Hwèwulùwèlì 20:5 - Mokpwe: Bakwery (New Testament)

⁵ Hwanɛ̀yi hwa arzɛ ema hwà mà ŋwa hwa rzi timbe o lòŋgɛ natɛ̀ɛ ikolì ja meya i ma aka. Hwehvùmuwelì hwe kpelì hwe worzò hwe ene.

Hwèwulùwèlì 20:5 Mawu Ofanana

Lukàrzɛ̀ 14:14

O gbèyi tɛ nanù, aŋga ndi Lohwɛ̀ a ò nàmìrzɛ̀, èhwanja hwaŋga hwatò hwa rzà tanɛ ò lì ò lɛ̀ɛ̀. È hvònda hwatò hwa gbamù hwa ò hvùmùwɛ, Lohwɛ̀ a ò rzaweyà.”

Ròmànì 11:15

È hvònda ema Lohwɛ̀ à mà rzɔ̀njɛlɛ wònyà Yudà, e ma gbeyà Lohwɛ̀ ò lì rzeeya na hwatò hwa arzɛ hwa e rze ya arzɛ. O nàŋgɛ rzɔ nɛ e ò hwɛ e hwèlì tɛ nanù ema Lohwɛ̀ a ò emeyà wònyà Yudà hvɛ nàa hwatò hwa eni e? È ò hwɛ ndi nàa hwatò ema hwà mà ŋwɛɛ rzi hwa hvùmùwà hvɛ ò lòŋgɛ.

Hvìlipìyà 3:11

Nà àhvìtɛ̀ nanù ema hwene hweyà hwe arzɛ hwe o gbèyɛ̀nɛ aŋga nanù Lohwɛ̀ a o no hvùmùlɛ o mburza ya e kpelì ya ami.

1 Tɛ̀rzàlonìyà 4:16

Rzàŋgo Yerzù mɔ̀ ŋmìti à ò rzihwa o ŋmanyu yà lohwà ndèŋganɛlɛ hwatò hwa o hweyà mòrzeyà mo ndɛnɛ, ndèŋgànɛ̀lɛ̀ hwatò hwa o hweyà na oma e aŋgèlì ema e kànèyà e ohwa na lìlo lì kàrzàmi, ndèŋgànɛ̀lɛ̀ hwatò hwa o hweyà na oma e aŋgèlì e o tòŋgɛ lìyɔ̀mi la ama Lohwɛ̀. Rzìi eyà ya worzo e o hwɛ ndi nanù ema hwaŋga hwàlòkèlì hwa ama Krirztò ema hwà mà ŋwɛɛ hwa o hvùmùwà.

Hwèwulùwèlì 11:11

Ndi ò mburza yà mèŋge mèènyà mè ayɛ̀ nà ehvàrzu, mùùlù mò lòŋgɛ ema mò uwɛ̀lɛ̀lɛ̀yi ò mà Lohwɛ̀ mò mà kpèeyà hwaŋga hwà-òhwèlì hwa hwèlìŋgɛ̀ hwahwàkɛ rzìi hwa tɛ̀mɛ̀ ò ŋmanyu. Wɔ̀ɔ̀ŋgɔ wò ndɛnɛ wò mà kpèeyà hwatò ema hwa mà hwa ɛnɛ.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”