Hwèwulùwèlì 21:17 - Mokpwe: Bakwery (New Testament)

¹⁷ Èŋge aŋgèlì e ma mɛnɛ hvɛ lìkàrzàma la eŋge ŋgawo, lì ma hwɛ meni mòtohwa me mɛta, mɔ̀ à mà gbeyàna lìmɛni ema hwatò hwa arzɛ hwa gbeyàna.

Hwèwulùwèlì 21:17 Mawu Ofanana

Hwèwulùwèlì 13:18

Lìhwìyè lì àŋgàmɛ̀nɛ̀ lì gbeyànɛ̀hwɛ̀ anu. Inyɛ̀ tɔ̀ ima mòtò ema à hwɛni lì rzɔ̀ŋgìtɛ̀nɛ̀ à kɔ̀kè jànda jà mɔ̀rzɔ̀ŋgi mò è èembe, ehwànja mò hwèlì ndi mɔ̀rzɔ̀ŋgi mò lìnà là mòtò. Oŋgo mòtò mɔ̀rzɔ̀ŋgi mò eni mò hwèlì ndi hwègbe mòtohwa nà mènì mòtohwa nà mòtohwa.

Hwèwulùwèlì 14:3

Èŋge egbe yɔ̀kɔ na mènìmènì me hwekolì hwe hwatò hwe ma emba mɔ̀rzɔ̀kɔ̀ mohvènya o worzò wo e konda ya lìkànèyà ya ama Lohwɛ̀, ndèŋgànɛ̀lɛ̀ o worzo wo hweŋge hwèembè hwe aniyɛ ema hwe hwèlì lòŋgɛ, na o worzo wo hwàmbaki. Tɔ̀ mòtò a rzi tànɛ lì okowa moŋgo mɔ̀rzɔ̀kɔ̀ lì aka tɛ eŋge egbe yɔ̀kɔ na mènìmènì me hwekolì hwe hwatò ema Lohwɛ̀ à mà kɔ̀te o e rze ya mɔ̀nyɛ̀.

Hwèwulùwèlì 21:16

Èŋge mbowà ndɛɛndɛ e ma ohva marzuku manii, mɔ̀tɛyi na lì teyama la eni lì ma hwɛ ndi lìmɛ̀nì lɔ̀kɔ. È aŋgèlì e ma mɛ̀nɛ̀ ene mbowà ndɛɛndɛ na eeye ya eni ya lìmɛ̀nì ya gòòlù. Limɛni la eni lì ma hwɛ ndi ikolì jɔ̀kɔ hwègbe hweta hwe màilì. Mɔ̀tɛ̀yi, lìteyàma na lì kàrzàma lì ma hwɛ ndi lìmɛni lɔ̀kɔ.

Hwèwulùwèlì 21:9

Aŋgèlì hvɔ̀kɔ ya lìŋgi lìrzamba la aŋgèlì ema i ma ohva lìrzamba la hwèwoki ema hwe ma ondìrzɛ̀hwɛ na ikàndɛ lìrzamba ja lìrzùkù, e ma ja rzìi e no òhweyà nanù ema, “Jà, na o uŋmɛ̀lɛ̀ mɔ̀ɔ̀mbì, e jòjìyɛ̀ ya e Ŋgumà ya Mɔ̀lɛ̀ŋgù.”

Hwèwulùwèlì 7:4

Rzìi na hweyà mɔ̀rzɔ̀ŋgi mo hwatò ema hwa kukɛhwɛyi hwèembànèlì o imbɔ̀mbɔ̀ ja awu. Mɔ̀rzɔ̀ŋgi mo ma hwɛ ndi egbe yɔ̀kɔ na mènìmenì me hwekolì hwe hwatò. Moŋgo mɔ̀rzɔ̀ŋgi mo ma uwɛ̀lɛ̀lɛ̀yi ndi o ìtììtènì ja lìyome la matumba na mahwakɛ ma èkomè ya Irzàyɛ̀lì.