Hwèwulùwèlì 22:20 - Mokpwe: Bakwery (New Testament)

²⁰ È mɔ̀ ema a tɛmi e mbòŋgi ya hwene hweyà hwe arzɛ a ohwi nanù ema, “Ò jɔ̀kɛ̀, na o jà ŋmanà mbɔ̀.” Inyɛ̀ wo lìya nanù, jà, ìi Rzàŋgo Yerzù.

Hwèwulùwèlì 22:20 Mawu Ofanana

Yòwanìrzɛ̀ 21:25

O ma hwɛ hvɛ hwehvɛhvɛ hweyà hwe rzayi-rzayi ema Yerzù à mà gbeye. È ma òhwahwa tɛ ema hwene hweyà hwe arzɛ hwe tìlahwì yɔ̀kɔ na enɛyi, na ɔ̀ŋgɛ̀lɛ̀ nanù ema ò rza hwɛ ehvòlò ò e rze ya arzɛ ò lì uta ini kààti.

1 Kɔ̀rintìyà 16:22

Tɔ̀ jɛ̀ɛ̀ ema à rza lìŋgànɛ Rzàŋgo èwoma e hwɛ na mɔ̀. Rzàŋgo wa arzu, jà!

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Hibrù 10:37

È tìlahwì o e kààtì ya ama Lohwà nanù ema, “O ŋmanà hvonda, e mɔ̀ ema à hwɛni lì jà a o jà, o rza wowa hvonda.

Hibrù 9:28

Nànù hvɛ mɛnɛ ndi Krirztò à mà aŋgbɛ mɔ̀ ŋmìti o ŋgelì hvɔ̀kɔ o iŋgèlì ja arzɛ nàa jàhwèyà o lì ulɛ wòhwe ema wo koki o hwatò. Ndeŋgànɛ̀lɛ̀ mɔ̀ à o jà hvɛ e ŋgelì ema e ùkirzɛ̀ ihwàkɛ, rzeketɛ o lì ulɛ wòhwe o hwatò, ndi mɔ̀ à o jà o lì rzùŋgà mòŋgɛ ma hwatò ema hwa mo ambɛ̀lɛ.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 1:2

Ndeŋgànɛ̀lɛ̀ Yòwanìrzɛ̀ ndi à mà ohwa hweyà hwe arzɛ na oma mɔ̀ à mà hwe ɛneya. Hwene hweyà hwe ɔndi mɔ̀ à mà ohwe o lì hvomɛ̀nɛ̀ ŋmɛ̀ndì ema mo ò uwɛ̀lɛ̀lɛ̀yi o ma Lohwɛ̀ na e mboŋgi ema mɔ̀ à tɛmeya Yerzù Krirztò.

Hwèwulùwèlì 2:16

Ò eŋgànɛlɛ rzɔ è ayèŋgowɛ̀ ò wòhwe wò anyu, è rzi ayèŋgowɛ̀ tɛ ò wòhwe wò anyu, rzìi nà ò ahwèŋgɛ̀ ò lì jà lì anana hwaŋga hwatò. Nà ò gbeyàna è rzɔ̀lɔ̀, ema è uwɛlɛlɛ ò tenì yà è wàna yà ami ò lì anàna hwaŋga hwatò.

Hwèwulùwèlì 22:10

Èŋge aŋgèlì rzìi e no òhweyà hvɛ nanù ema, “È rzi uteya hwatò hweyà ema hwe o gbèyɛ̀nɛ ema hwe tìlahwì o tenì ya ene kààti, ehwànja hwe o gbèyɛ̀nɛ ŋmanà mbɔ̀.

Hwèwulùwèlì 22:12

Yerzù a ohwi nanù ema, “È ɔŋgɛ tɛ, na ja ŋmanà mbɔ̀, o lì rzaweyà tɔ̀ ima mòtò lì wowàna èwòlò ema mɔ̀ à gbèyi.

Hwèwulùwèlì 22:18

Imba, Yòwanìrzɛ̀, na kòkòwɛ̀lɛ̀ tɔ̀ njɛnɛ ema a hweya hweyà ema hwe tìlahwì o tenì ya ene kààtì, o lì hvomɛ̀nɛ̀ hweyà ema hwe o gbèyɛ̀nɛ, e hwèlì tɛ nanù ema mòtò a hwàtɛ tɛ eyà o tenì ya ene kààti, aŋga ndi Lohwɛ̀ a o mo hwàteya ikàndɛ ema i tìlahwì o tenì ya ene kààtì.

Hwèwulùwèlì 22:7

Yerzù rzìi a ohwa nanù ema, “È ɔŋgɔ tɛ, imba na jà ŋmanà mbɔ̀. Mònàmɛ̀ mo hwèlì na hwatò ema hwa ikayi hweyà ema hwe tìlahwì o tenì ya ene kààtì, hweyà ema hwe o gbèyɛ̀nɛ o nàŋgɛ na e hvonda ema e o jɛ̀ɛ̀.”