Hwèwulùwèlì 22:5 - Mokpwe: Bakwery (New Testament)

⁵ O rza o hwɛ hvɛ wuu. Wɔ̀ hwa rza o arza hvɛ tɔ̀ ètùlù tɔ̀ ŋmàye, tɔ̀ moombe mo igbèyi ehwànja Rzàŋgo Lohwɛ̀ a o hwɛ ŋmàye mo awu, ndèŋgànɛlɛ wɔ̀ hwa o kànèyà natɛ̀ɛ na o gbìndèyà.

Hwèwulùwèlì 22:5 Mawu Ofanana

Matiyò 19:28

Yerzù rzìi a tìmba hvɛ lì hwa òhweyà nanù ema, “Nà e òhweyà ndi e jɔ̀kɛ̀ e hvònda ema è Ŋmanà wà è Mòtò wà Hwènàmà a ò lìya ò mbòkò ya lìkànèyà la eni la èluhwe, ò e rze ema e ò jɛ̀ɛ̀ inyɔ lìyòme la hwatò na hwahwakɛ ema e nò nɔŋgi e ò lìya ò mbòkò ja lìkànèyà ò lì kàyìrzɛ̀ lìyòmɛ̀ la matumba na mahwakɛ ma Irzàyɛ̀lì.

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Ròmànì 5:17

È hwèlì ndi e jɔ̀kɛ̀ nanù ema wòhwe ema ehvòwa ya mòtò Adàmu à mà gbeye, wò ma gbeyà hwatò hwa arzɛ ò lì hwɛ ò rze ya e ŋginyà ya kpelì. Ndi eyà ema enɛyi ehvòwa mòtò ya awɔ̀kɛ Yerzù Krirztò mɔ̀ hvɛ à mà gbeye yɔ e imbami rzayi-rzayi. Ène eyà e gbeyà hwatò hwa arzɛ ema hwà mà luwɛ e ndèli ya ama Lohwɛ̀ ema e òlò, hwa ò imanɛlɛhwɛ ò wòrzò wò ama Lohwɛ̀. Hwa ò hwɛnɛ lòŋgɛ là gbìndèyà na lì hwɛnɛ ŋginyà ò ŋmanyu ya hweyà hwe arzɛ.

2 Tìmotì 2:12

Ja àjùlɛ̀nɛ̀ tɛ o lì taka na mɔ̀, irzɔ jo ò kànèyà na mɔ̀. Irzɔ i mo rzɔ̀rzi tɛ, mɔ̀hvɛ a hwɛni ndi lì jo rzɔ̀rzɔ̀.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 18:23

O e mbowà ndɛnɛ ya aŋgɔ, etùlù e rza o hvànya hvɛ tɔ̀ wùnyà, lìlo la mɔ̀nyɛ̀ŋgì la mɔ̀ɔ̀mbì na e mohwɛ̀ɛ̀nɛ wa mɔ̀ɔ̀mbì lì rza o hwɛ̀ɛnɛ hvɛ tɔ̀ wùnyà. Hwa o hvàŋga eŋge mbowà ndɛnɛ ehwànja, hwatò hwa aŋgɔ̀ hwa nyòŋga ya lì anda na lì ahwìrzɛ wɔ̀ ndi hwà mà hwɛ iŋgumu ja nyòŋga o e rze ya mɔ̀nyɛ̀ ya arzɛ, ndèŋgànɛ̀lɛ̀ hwatò hwa arzɛ hwa hwèkòmè hwe e rze ya mɔ̀nyɛ̀, o ma gbeyàna màagikì ma aŋgɔ o lì hwa lukɛlɛ.”

Hwèwulùwèlì 20:4

Rzìi na ɛnɛ ikonda ja màkànèyà ema hwatò ema hwà mà ji lìya wɔ̀ ndi Lohwɛ̀ à mà ŋgbe e wònja o lì kànèyà hwatò. Rzìi na ɛnɛ e mòtò wa tenì wa hwatò ema hwà mà ŋwɛɛ. Hwà mà hwa oŋwa ehwànja hwà mà hwɛ lì ohwa e jɔ̀kɛ̀ ema Yerzù à mà jàne ehwànja hwà mà hwɛ lì ohwa ŋmɛ̀ndì ema mo uwɛ̀lɛ̀lɛ̀yi o ma Lohwɛ̀. Wɔ̀ hwà mà hwa oŋwa ehwànja wɔ̀ hwa rzi kanɛ̀ eŋge nyàmà yà wòhwe tɔ̀ èlìŋgɛ̀ ya eni ehwànja wɔ̀ hwa rzì emeyà lì luwa èèmbanelì ya eni o imbɔ̀mbɔ tɔ̀ o màà mà awu. Wɔ̀ hwà mà tìmba o lòŋgɛ rzìi hwa hwɛ na Krirztò o lìkànèyà o tenì ya ikolì ja meya.

Hwèwulùwèlì 20:6

Mònàmɛ̀ mo o hwɛ na hwaŋga ema hwa o hwɛ o hwehvùmuwelì hwe worzo. Hwa hwèlì ndi hwatò ema hwa hwèlì wòtani. È kpelì ema e hwèlì e kpelì ya hwèlìŋgɛ̀, e rza hwɛnì màyìmbì o ŋmanyu ya hwatò ema hwa hwèlì o hwehvùmuwelì hwe kpelì hwe worzo. Ndi wɔ̀ hwa o hwɛ ipilìrzi ja ama Lohwɛ̀ na e ja ama Krirztò, ndèŋgànɛ̀lɛ̀ wɔ̀ hwa o hwɛ na mɔ̀ o lìkànèyà o tenì ya ikolì ja meya.

Hwèwulùwèlì 21:11

È ma hwɛ lì hvànya na ŋmàye mo ama Lohwɛ̀. Èŋge mbowà ndɛɛndɛ e ma hwɛ lì hvànya ndi nàa lìŋyàyi la wòlìto ema lì àhwirzɛ̀hwɛ̀ wolì ema wo koki, e ma hvànya ndi nàa jarzipa ndèŋgànɛ̀lɛ̀ e ma ɛnɛhwɛ o tenì.

Hwèwulùwèlì 3:21

Hwàto ema hwa lìya lì aka hweyà hwe wòhwe, nà ò hwa ŋgba è wònja ò lì lìya nà imba ò konda yà ami yà lìkànèyà, ŋgànà hvɔ̀kɔ nà oma imba hvɛ nà lìya ò ŋmanyu yà hwàkɔ̀yèlì wà ami rzìi nà lìya nà Tatɛ̀ wà ami ò è konda yà eni yà lìkànèyà.