Hwèwulùwèlì 20:4 - Mokpwe: Bakwery (New Testament)

⁴ Rzìi na ɛnɛ ikonda ja màkànèyà ema hwatò ema hwà mà ji lìya wɔ̀ ndi Lohwɛ̀ à mà ŋgbe e wònja o lì kànèyà hwatò. Rzìi na ɛnɛ e mòtò wa tenì wa hwatò ema hwà mà ŋwɛɛ. Hwà mà hwa oŋwa ehwànja hwà mà hwɛ lì ohwa e jɔ̀kɛ̀ ema Yerzù à mà jàne ehwànja hwà mà hwɛ lì ohwa ŋmɛ̀ndì ema mo uwɛ̀lɛ̀lɛ̀yi o ma Lohwɛ̀. Wɔ̀ hwà mà hwa oŋwa ehwànja wɔ̀ hwa rzi kanɛ̀ eŋge nyàmà yà wòhwe tɔ̀ èlìŋgɛ̀ ya eni ehwànja wɔ̀ hwa rzì emeyà lì luwa èèmbanelì ya eni o imbɔ̀mbɔ tɔ̀ o màà mà awu. Wɔ̀ hwà mà tìmba o lòŋgɛ rzìi hwa hwɛ na Krirztò o lìkànèyà o tenì ya ikolì ja meya.

Hwèwulùwèlì 20:4 Mawu Ofanana

Matiyò 19:28

Yerzù rzìi a tìmba hvɛ lì hwa òhweyà nanù ema, “Nà e òhweyà ndi e jɔ̀kɛ̀ e hvònda ema è Ŋmanà wà è Mòtò wà Hwènàmà a ò lìya ò mbòkò ya lìkànèyà la eni la èluhwe, ò e rze ema e ò jɛ̀ɛ̀ inyɔ lìyòme la hwatò na hwahwakɛ ema e nò nɔŋgi e ò lìya ò mbòkò ja lìkànèyà ò lì kàyìrzɛ̀ lìyòmɛ̀ la matumba na mahwakɛ ma Irzàyɛ̀lì.

Matiyò 24:10

“Hwatò rzayì-rzayì hwa rza ò lòkɛ̀ hvɛ, hwa ò ŋgbà mɔ̀kɔ na ɔ̀nɛ̀yi ò màà mà hwaŋga ema hwa hwà kɔwu. Hwa ò a kɔ̀ɔnɛ mɔ̀kɔ na ɔ̀nɛ̀yi.

Makòrzì 6:16

Ndi nà òmà e Mòkànèlì Hɛ̀rɔ̀dì a mà hweye nanù, rzìi a òhwa nanù ema, “A hwèlì ndì Yòwanìrzɛ̀ e Mòlùhwìrzèlì ema nà mà gbee ema hwà mà rzènjòwè mòhvò. À ma hvùmùwà.”

Makòrzì 6:27

Lìwòkìmɛnɛ à mà òmà ŋmanèlì mɔ̀kɔ wa njùma ò lì jànà mòòhvò mò ama Yòwanìrzɛ̀. Oŋgò ŋmanèlì wa njùma à mà ɛ̀ndɛ ò tenì ya hwèwòwà rzi a rzenjòwa mòòhvò mò ama Yòwanìrzɛ̀,

Makòrzì 9:11

Rzìi hwa ijòwa Yerzù nanù ema, “Mamɛ ndèŋgàtɛ̀ hwà-òkòlèlì hwa mbenda hwa òhwa nanù ema Èlàyijà à hwɛnì lì jà hvɔ̀ni, ndèŋgàna è Mɔ̀ ema à Ɔ̀kirzɛ̀hwɛ̀yi e?”

Lukàrzɛ̀ 1:17

A ò hvùŋgàna ò wòrzò ndèŋgàna è Rzàŋgò e ò jà. A ò hwɛnɛ hvɛ e ŋginyà nà èlìŋgɛ̀ ŋgàna hvɔ̀kɔ nàa Èlàyijà è mòòhwèlì wà èlìŋgɛ̀ wà kòhwaa a mà hwɛnɛ. A ò rzèeya mèèmà me irzàŋgo nà hwàna hwa awu. Hwatò ema hwa hwɛnì maniya nà Lohwɛ̀, wɔ̀ hvɛ à hwa tikòwà ò lì jà ò lìhwiyè nà hwàtanèlì ò wòrzò wò ama Lohwɛ̀. A ò rzèkeya hwatò ò hwèjèelì hwe ama Rzàŋgò.”

Lukàrzɛ̀ 14:14

O gbèyi tɛ nanù, aŋga ndi Lohwɛ̀ a ò nàmìrzɛ̀, èhwanja hwaŋga hwatò hwa rzà tanɛ ò lì ò lɛ̀ɛ̀. È hvònda hwatò hwa gbamù hwa ò hvùmùwɛ, Lohwɛ̀ a ò rzaweyà.”

Lukàrzɛ̀ 22:30

Ène e gbeyà è hwɛnì lì làa nà lì nyɔ nà ìmba èki yɔ̀kɔ ò lìkànèyà la amì. È ò lìya hvɛ ò mbòkò ja màkànèyà ò lì kàyìrzɛ̀ lìyòmɛ̀ la matumba nà mahwàkɛ ma wònyà Irzàyɛ̀lì.

Yòwanìrzɛ̀ 14:19

O rza wòwa hvònda hvɛ, e rze e rza ò nò ɛnɛ hvɛ. Ndi inyɔ e nò ɛnɛ. Èhwanja na hwèlì lòŋgɛ, inyɔ hvɛ e ò hwɛ lòŋgɛ.

Ròmànì 11:15

È hvònda ema Lohwɛ̀ à mà rzɔ̀njɛlɛ wònyà Yudà, e ma gbeyà Lohwɛ̀ ò lì rzeeya na hwatò hwa arzɛ hwa e rze ya arzɛ. O nàŋgɛ rzɔ nɛ e ò hwɛ e hwèlì tɛ nanù ema Lohwɛ̀ a ò emeyà wònyà Yudà hvɛ nàa hwatò hwa eni e? È ò hwɛ ndi nàa hwatò ema hwà mà ŋwɛɛ rzi hwa hvùmùwà hvɛ ò lòŋgɛ.

Ròmànì 8:17

Kanatɛ irzɔ i hwèlì ndi hwàna hwa ama Lohwɛ̀, irzɔ i lùwà mònàmɛ̀ ema Lohwɛ̀ à mà uteya hwàanà hwa eni, ndeŋgànɛ̀lɛ̀ irzɔ i lùwà hwèèmà ema Lohwɛ̀ à mà uteya Yerzù, e hwèlì tɛ ò jɔ̀kɛ̀ nanù ema inyɔ e emelì ò lì taka na Krirztò aŋga nanù irzɔ hvɛ jò ò luwa èluhwe ema Lohwɛ̀ a mò ŋgba.

2 Tìmotì 2:12

Ja àjùlɛ̀nɛ̀ tɛ o lì taka na mɔ̀, irzɔ jo ò kànèyà na mɔ̀. Irzɔ i mo rzɔ̀rzi tɛ, mɔ̀hvɛ a hwɛni ndi lì jo rzɔ̀rzɔ̀.

Hwèwulùwèlì 1:2

Ndeŋgànɛ̀lɛ̀ Yòwanìrzɛ̀ ndi à mà ohwa hweyà hwe arzɛ na oma mɔ̀ à mà hwe ɛneya. Hwene hweyà hwe ɔndi mɔ̀ à mà ohwe o lì hvomɛ̀nɛ̀ ŋmɛ̀ndì ema mo ò uwɛ̀lɛ̀lɛ̀yi o ma Lohwɛ̀ na e mboŋgi ema mɔ̀ à tɛmeya Yerzù Krirztò.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.

Hwèwulùwèlì 11:11

Ndi ò mburza yà mèŋge mèènyà mè ayɛ̀ nà ehvàrzu, mùùlù mò lòŋgɛ ema mò uwɛ̀lɛ̀lɛ̀yi ò mà Lohwɛ̀ mò mà kpèeyà hwaŋga hwà-òhwèlì hwa hwèlìŋgɛ̀ hwahwàkɛ rzìi hwa tɛ̀mɛ̀ ò ŋmanyu. Wɔ̀ɔ̀ŋgɔ wò ndɛnɛ wò mà kpèeyà hwatò ema hwa mà hwa ɛnɛ.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 11:3

Nà ŋgba imboŋgi jà ami jà ahwàkɛ è wònjà o lì ohwa hweyà ema hwe ò gbèyɛ̀nɛ ò tenì yà ikolì jɔ̀kɔ hwègbe hwehwakɛ nà mèni mòtòhwa mè mèènyà. Ndeŋgànɛ̀lɛ̀ hwa ò wɔ̀tɔ̀ mààtù mà màyɛ̀hwɛ̀.”

Hwèwulùwèlì 11:7

È hvonda ema wɔ̀ hwa ò kulɛ ò lì ohwa hweyà ema hwa mà ohwahwɛlɛ ò lì ohwa, eŋge èembe ema è ò uwɛ̀lɛ̀lɛ̀yi ò tenì yà ehvɔ̀ndi ema è rza ohvɛ lìrzùkù è ò hwa urzùweyà. Èŋge èembè è ò hwa aka màyìmbì ndeŋgànɛlɛ è hwa oŋwa.

Hwèwulùwèlì 12:11

Màyìja ma ama e Ŋguma ya Mɔ̀lɛ̀ŋgù na imboŋgi ja jɔ̀kɛ̀ ema hwà mà tɛ̀mɛ̀, i ma gbeyà hwà mà rzùùwanà Mòkarzɛ̀. Wɔ hwà mà emeyà tɔ̀ e kpelì o lì ohwa tɔ̀ eyà ya ama Lohwɛ̀ ehwànja ŋmɛ̀ndì ema hwà mà hwɛ lì ohwa mo ma hwɛ ndi e jɔ̀kɛ̀.

Hwèwulùwèlì 14:11

Yùùtùtù ema è ò wurza ò mùnya ema mò hwa rzɛ̀lɛ̀, è ò agba ò ŋmanyu natɛ̀ɛ nà ò gbìndèyà. Ò rza ò hwɛ tɔ̀ lìwɔ̀wìrzɛ̀ là nyo ŋmèrze nà wuu ò hwaŋga hwatò ema hwa kanɛ̀ eŋge èembe nà èrzìrzà yà eni. Ndeŋgànɛ̀lɛ̀ nanù ndi è àŋgàmɛ̀nɛ̀yi lì hwɛ nà tɔ̀ ima mòtò ema à ohvi eŋge embànelì ya lìinà la eŋge èembè.”

Hwèwulùwèlì 15:2

Nà ma ɛnɛ yoma nàa ŋmànja ema mo àyɛ̀kɛ̀nɛ̀ lìyɛ̀ni, ema mo hviyànɛlɛhwɛyi na mùnya. Ndeŋgànɛ̀lɛ̀ nà mà ɛnɛ hwatò hwa tɛmì o toŋgoŋgo ya eŋge yoma ema e ma hwɛ ndi nàa ŋmànja hwa tɛ̀tì indiŋga ja ama Lohwɛ̀. Hwàŋga hwatò hwa hwèlì ndi hwatò ema hwà mà rzuwàna eŋge èembè, na èrzìrzà ya eni, ndèŋgànɛ̀lɛ̀ hwà mà rzuwàna hvɛ mɔ̀rzɔ̀ŋgi mo lìinà la eŋge èembè ya worzo.

Hwèwulùwèlì 17:8

È nyàmà yà wòhwe ema ò ɛ̀neyàyi è mà lòma lì hwɛ lòŋgɛ, ndi ò nàŋgɛ è rza enje lòŋgɛ. È ò uwɛlɛlɛyi ndi ò ehvɔ̀ndi ema è rza ohvɛ lìrzùkù rzi è ɛndɛ ò èki ema hwa ò è oŋwa. Hwàto ema hwa lìya ò rze yà mɔ̀nyɛ̀ ema lìwòteyà hwèwèkelì hwe ene rze Lohwɛ̀ à rzi tilɛ mìinà mà awu ò tenì yà è kààtì ema è ohvi mìinà mà hwatò ema hwa lùwa lòŋgɛ ema lì rza kuwa, hwa mà tàmà. Hwa mà tàmà ò lì ɛnɛ è nyàma yà wòhwe ema è mà hwɛ lòŋgɛ, rzìi è rza enje lòŋgɛ ndèŋgànɛ̀lɛ̀ è ò hwɛ ò lòŋgɛ hvɛ.

Hwèwulùwèlì 2:26

Hwàto ema hwa lìya lì aka hweyà hwe wòhwe, ndèŋgànɛ̀lɛ̀ ema hwa gbeyà hweyà ema imba nà hwa ohweyà ò lì gbeyà, natɛ̀ɛ nà ò lìrzùkù là lòŋgɛ là awu anu rze, nà ò hwa ŋgba è wònja yà lì kànèyà hwèkòmè hwe arzɛ hwe anu rze yà mɔ̀nyɛ̀.

Hwèwulùwèlì 20:6

Mònàmɛ̀ mo o hwɛ na hwaŋga ema hwa o hwɛ o hwehvùmuwelì hwe worzo. Hwa hwèlì ndi hwatò ema hwa hwèlì wòtani. È kpelì ema e hwèlì e kpelì ya hwèlìŋgɛ̀, e rza hwɛnì màyìmbì o ŋmanyu ya hwatò ema hwa hwèlì o hwehvùmuwelì hwe kpelì hwe worzo. Ndi wɔ̀ hwa o hwɛ ipilìrzi ja ama Lohwɛ̀ na e ja ama Krirztò, ndèŋgànɛ̀lɛ̀ wɔ̀ hwa o hwɛ na mɔ̀ o lìkànèyà o tenì ya ikolì ja meya.

Hwèwulùwèlì 22:5

O rza o hwɛ hvɛ wuu. Wɔ̀ hwa rza o arza hvɛ tɔ̀ ètùlù tɔ̀ ŋmàye, tɔ̀ moombe mo igbèyi ehwànja Rzàŋgo Lohwɛ̀ a o hwɛ ŋmàye mo awu, ndèŋgànɛlɛ wɔ̀ hwa o kànèyà natɛ̀ɛ na o gbìndèyà.

Hwèwulùwèlì 3:21

Hwàto ema hwa lìya lì aka hweyà hwe wòhwe, nà ò hwa ŋgba è wònja ò lì lìya nà imba ò konda yà ami yà lìkànèyà, ŋgànà hvɔ̀kɔ nà oma imba hvɛ nà lìya ò ŋmanyu yà hwàkɔ̀yèlì wà ami rzìi nà lìya nà Tatɛ̀ wà ami ò è konda yà eni yà lìkànèyà.

Hwèwulùwèlì 4:4

Ihvɛhvɛ mbàŋgɛ ja konda na inɛyi ja lìkànèyà i ma tòŋga eŋge konda, ndèŋgànɛ̀lɛ̀ mbàŋgɛ ya hwàmbaki na hwànìi, hwà mà lìya o ŋmanyu ja iŋgi konda. Hwà mà wɔ̀tɔ̀ màatù ma mbɔ̀mi rzìi hwa wɔ̀tɔ̀ hvɛ hwèkòòtò hwe gòòlù o meyohvo me awu.

Hwèwulùwèlì 6:9

E Ŋguma ya Mɔ̀lɛ̀ŋgù rzìi e rzolowa mòjèkà ema mo ma ùkirzɛ̀ meta. Rzìi na ɔŋgɔ o rze ya ètàwo ya itùwà rzi na ɛnɛ hwèlìŋgɛ̀ hwe hwatò ema hwà mà oŋwahwa ehwànja hwà mà hwɛ o lì ohwa eyà yà Lohwà ndèŋgànɛ̀lɛ̀ hwà mà hwɛ lì ohwa hweyà hwe jɔ̀kɛ̀ lì hvomɛ̀nɛ̀ Lohwɛ̀ nyayi ema irzɔ i hwi nanù ema hwe hwèlì ndi e jɔ̀kɛ̀.

Hwèwulùwèlì 7:3

rzìi a hwa ohweyà nanù ema, “Inyɔ e rzi hvàŋga e rze ya mɔ̀nyɛ̀, tɔ̀ ŋmàànja, tɔ̀ mayi, natɛ̀ɛ e hvonda ema i kukɛ eembànelì o imbɔ̀mbɔ̀ ja hwàgbèèlì hwa ama Lohwɛ̀.”