Hwèwulùwèlì 21:23 - Mokpwe: Bakwery (New Testament)

²³ Ène mbowà ndɛɛndɛ e rza arza igbèyi tɔ̀ ŋmɛ̀ɛlì o lì e hvàyeya ehwànja èluhwe ya ama Lohwɛ̀ yɔ̀ ndi e hwèlì ŋmàye mo eni, ndèŋgànɛ̀lɛ̀ e Ŋgumà ya Mɔ̀lɛ̀ŋgù ndi à gbèyi nàa ètùlu ya eni.

Hwèwulùwèlì 21:23 Mawu Ofanana

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Makòrzì 8:38

È mɔ̀ ema à nò òkana imba nà Eyà yà Lohwà irzɔ̀ni, ò ene nyɔ̀ŋgɔ̀nì yà yàwònò ema è òŋgamà Lohwɛ̀ nà mèèmà mè hwàkɛ ema è hwèlì hvɛ ndi è nyɔ̀ŋgɔ̀nì yà wòhwe, è Ŋmanà wà è Mòtò wà Hwènàmà mɔ̀ hvɛ à mò òkana irzɔ̀ni è hvònda ema à jà nà i aŋgèlì jè eni jà wòtani nà èluhwe yà ama Tatɛ̀ wà eni.”

Lukàrzɛ̀ 2:32

Ŋmàye mò eni mò ò gbeyà hwaŋga hwatò ema hwa rza enje wònyà Yudà hwa ò hwiyà, ndèŋgàna a ò jànà èluhwe ò hwatò hwa aŋgɔ̀ hwa Irzàyɛ̀lì.”

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 1:18

Tɔ̀ mòtò à rzi ɛni Lohwɛ̀ tɔ̀ wùnyà lì aka tɛ ehvòwà yà eni yà ŋmanà ema è hwèlì ò ŋmanyu yà Lohwà ò tòŋgòŋgò yà eni. Mɔ̀ ndi à jò wùlùhwèlì Tatà Lohwɛ̀.

Yòwanìrzɛ̀ 1:4

Lòŋgɛ la arzɛ lì ma uhwɛlɛlɛ ndi ò eyà. À ma òhva lòŋgɛ rzi lìŋgi lòŋgɛ hvɛ lì mà jàneya hwatò ŋmàye.

Yòwanìrzɛ̀ 1:9

Eyà ndi e ma hwɛ ŋmàye mò jɔ̀kɛ̀ ema mò ma uŋmɛ̀lɛ̀ hwatò èki ya arzɛ. Mɔ̀ ndi à mà hwɛ e mɔ̀ ema à mà hwɛnɛ lì jà ò rze.

Yòwanìrzɛ̀ 17:24

Ìi Tatà ò nò ŋgbelì e wɔ̀, na arza nanù ema, hwa hwɛ na imba èki ema imba na hwèlì, aŋga nanù hwa ɛnɛ èluhwe ya ami. O ma nò ŋgbà èluhwe èhwanja ò ma nò lìŋgana ndèŋgàna e rze ye e wekahwa.

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

Hwègbèèlì 22:11

Nà ma kpèeyà ndima ehwànja mòŋgò ŋmàye mò ma inyàmɛnɛ, ò eŋgànɛ̀lɛ̀ hwatò ema i ma hwɛ ò mòndeŋge, hwà mà nò lɛ̀mbɛ̀ lìya la ami rzi hwa nò timba ò lì kpèeyà ò mbòwa ndɛnɛ ya Dàmàrzkɔ̀rzì.

Hwèwulùwèlì 14:4

Hwanu hwatò hwà mà hwɛ ndi hwatò ema hwa rza atukɛ e mbìndo ya hwalana, ehwànja hwa rzi hwi morzombo mo molàna. Hwàŋga hwatò ndi hwa oŋgamà e Ŋguma ya Mɔ̀lɛ̀ŋgù tɔ̀ ima èki ema e Ŋguma ya Mɔ̀lɛ̀ŋgù e ɛ̀ndɛ. Hwanu hwatò ndi hwa o kɔ̀tɔ̀wɔ̀ o ìtììtènì ja hwatò hwa hwènàmà. Ndeŋgànɛ̀lɛ̀ wɔ̀ ndi hwa hwèlì nàa e mbota ya worzo ema e ŋgbàahwì Lohwɛ̀ na e Ŋgùma ya mɔ̀lɛ̀ŋgù nàa làhweyà.

Hwèwulùwèlì 18:1

Ò mburza yà hwene hweyà, nà mà ɛnɛ è hvɛhvɛ aŋgèlì è mà uwɛ̀lɛ̀lɛ̀yi ò ŋmanyu yà lohwà lì rzihwa ò rze, è mà ohva wònja ndɛnɛ, ŋmàye mò eni mò mà hvààlɛ̀ è rze yà mɔ̀nyɛ̀ yà arzɛ.

Hwèwulùwèlì 21:11

È ma hwɛ lì hvànya na ŋmàye mo ama Lohwɛ̀. Èŋge mbowà ndɛɛndɛ e ma hwɛ lì hvànya ndi nàa lìŋyàyi la wòlìto ema lì àhwirzɛ̀hwɛ̀ wolì ema wo koki, e ma hvànya ndi nàa jarzipa ndèŋgànɛ̀lɛ̀ e ma ɛnɛhwɛ o tenì.

Hwèwulùwèlì 21:25

O rza o hwɛ tɔ̀ wùnyà ema lìyome la mawohva na mahwakɛ ma ene ŋgawo ma ene mbowà ndɛɛndɛ ma o umbawa, ehwànja wuu wo rza o hwɛ o tenì ya ene mbowà ndɛɛndɛ.

Hwèwulùwèlì 22:5

O rza o hwɛ hvɛ wuu. Wɔ̀ hwa rza o arza hvɛ tɔ̀ ètùlù tɔ̀ ŋmàye, tɔ̀ moombe mo igbèyi ehwànja Rzàŋgo Lohwɛ̀ a o hwɛ ŋmàye mo awu, ndèŋgànɛlɛ wɔ̀ hwa o kànèyà natɛ̀ɛ na o gbìndèyà.

Hwèwulùwèlì 5:6

Nà mà ɔ̀ŋgɔ rzìi na ɛnɛ e Ŋguma ya Mɔ̀lɛ̀ŋgù, e tɛmi o ìtììtènì ja e konda ya lìkànèyà ema e tòŋgahwi na hweŋge hwèembè hwe àniiyɛ na hwàmbaki. Èŋge Ŋguma ya Mɔ̀lɛ̀ŋgù e ma ɛneya ndi nàa e mɔ̀ ema hwà mà oŋwe. È ma ohva lìrzamba la merzehwa na lìrzamba la mìirzɔ̀. Lìŋgi lìrzàmba la mirzɔ̀ lɔ ndi lì hwèlì lìrzàmba la hwèlìŋgɛ̀ la ama Lohwɛ̀ ema Lohwɛ̀ à mà ome o tenì ya e rze ya mɔ̀nyɛ̀ ya arzɛ.

Hwèwulùwèlì 7:17

Èhwànja e Ŋguma ya Mɔ̀ɔ̀lɛ̀ŋgù ema e hwèlì o ìtììtènì ja hwèlìyelì hwe lìkànèyà, mɔ̀ ŋmìti ndi mo hwa ɔŋgeya. Mɔ̀ a o hwa timba o hwètùŋgu ema hwe ŋgbàa lòŋgɛ. Ndèŋganɛlɛ Lohwɛ̀ a o hwa titowa tɔ̀ ima lìrzɔ̀lì o mìrzɔ̀ ma awu.”