Hwèwulùwèlì 21:3 - Mokpwe: Bakwery (New Testament)

³ Nà ma hweyà lìlo lì ndɛnɛ ema lì uwɛlɛlɛyi o konda ya lìkànèyà lì ohwa nanù ema, “È ɔŋgɔ̀ tɛ, o naŋgɛ èki ya hwèlìyelì hwe ama Lohwɛ̀ e hwèlì ndi na hwatò hwa hwènàmà! Lohwɛ̀ a o lìiya na wɔ̀ èki yɔ̀kɔ ndèŋgànɛ̀lɛ̀ wɔ̀ hvɛ hwa o hwɛ ndi hwatò hwa eni. Lohwɛ̀ a o lìiya èki yɔ̀kɔ na wɔ̀.

Hwèwulùwèlì 21:3 Mawu Ofanana

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 14:23

Yerzù rzìi a alàhwɛ̀ nanù ema, “Tɔ̀ ima mòtò ema a nò lìŋgàni, a ika hwèyòkòlelì hwe ami. È Tatɛ̀ ya ami e mò lìŋgana, imba na Tatɛ̀ wa ami i mò jèeyà rzìi i lìiya na mɔ̀.

2 Kɔ̀rintìyà 6:16

È Ndawò ya Lohwà e rza ohvi tɔ̀ eyà o lì gbeyà na e ndawò ya lì hvɛhvɛ lohwà. Imba na ohwa ndi nanù èhwanja irzɔ ndi i hwèlì e ndawò yà Lohwà, Lòohwà ema lì hwèlì lòŋgɛ. È hwèlì ndi nanù, na oma e tìlahwì nanù ema Lohwɛ̀ a ohwi nanù ema, “Nà o hwɛ na hwatò hwa amì ndèŋgànɛlɛ na o lìya na wɔ̀. Hwa o no gbeyà ndi nàa e Ndawò ya Lohwà ndèŋgànɛlɛ na o ò hwa wòwa ndi nàa hwatò hwa ami.”

2 Kɔ̀rintìyà 6:18

Imba na o ò hwɛ e Tatɛ̀ hwa anyu, inyɔ hvɛ e o hwɛ hwàànà hwa ami. Imba Lòohwà ema lì karzami, imba ndi na ohwa nanù.”

1 Tɛ̀rzàlonìyà 3:11

Nà arza nanù ema Lòohwà la arzu, e Tatɛ̀, na Rzàŋgo wa arzu Yerzù Krirztò, hwa jo rzèkeyà e hveyo ò lì e jèeya hvɛ.

Hibrù 11:16

Ndi tɔ̀ nanù hwà mà lìya o lì ambɛlɛlɛ èki ya gbamù, o èkomè ya ŋmanyu yà lohwà. O èŋgànɛ̀lɛ̀ rzɔ Lohwɛ̀ a rza ohvi ìrzɔnì nanù ema hwa mo hwɛlɛ Lòohwà la awu, èhwanja a hwa rzekelì mbowà ndɛnɛ.

Hibrù 8:10

Lohwɛ̀ à ohwa hvɛ nanù ema, Imba è Rzàŋgo ndi nà ohwa. Ò nàŋgɛ nanù yòòmbò ene ema nà hwɛni lì ààtɛ̀ɛ̀ nà wònyà Irzàyɛ̀lì, ò è hvonda ema è ò jɛ̀ɛ̀ è hwèlì ndi nanù ema: nà ò hwa gbeyà ò lì hwiya imbenda jà ami, ndèŋgànɛ̀lɛ̀ hwa ò ohva ŋmèma mò lì ika iŋgi mbenda. Imba nà ò hwɛ Lòohwà là awu, ndèŋgànɛ̀lɛ̀ wɔ̀ hvɛ hwa ò hwɛ hwatò hwa ami.

Hibrù 8:2

A gbèeyà ndi nàa è Pìlìrzì è Kàrzàmi o èki ema e hwèlì wòtani ema hwèèmà hwe wòtani hwe utahwa, o èki ema lìwondo la ama Lohwɛ̀ lì hwèlì. Rzàŋgo Lohwɛ̀ mɔ̀ ŋmitɛ ŋmitɛ ndi à oŋgi lìŋgi lìwondo rzeketɛ hwatò hwa hwènàmà.

Hwèwulùwèlì 10:4

Nà oma lìrzamba là ŋgalà yà lohwà lì mà rzìŋge, nà mà arza lì wòteyà lì tìla hweyà ema lì mà ohwe. Ndi nà mà hweyà lìlo lì mà uwɛ̀lɛ̀lɛ̀yi ò ŋmanyu yà lohwà lì ohwa nanù ema, “È utè hweyà ema lìrzamba là ŋgalà lohwa lì mà ohwɛ, hwe àŋgàmɛ̀nɛ̀yi ndi lì hwɛ wùndɛ̀, ndèŋgànɛlɛ o rzi hwe tìla o rze.”

Hwèwulùwèlì 10:8

Rzìi lìŋgi lìlo ema lì ma uwɛ̀lɛ̀lɛ̀yi o ŋmanyu yà lohwà ema nà mà hweye, lì no òhwìrzɛ̀nɛ̀ hvɛ nanù ema, “Ɛndɛ, o wowe e kààti ema e lìŋgɛ̀lɛ̀hwɛ ema e wulùwahwi, o lìya la ama e aŋgèlì ema e tɛ̀yìrzɛ̀ lìtaŋga la eni lɔ̀kɔ o ŋmànja na lìnɛyi hvɛ o ŋmìndi.”

Hwèwulùwèlì 12:10

Àŋga ndi na a hweyà lìlo lì kàrzàmi o ŋmanyu yà lohwà lì ohwa nanù ema, “O naŋgɛ, lìrzùŋgàhwa la ama Lohwɛ̀ lì ma jà. Lohwɛ̀ à mà ùŋmɛlɛ màyìmbì ma eni o lì kànèyà nàa kìŋgɛ. È Krirztò ya eni e ma àwùŋmɛlɛ màyìmbì ma eni nàŋgɛ. Èhwànja e mɔ̀ ema à mà hwɛ lì ohwa o worzo wo ama Lohwɛ̀ ŋmerze na wuu, nanù ema wònyànyàŋgo hwa arzu hwa gbeyà wòhwe, hwà mà mo hvimba o e rze ya mɔ̀nyɛ̀. A ma hwɛ lì hwa hwɛ̀lɛ ŋmerze na wuu o ŋgundu o worzo wo ama Lohwɛ̀.

Hwèwulùwèlì 21:7

È mòtò ema à ò rzùùwànɛ̀ mètàkà ehwànja à nò lòkɛ̀, imba nà ò mò ŋgba hwene hwèèmà hwe arzɛ. Nà ò hwɛ Lòohwà là eni ndèŋgànɛ̀lɛ̀ mɔ̀ hvɛ à ò hwɛ è ŋmanà wà ami.

Hwèwulùwèlì 22:3

Tɔ̀ mamɛ ema Lohwɛ̀ à mà jemɛ e rza o hwɛ o tenì ya eŋge mbowà ndɛnɛ hvɛ. È konda ya lìkànèyà ya ama Lohwɛ̀ na e ya ama e Ŋgumà ya Mɔ̀lɛ̀ŋgù jo o hwɛ o tenì ya eŋge mbowà ndɛnɛ. Ndeŋgànɛ̀lɛ̀ hwàgbèèlì hwa ama Lohwɛ̀ hwa o mo kanɛ̀.

Hwèwulùwèlì 7:15

O eŋgànɛlɛ rzɔ, wɔ hwa hwèlì o worzò wo e konda ya lìkànèyà la ama Lohwɛ̀, ndèŋgànɛ̀lɛ̀ hwa ŋgba Lohwɛ̀ èluhwe wuu na ŋmerze tɛɛ. Mɔ̀ ema a lìyayi o e konda ya lìkànèyà, a hwèlì aŋga o ihvonda ja arzɛ o lì hwa ɔ̀ŋgeyà.