Hwèwulùwèlì 20:9 - Mokpwe: Bakwery (New Testament)

⁹ Wɔ̀ hwà mà tàalɛ o e rze ya mɔ̀nyɛ̀ ya arzɛ, rzìi hwa tòŋga èki ema Lohwɛ̀ a lìŋgàni ekì ema hwatò hwa eni hwa hwèlì. Ndi mùnya mo ma uwɛ̀lɛ̀lɛ̀yi o ŋmanyu yà lohwà rzìi mo kùwa lì hwa rzɛlɛ.

Hwèwulùwèlì 20:9 Mawu Ofanana

Lukàrzɛ̀ 17:29

O wòŋgò wùnyà mɛnɛ ema Lɔtì a mà ànjiye ò mbòwà yà Rzòdòmì, rzìi mùùnya nà màŋyàyi ma hwèkaàndò mò uhwɛlɛlɛ ò ŋmanyu yà Lohwà, nàa mbuwà. Hwe kùwa lì òŋwà hwaŋga hwatò hwa àrzɛ.

Lukàrzɛ̀ 19:43

Mènyà mè ò jà ema hwàkɔ̀yèlì hwa aŋgɔ̀ hwa ò tòŋgà nà lì ò kekà nàa ŋgàwò.

Lukàrzɛ̀ 21:20

Yerzù rzìi a òhweyà Hwà-òkòwèlì hwa eni nanù ema, “È hvònda ema e ò ɛnɛ ìrzònja ì tòŋgi è mbòwà yà Jèrurzalɛ̀mù, aŋga ndi e hwiya nanù ema mòkònà mò ma kòmbɛ̀nɛ̀.

Lukàrzɛ̀ 9:54

È hvònda ema Hwà-òkòwèlì hwa eni, Jèmìrzì nà Yòwanìrzɛ̀ hwà mà ɛnɛ nanù, rzìi hwa ijòwa Yerzù nanù ema, “Rzàŋgò, ò arza ema ì yòhwɛ mùùnya ò ŋmanyu yà Lohwà ò lì hvaŋgà hwanù hwatò e?”

2 Tɛ̀rzàlonìyà 1:8

À ò kɔ̀kìrzɛ̀ hwatò ema hwa rzɔ̀rzì Lohwɛ̀, ndèŋgànɛ̀lɛ̀ hwa rzɔ̀rzì ò lì oŋgamà Ŋmɛ̀ndì mò Gbamù ema mò òhwa lì hvomɛ̀nɛ̀ Rzàŋgo wà arzu Yerzù.

Hibrù 13:13

Irzɔ hvɛ rzɔ i hwɛnì lì mò ɛndeya o èwoka ya hwèlìyelì aŋga nanù irzɔ i hwɛnɛ erzambo ema à mà luwe.

Hwèwulùwèlì 11:5

È hwèlì tɛ nanù ema mòtò a arzi lì hwa gbeyàna wòhwe, mùnya mo hwa wurza o iwàna ja awu rzìi mo hvàŋga hwàkɔ̀yèlì hwa awu. Nànù ndi tɔ̀ ima mòtò ema a keki lì hwa gbeyàna wòhwe a àŋgàmɛ̀nɛ̀yi lì ŋwa.

Hwèwulùwèlì 13:13

Ène èembe ema è ùkirzɛ̀ hwehwàkɛ, è mà gbeyà mànyaka màndɛ̀nɛ̀. Ò worzo wò hwatò hwa arzɛ, è mà gbeyà mùnya mò uwɛ̀lɛ̀lɛ̀yì ò ŋmanyu yà lohwà mò undèya è rze yà mɔ̀nyɛ̀.