Hwèwulùwèlì 21:21 - Mokpwe: Bakwery (New Testament)

²¹ Lìyome la màwòhva na mahwakɛ ma mà hwɛ ndi lìyome la màŋyàyi ma wòlìto na mahwakɛ, tɔ̀ ima lìyohva la kɔ̀tɔ tɛ lì ma wekahwa ndi na lìŋyàyi lɔ̀kɔ la wòlìto. Mòombò ema mo ma akeyà o tenì ya eŋge mbowà ndɛɛndɛ mo ma hwɛ ndi gòòlù ema a rza hwɛnɛ mbindo o tenì ema e ma hwɛ lì hvànya.

Hwèwulùwèlì 21:21 Mawu Ofanana

Hwèwulùwèlì 17:4

Oŋgo molanà à mà wɔ̀tɔ̀ lìhwatu là màlenà ema lì ma ohva hvɛ mɔ̀rzɔ̀nɔ̀ ema mo teya. A ma ahwàndɛ e nyo ya eni ya arzɛ na hwema hwe gòòlù, na hwàanà màŋyàyi ma wòlìtò ema mà hvànya, na hwehvɛhvɛ hwema hwe wòlìtò. A ma tɛ̀ɛ̀tɛ̀ɛ lìwonde la gòòlù o lìya la eni ema lì ma onda na hwèèmà hwe ndɔ̀ki na hwema hwe mbindo hwe mòrzònje.

Hwèwulùwèlì 18:16

Hwa hwèlì hwa tɛ nanù ema, “Jiyeyi, jiyeyi, o wa ene mbowà ndɛɛndɛ, ema o ma hwɛ lì wɔ̀tɔ̀ mààtu ma gbamù ema mà kɔ̀lɔhwi na hwèrzànjà hwe gbamù ema hwe hwɛ̀lɛ̀hwɛ̀ nanù ema lìniyɛni, ndèŋgànɛ̀lɛ̀ o wɔ̀ti màlena, na e mɔ̀ ema mà teeya rzayi-rzayi. O wa ema o ma hwɛ lì wɔ̀tɔ̀ hwèèmà hwe gòòlù, hwèèmà ema hwe wèkahwì na hwàanà màŋyàyi ma wòlìtò emà mà hvàànyà, na hwahvɛhvɛ hwàanà màŋyàyi emà mà andawa na wolì ema wo koki, emà mà hwɛ̀lɛ̀hwɛ̀ nanù ema pɛ̀ɛlì.

Hwèwulùwèlì 21:15

È aŋgèlì ema e ma no òhweyà hwene hweyà, e ma ohva eeye ya lìmɛ̀nì ya gòòlù ò lì mɛ̀nɛ̀ eŋge mbowà ndɛɛndɛ, mawohva na hwerzu hwe eni.

Hwèwulùwèlì 21:18

Yòoma ema hwà mà gbeyàne o lì oŋgana eŋge ŋgawo e ma hwɛ̀lɛ̀hwɛ̀ ndi jarzipa, hwà mà gbeyàna ndi gòòlù ema e rza ohvɛ tɔ̀ mbindo o tenì, ema e uŋmɛ̀lɛ̀ nàa lìyɛni o lì oŋga eŋge mbowà.

Hwèwulùwèlì 22:2

mo ma ɔ̀ndeya ndi o tenì ya moombo mo e mbowà ndɛnɛ. O ma hwɛ nyayi hvɔ̀kɔ ya gbee o tɔ̀ ima rzàawà ya mono morzo ema wo ma ŋyàa hwehvùma ema hwe gbeyà mòtò o lì hwɛ lòŋgɛ natɛ̀ɛ na o gbìndèyà. Màŋga màyi ma mà ŋyàa lìyome la nyayi na mahwakɛ ma hwehvùma, ndèŋgànɛ̀lɛ̀ ŋgbɛndɛ tɛ ma mà ŋyàa hwehvùma. Hwàto hwa e rze ya mɔ̀nyɛ̀ hwà mà hwɛ lì gbeyàna hweyàlì hwe manù màyi o lì luwa hwetune hwe awu.

Hwèwulùwèlì 4:6

O worzo wo e konda ya lìkànèyà o ma hwɛ yoma nàa ŋmànja ema mo ma àyɛ̀kɛ̀nɛ̀ lìyɛ̀ni ema lì ma hwɛ lì ɛnɛ o tenì. Hwèembe hwenii hwe ma toŋgà eŋge konda ya lìkànèyà o hwèhvàrzù hwe aniyɛ, mìirzɔ mo ma onda o inyo ja awu o worzo na o mburza.