Hwèwulùwèlì 21:12 - Mokpwe: Bakwery (New Testament)

¹² Ène mbowà ndɛɛndɛ e ma hwɛnɛ ŋgawo ndɛnɛ ema e ma kàrzàmà ema e ma ohva lìyome la mawohva na mahwakɛ, na lìyome la aŋgèlì na ihwakɛ ema i ma ɔŋgeya màŋga mawohva. Mìinà mà lìyome la matumba nà mahwakɛ ma hwatò hwa Irzàyɛ̀lì ma mà tìlahwa o màŋga mawohva.

Hwèwulùwèlì 21:12 Mawu Ofanana

Matiyò 18:10

“È aŋgòwe rzɔ nanù ema e rzi ndinda tɔ̀ mɔ̀kɔ hwa hwànù hwarzàlì. Nà e òhweyà nanù ema i aŋgèlì ema i hwa ɔŋgeya i hwèlì ò wòrzò wò ama Tatɛ̀ wa ami ema a hwèlì ò ŋmanyu yà lohwà.

Lukàrzɛ̀ 15:10

Nà è òhweyà ema, nà i aŋgèlì ja ama Lohwɛ̀ ò ŋmanyu, ja òka mɔ̀nyɛ̀ŋgì lì hvòmɛ̀nɛ̀ mòtò mɔ̀kɔ wà wòhwe ema a ayèŋgòwɛ̀ ò wòhwe wa eni ò lì tìmba ò ma Lohwɛ̀.”

Lukàrzɛ̀ 16:22

“È hvònda ema mòŋgò mòlìrza mò mòtò mò mà ŋwe, i aŋgèlì ì mà mò wòwa, ì mò ɛ̀ndɛnɛ ò tòŋgòŋgò yà àma Abràhamù. Èŋge èhwàŋgì ya mòtò yɔ hvɛ rzìi e ŋwa, rzìi e imawɛ̀lɛ̀hwɛ̀.

Hwègbèèlì 26:7

Ène eyà ndi lìyòmɛ̀ la matumba nà mà hwàkɛ ma arzu ma mà àhvìtɛ̀ nanù ema mà luwa na òma hwa kànɛ Lohwɛ̀ ŋmerze na wuu. Ìi Kiŋgɛ kòkò, ndi lìni lì àhvìtɛ̀ lɔ̀ ndi lì gbèyi ema hwatò hwa wònyà Yudà hwa òhwa hweyà hwe wòhwe ò lì nò teŋgɛ̀nɛ̀.

Hibrù 1:14

Hwa njɛnɛ rzɔ hwa hwèlì i aŋgèlì e? Rzeke hwa hwèlì ndi hwèlìŋgɛ̀ ema hwe gbèeyà Lohwɛ̀ e? Ndeŋgànɛ̀lɛ̀ Lohwɛ̀ à mà hwa oma o lì oŋgowàna hwatò ema hwa o luwɛ lìrzùŋgàhwa.

Hwèwulùwèlì 21:13

O ma hwɛ mawohva mayawo o ehvàrzu ema igbèyi jo uwɛlɛlɛ, mawohva mayawo o ehvàrzu ya lɛ̀lu, mawohva mayawo ehvàrzu ya mbɛ̀ŋgɛ na mayawo hvɛ o ehvàrzu ema igbèyi i naŋgeya.

Hwèwulùwèlì 21:15

È aŋgèlì ema e ma no òhweyà hwene hweyà, e ma ohva eeye ya lìmɛ̀nì ya gòòlù ò lì mɛ̀nɛ̀ eŋge mbowà ndɛɛndɛ, mawohva na hwerzu hwe eni.

Hwèwulùwèlì 21:25

O rza o hwɛ tɔ̀ wùnyà ema lìyome la mawohva na mahwakɛ ma ene ŋgawo ma ene mbowà ndɛɛndɛ ma o umbawa, ehwànja wuu wo rza o hwɛ o tenì ya ene mbowà ndɛɛndɛ.

Hwèwulùwèlì 22:14

Mònàmɛ̀ nà hwaŋga hwatò ema hwa rzòrza mèŋgombe me awu, hwa o luwa è wònjà ya lì akeyà o lìyohva la kɔ̀tɔ̀ o lì kpèeyà o eŋge mbowà ndɛɛndɛ aŋga nanù wɔ̀ hwa o laa hwehvùma ema hwe gbeyà hwatò hwa hwɛ o lòŋgɛ natɛ̀ɛ na o gbìndèyà.