Hwèwulùwèlì 22:14 - Mokpwe: Bakwery (New Testament)

¹⁴ Mònàmɛ̀ nà hwaŋga hwatò ema hwa rzòrza mèŋgombe me awu, hwa o luwa è wònjà ya lì akeyà o lìyohva la kɔ̀tɔ̀ o lì kpèeyà o eŋge mbowà ndɛɛndɛ aŋga nanù wɔ̀ hwa o laa hwehvùma ema hwe gbeyà hwatò hwa hwɛ o lòŋgɛ natɛ̀ɛ na o gbìndèyà.

Hwèwulùwèlì 22:14 Mawu Ofanana

Yòwanìrzɛ̀ 10:7

O èŋgànɛ̀lɛ̀ Yerzù à mà òhwà hvɛ nanù ema, “Nà e òhweyà ndi e jɔ̀kɛ̀, imba ndi na hwèlì lìyòhva là è ndawò yà mɛ̀lɛ̀ŋgù.

Yòwanìrzɛ̀ 10:9

Nà e jɔ̀kɛ̀ imba ndi na hwèlì lìyòhva. Mòtò a nò akelì tɛ imba ò lì kpèeyà, a rzùŋgàhwà. Mɔ̀ a òhva wònja lì kpèeyà na lì wurza, a lùwa tɔ̀ ima lìtumba la eyà ema a arza.

Yòwanìrzɛ̀ 14:15

Yerzù rzìi a òhwa hvɛ nanù ema, “È hwèlì tɛ ema e nò lìŋgàni, e hwɛnì lì ika imbenda ja ami.

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 4:12

È mbamba ya arzu Jèkɔ̀bù hwa kòòhwa mɔ̀ ndi à mà jò lìiya ene ehvɔ̀ndi ya malìhwa. Mɔ̀ hvɛ ŋmìti, hwàanà hwa eni, na hwèembè hwa eni hwe arzɛ anu ndi hwà mà nyɔ̀yèya malìhwa. O èŋgànɛ̀lɛ̀ rzɔ ò arza lì òhwa nanù ema ò wa ò akayi Jèkɔ̀bù e?”

1 Kɔ̀rintìyà 7:19

O lì endàhwa o rza uŋmɛ̀lɛ̀ tɔ̀ eyà, o rza endàhwì hvɛ tɛ o rza uŋmɛ̀lɛ̀ tɔ̀ eyà. Èya ema e hwèlì wòlìtò e hwèlì ndi o lì ika i mbenda ja ama Lohwɛ̀.

1 Kɔ̀rintìyà 8:9

È aŋgowe nɛ e gbeyàna è wònjà ya anyu ema ye ŋgbàahwì. È gbeyàne enè wònjà nyayi ema wònyànyàŋgo hwa anyu ema mèèmà me awu me rza imbamɛ o màlòkɛ̀, wɔ̀ hwa rza unda o wòhwe.

1 Kɔ̀rintìyà 9:5

Irzɔ̀ ì rza hwɛnì wònjà ya lì ahwànà jòjìyɛ̀ ema e hwèlì ndì mɔ̀nɔ̀ŋgèlì mɔ̀kɔ wa ama Krirztò na irzɔ e? Nà oma inɛyi àpɔ̀rzìtòlò i gbeyà e? Rzeke nanù ndi wònyanyàŋgò wa ama e Rzàŋgo na Pètrò hwa gbeyà e?

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

1 Yòwanìrzɛ̀ 3:3

Tɔ̀ njɛnɛ ema a hwɛni lìni lìhvìtà o ma Krirztò, a arzàŋgìrzɛ̀ mɔ̀ ŋmìti ŋgànà hvɔ̀kɔ hvɛ na oma Krirztò a rzàŋgi.

1 Yòwanìrzɛ̀ 5:3

Ì lìŋgàni tɛ Lohwɛ̀ nà è jɔ̀kɛ̀, nanù oma irzɔ ì hwɛni lì ika imbenda jà eni. Ndèŋgana imbenda jà eni ì rza ambi ò lì ika.

Hwèwulùwèlì 2:7

Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”

Hwèwulùwèlì 21:12

Ène mbowà ndɛɛndɛ e ma hwɛnɛ ŋgawo ndɛnɛ ema e ma kàrzàmà ema e ma ohva lìyome la mawohva na mahwakɛ, na lìyome la aŋgèlì na ihwakɛ ema i ma ɔŋgeya màŋga mawohva. Mìinà mà lìyome la matumba nà mahwakɛ ma hwatò hwa Irzàyɛ̀lì ma mà tìlahwa o màŋga mawohva.

Hwèwulùwèlì 21:27

Tɔ̀ yoma yà mbìndo tɔ̀ yɔ̀kɔ, tɔ̀ mòtò ema à gbeyà hweyà hwe wòhwe, tɔ̀ mòtò ema à kɔ̀ɔ hweyà, tɔ̀ mɔ̀kɔ wà awu a rza ò kpèeyà ò tenì yà eŋge mbowà ndɛ̀ɛ̀ndɛ̀. Hwàto ema mìinà mà awu mà hwèlì ò tenì yà è kààti yà lòŋgɛ yà ama è Ŋgumà yà Mɔ̀lɛ̀ŋgù wɔ̀ mɛnɛ ndi hwa ò kpèeyà ò tenì.

Hwèwulùwèlì 22:2

mo ma ɔ̀ndeya ndi o tenì ya moombo mo e mbowà ndɛnɛ. O ma hwɛ nyayi hvɔ̀kɔ ya gbee o tɔ̀ ima rzàawà ya mono morzo ema wo ma ŋyàa hwehvùma ema hwe gbeyà mòtò o lì hwɛ lòŋgɛ natɛ̀ɛ na o gbìndèyà. Màŋga màyi ma mà ŋyàa lìyome la nyayi na mahwakɛ ma hwehvùma, ndèŋgànɛ̀lɛ̀ ŋgbɛndɛ tɛ ma mà ŋyàa hwehvùma. Hwàto hwa e rze ya mɔ̀nyɛ̀ hwà mà hwɛ lì gbeyàna hweyàlì hwe manù màyi o lì luwa hwetune hwe awu.

Hwèwulùwèlì 22:7

Yerzù rzìi a ohwa nanù ema, “È ɔŋgɔ tɛ, imba na jà ŋmanà mbɔ̀. Mònàmɛ̀ mo hwèlì na hwatò ema hwa ikayi hweyà ema hwe tìlahwì o tenì ya ene kààtì, hweyà ema hwe o gbèyɛ̀nɛ o nàŋgɛ na e hvonda ema e o jɛ̀ɛ̀.”

Hwèwulùwèlì 7:14

Nà ma mo timbirzɛlɛlɛ nanù ema, “Ìi rzàŋgo kòkò, o wa ndi o hwi.” Rzìi à no òhweyà nanù ema, “Hwatò hwanù ema hwa karzo ò tenì ya metàkirzɛnɛ mendɛnɛ. Wɔ̀ hwà mà rzorza meŋgombe me awu na màyija ma ama e Ŋguma ya Mɔ̀lɛ̀ŋgù o lì me timbirzɛ mbɔ̀mi.