lohwɛ̀ à mà òme a òhwa eyà ya ama Lohwɛ̀, èhwanja Lohwɛ̀ a ŋgbelì mòtò èlìŋgɛ̀ ya eni ema a rza ɔ̀ŋgɔ ò mburza.

Hwègbèèlì 2:33

Lohwɛ̀ à mà mò ŋgba kònda yà èluhwe ò lìya là eni là mòmɛ̀. Ndeŋgànɛ̀lɛ̀ à mà mò ŋgba Èlìŋgɛ̀ yà Wòtani ema à mà òhwe nanù ema à ò mò ŋgba. Yerzù mɔ̀ hvɛ à mà jò ŋgba eŋge èlìŋgɛ̀ ndèŋgànɛ̀lɛ̀ yɔ̀ ndi è gbèyi ema inyɔ è ɛnɛ̀ nà lì hweyà tɔ̀ mamɛ ema è gbèyɛ̀nɛ̀ yàwònò.

Ɛ̀hvìrzìyà 2:1

Ò mòlòmɛ̀ ì mà hwɛ̀ɛ ndi nàa hwatò ema hwa mà ŋwɛ̀ɛ̀ èhwanja è rzi hwɛ lì gbeyà hweyà ema Lohwɛ̀ à mà ohwe ema è gbèye, ndèŋgàna è mà hwɛ lì gbeyà wòhwe.

Ɛ̀hvìrzìyà 2:5

mɔ̀ à mà jò gbeyà o lì hwɛ lòŋgɛ na oma i hwèlì na Krirztò, tɔ̀ nɛ i ma hwɛ ndi nàa hwatò ema hwà mà ŋwɛ èhwanja i rzi hwɛ lì gbeyà hweyà ema Lohwɛ̀ à mà ohwe nanù ema e gbeye. O lì akeyà na e ndèli ya àma Lohwɛ̀ ɔ̀ndeŋgàtɛ̀ i rzuŋgàhwì.

Kòlòrzìyà 2:13

Ò mòlòmɛ̀ inyɔ è mà hwɛ ndi nàa ò à ɛnɛ ema è mà ŋwa, ehwànja è mà hwɛ lì unda è mbenda yà ama Lohwɛ̀. Ndèŋgàna ò eŋge hvonda, ema Krirztò à è ulɛ̀ ɛ̀ɛ̀mɛ̀ ya anyu yà wòhwe ò nyo. Ndi ò nàŋgɛ Lohwɛ̀ à mà è ŋgba lòŋgɛ lì hvènya nàa oma à mà jò hvùmùlɛ̀ nà Krirztò. À mà jò làkìrzɛ wòhwe wò arzu wò arzɛ.

1 Tìmotì 5:6

Ndi mokurze mo molanà ema mo ŋgbàà e nyo ya eni o hweyà hwe e rze ya mɔ̀nyɛ̀ à mà màa lì ŋwa o èlìŋgɛ̀ tɔ̀ nɛ a hwèlì lòŋgɛ.

Jèmìrzì 2:26

O eŋgànɛ̀lɛ̀ rzɔ, na oma e nyo ema e rza ohvɛ èlìŋgɛ̀ e ŋwaa, nanù mɛnɛ ndi lìlòkɛ̀ ema lì rza ohvɛ hwèwòlò lì ŋwaa.

1 Pètrò 1:11

Wɔ hwà mà keka o lì arzirzɛ e hvonda ema ene eyà yo ò hwɛ ndèŋgànà nɛ e o jèeya. È hvonda yɔ ene ema Èlìŋgɛ̀ ya ama Krirztò ema e ma hwa hwɛ o tenì e ma hwɛ o lì hwa ohweyà nɛ o e hvonda ema e o jɛ̀ɛ̀, Krirztò a o tàkɛ na èluhwe ema a o luwɛ o mburza meŋge mètàkà.

Judɛ 1:12

Hwàŋga hwatò hwa rza ohvi irzɔ̀ni, ò eŋgànɛlɛ rzɔ̀, inyɔ nà wɔ̀ è arzàŋgànɛ tɛ ò lì laa mòlelì, ò lì uŋmɛ̀lɛ̀ è ndìŋgɛ yà ama è Rzàŋgo, wɔ̀ hwa hwɛ ndi nàa mbindo ò ìtììtènì jà anyu. Hwa àlùtàneyà ndi wɔ̀ hwiti. Hwa gbeì ndi nàa lìmbàki ema è mbɛ̀hvɛni è uŋgɛ̀lɛ ò lì uŋmɛ̀lɛ̀ nanù ema o ò yɔ̀ɔ̀ mbuwà ema è rza ò yɔ̀ɔ̀. Hwa gbèyi ndi nàa mayi ema mà rza ŋya hwehvùma tɔ̀ ò è hvonda ema màyi mà ŋya hwehvùma. Hwà mà màa ndi lì ŋwa nàa mayi ema mà wuŋguwahwi nà meyàŋga.

Hwèwulùwèlì 1:11

Lì ma ohwa nanù ema, “Tila o kààti hwèèmà ema o ɛni, rzìi hwe e omeya lìni lìrzàmba la mìitelì. Ò è omeya o lìni lìrzàmba la mìtelì ema me hwèlì o Ɛ̀hvɛ̀rzɔ̀rzì, o Rzɛ̀màyìnà, o Pɛ̀gàmùmì, o Tìyatìrà, o Rzàdìrzì, o Hvìladɛlhvìyà na o Làwòdèrzìyà.”

Hwèwulùwèlì 1:16

O lìya la eni la momɛ̀, à mà tɛtɛ rzombe lìrzamba. Rzɔ̀lɔ̀ ema e ma eeya rzayi-rzayi o hwèhvàrzù hwe-ahwakɛ yɔ̀hvɛ e ma wurza o wàna ya eni. Wòrzo wa eni wɔ̀ hvɛ wo ma hvànya na ŋginyà nàa igbèyi ja kɔ̀rzi ya ŋmerze.

Hwèwulùwèlì 1:20

È wùndɛ̀ ema e hwèlì lì hvomɛ̀nɛ̀ lìrzàmba la rzombe ema lì hwèlì o lìya la ami la mome na lìrzamba la mboko ja gòòlù ja hwètùlù hwe hwèlì ndi: Lìrzàmbà la rzombe lì hwèlì ndi i aŋgèlì lìrzàmba ja lìrzàmba la mèèmbà, ndeŋgànɛlɛ lìrzàmba la mboko ja gòòlù ja hwètùlù hwe hwèlì ndi lìŋgi lìrzàmba la mèèmbà.”

Hwèwulùwèlì 1:4

Imba Yòwanìrzɛ̀, nà tìlèlì mììtèlì lìrzàmba ema mè hwèlì ò erzòòkà yà Èrzìyà. Inyɛ̀ è ndèli nà ɛ̀yɔ̀lɛ̀ yà ama Lohwɛ̀, è hwɛ nà inyɔ. Lohwɛ̀ ema à hwèlì, ema à mà hwɛ, nà è mɔ̀ ema à ò hwɛ̀ɛ̀, ndèŋgànɛ̀lɛ̀ hwèlìŋgɛ̀ lìrzàmba hwa è omèlì è ndèli nà ɛ̀yɔ̀lɛ̀. Hweŋge hwèlìŋgɛ̀ hwe hwèlì ò worzo wò è konda yà lìkànèyà yà è ŋmanyu yà lohwà.

Hwèwulùwèlì 2:13

Nà hwi èki ema ò lìya. Aŋga ndi è konda yà lìkànèyà là ama mòkarzɛ̀ è hwèlì. Ndi è eka mèèmà mè anyu nà imba nanù mɛnɛ. È mà nò lòkɛ̀ nà ŋmèma mɔ̀kɔ nanù mɛnɛ tɔ̀ ò è hvonda yà ama Àntipàrzi. Àntipàrzi à mà nò tɛ̀meyà è mboŋgi yà jɔ̀kɛ̀, ndèŋgànɛ̀lɛ̀ hwa mà mò oŋwa ò ìtììtènì jà anyu ò hwèlìyelì hwe ama Mòkarzɛ̀.

Hwèwulùwèlì 2:19

Nà hwi èwòlò ema è gbeyà. Nà hwi è ndìŋgɛ ema è nò hwɛ̀nèlì, ndèŋgànɛ̀lɛ̀ nà hwi hvɛ lìlòkɛ̀ ema è nò hwɛ̀nèlì. Nà hwi nà oma è nò gbèeyà, ndèŋgànɛ̀lɛ̀ nà oma è kàki mèèmà nà lì ajùlɛ. Ndeŋgànɛ̀lɛ̀ nà hwi nanù ema, èwòlò ema è hwèlì è gbeyà nàŋgɛ, è akayi è yɔ̀ ema è mà lòme lì gbeyà.

Hwèwulùwèlì 2:2

Nà hwi hweyà hwe arzɛ ema è gbeyà. Nà hwi hwèwòlò hwe anyu hwe ŋginyà ema è gbeyà ndèŋgànɛlɛ nà hwi nanù ema è kaki mèèmà o lì àjùlɛ̀. Nà hwi nanù ema o rza tanɛyi lì emeyà hwatò hwa wòhwe. Nà hwi na oma e gbeyà rzìi e emba hwatò ema hwa ahwàŋgɛ̀lɛ̀ nanù ema hwa hwèlì ndi i àpɔ̀rzìtòlò ema hwa rza enje àpɔ̀rzìtòlò, rzìi inyɔ e àyèmbɛ nanù ema hwa hwèlì ndi hwà-òhwèlì hwa hwèlìŋgɛ̀ hwa mòlaŋgà.

Hwèwulùwèlì 2:9

Imba nà hwi mètàkà mè anyu, ndèŋgànɛ̀lɛ̀ nà hwi nanù ema è hwèlì ndi mèlìrzà mè hwatò, ndi tɔ̀ nanù è hwèlì ndi hwèwàŋgì. Nà hwi hweyà hwe wòhwe ema hwatò ema hwa ohwa nanù ema hwa hwèlì ndi wònyà Yudà tɔ̀ nɛ hwa rza enje wònyà Yudà, hwa ohwa ò lì è teŋgɛ̀nɛ̀. Wɔ̀ hwa hwèlì ndi hwatò hwa ama Mòkarzɛ̀ tɔ̀ hwatò ema hwa hwèlì ò mòndèŋge mò eni.

Hwèwulùwèlì 3:15

Nà hwi hwèwòlò hwe anyu ema è gbeyà, nà hwi nanù ema è rza rzimi tɔ̀ lì tumbana. Ò mà lɔ̀ɔ nanù ema oma è rzimi tɔ̀ lì tumbana.

Hwèwulùwèlì 3:2

Ò èŋgànɛ̀lɛ̀ rzɔ, è imòwe. È arza lì hwɛmɛ ò lì gbeyà èwòlò yà ami, ndi ò naŋgɛ è kèke yè è gbèye gbamù ehwànja nà mà ɛnɛ nanù ema, ene èwòlò è rza kanɛ̀ ò worzo wò ama Lòohwà là ami.

Hwèwulùwèlì 3:8

Nà hwi èwòlò ema è gbeyà. È ɔŋgɔ̀ tɛ, nà mà ò lìhvoweya lìyohva ema lì ò hwɛlɛlɛ̀yi ò worzo ndèŋgànɛ̀lɛ̀ tɔ̀ mòtò à rza tànɛ à lì umba. Nà hwi nanù ema è ŋginyà ema ò hwɛni è tùù, ndi tɔ̀ nanù inyɔ è oŋgama eyà yà ami, ndèŋgànɛ̀lɛ̀ inyɔ è rza ohwa nanù ema è rza no hwi.

Hwèwulùwèlì 4:5

O eŋge konda ya lìkànèyà, lìŋmɛti lì ma hwɛ lì wurza, mɔ̀tɔ̀wù mo ma hwɛ lì wurza, ndèŋgànɛ̀lɛ̀ e ŋgala lohwà yɔ hvɛ e ma hwɛ lì kèhwa. Lìrzàmba la mekàko ema me ma hwɛ lì hvàyèya, lì ma hwɛ o worzo wo eŋge konda ya lìkànèyà. Liŋgi lìrzàmba la mekàko lì hwèlì ndi lìrzàmba la hwèlìŋgɛ̀ hwe ama Lohwɛ̀.

Hwèwulùwèlì 5:6

Nà mà ɔ̀ŋgɔ rzìi na ɛnɛ e Ŋguma ya Mɔ̀lɛ̀ŋgù, e tɛmi o ìtììtènì ja e konda ya lìkànèyà ema e tòŋgahwi na hweŋge hwèembè hwe àniiyɛ na hwàmbaki. Èŋge Ŋguma ya Mɔ̀lɛ̀ŋgù e ma ɛneya ndi nàa e mɔ̀ ema hwà mà oŋwe. È ma ohva lìrzamba la merzehwa na lìrzamba la mìirzɔ̀. Lìŋgi lìrzàmba la mirzɔ̀ lɔ ndi lì hwèlì lìrzàmba la hwèlìŋgɛ̀ la ama Lohwɛ̀ ema Lohwɛ̀ à mà ome o tenì ya e rze ya mɔ̀nyɛ̀ ya arzɛ.