Hwèwulùwèlì 20:2 - Mokpwe: Bakwery (New Testament)

² Èŋge aŋgèlì è hvùma è dragɔ̀ni, wòŋgo gbahwà wò è hvonda yà kòwàà, ema wò hwèlì è Dɛhvùlì nà Mòkarzɛ̀. È aŋgèlì è mà mò kàka ò tenì yà ikolì jà meya.

Hwèwulùwèlì 20:2 Mawu Ofanana

Matiyò 19:29

Tɔ̀ ima mòtò hvɛ ema à mà hwɛmɛ mandawò me enì, wònyànyàŋgò tɔ̀ indòmɛ ja eni, e rzaŋgò tɔ̀ e nyàŋgò, hwàànà na erzaŋgò ya eni ya arzɛ ò nyòla ami a hwe lùwa egbe ya ŋgelì, a lùwa hvɛ lòŋgɛ la gbìndèyà.

Matiyò 8:29

Nà òma hwa ma ɛnɛ Yerzù, rzìi hwa wòteyà lì tɛɛ nanù ema, “È Ŋmàna wà ama Lohwɛ̀, mamɛ ò hwɛnì lì jò gbeyàna e? O jelì ndi anù ò lì jò kɔ̀kìrzɛ̀ ema e hvònda e rzìi uki e?”

Makòrzì 4:15

Lòŋgò là hwatò hwa gbèyi ndi nàa ì hvɔ̀ŋgɔ̀ ema ì mà unda ò njìya. Hwa hweyi tɛ Èya yà Lohwà lìwòkìmɛnɛ Mòkarzɛ̀ à jà à è ulɛ̀ ò mèèmà mè awu.

Makòrzì 5:7

À mà tɛ nà lìlò lì karzami nanù ema, “O wa Yerzù, è Ŋmanà wà ama Lohwà lì Kàrzami mamɛ ì òhvanɛ e? Nà ò rzòzòmeya ò lìna la ama Lohwɛ̀ ò rza nò kɔ̀kìrzɛ̀.”

Yòwanìrzɛ̀ 12:31

O nàŋgɛ nanù e hvònda ene ema Lohwɛ̀ a kàyìrzɛ ene rze. Nàŋgɛ nanù e mòkànèlì wà ene rze a hweni lì kàyìrzɛ̀hwɛ.

Yòwanìrzɛ̀ 16:11

Ndèŋgànɛ̀lɛ̀ hwa tòni hvɛ o lì o hwàanà hwèkàyìrzèlèlì, hwe ama Lohwɛ̀ èhwanja mɔ̀ à mà màa lì kàyìrzɛ̀ e mòkànèlì wà ene rze.”

Ròmànì 16:20

Lohwɛ̀ la ɛ̀yɔ̀lɛ̀ ŋmanà mbɔ à hwɛni lì rzììkà Mòkarzɛ̀ ò rze yà matàŋga mà anyu. Inyɛ̀ è ndèli yà ama è Rzàŋgò hwa arzu Yerzù Krirztò è hwɛ nà inyɔ hwa arzɛ.

Hibrù 2:14

Nà oma e hwèlì ema hwanu hwànà hwa ama Lohwɛ̀ hwa ohvi e nyàmà ya nyo na màyija, ɔ̀ndeŋgàtɛ̀ Yerzù mɔ̀hvɛ à mà wòwa e nyo ya e mòtò wa hwènàmà nàa wɔ̀. À ma gbeyà ndi nanù, aŋga nanù e kpelì ema mɔ̀ à mà ŋwe e tìtòwà màyimbì ma ama Mòkarzɛ̀, ema a gbèyi ndeŋgàtɛ hwatò hwa ŋwa.

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.

2 Pètrò 2:4

Lohwɛ̀ à rzìi hwɛmɛ i aŋgèlì ema ì mà gbeyà wòhwe, ndi à mà hwa aŋgba ò tenì yà mùnya ema mò rza lìma. Ò èki ema wɔ̀ hwa kàkahwà nà iŋgɔ̀kɔ̀hwi nà jììtìtì ò lì ambɛ̀lɛ̀lɛ̀ Wùnyà wò Hwèkàyìrzèlèlì.

Judɛ 1:6

Nà arza ò lì è ɔ̀ŋgɛ̀lɛ̀nɛ hvɛ nanù ema iŋgi aŋgèlì ema ì rzìi lìya ò èki ema Lohwɛ̀ à mà hwa rzèkeyà, ndi ì mà kìnyɛ̀lɛ̀ èki yà awu yà jɔ̀kɛ̀ yà hwèlìyelì, Lohwɛ̀ à mà hwa ika ò hwèwòwà hwe jìtìtì ekì ema hwa hwɛ̀ɛ̀ natɛ̀ɛ tɔ̀ lì aka Wùùnyà wò hwèkàyìrzèlì wò ndɛnɛ.

Hwèwulùwèlì 12:13

Nà oma e dragɔ̀ni e ma ɛnɛ nanù ema, e ma hvimbahwa o rze ya mɔ̀nyɛ̀, e wòteyà lì oŋgama oŋgo mòlana ema à mà ŋyàa oŋgo ŋmanà wa munyanà.

Hwèwulùwèlì 12:15

Rzìi woŋgo gbàahwà wo rzɔ̀yeya oŋgo mòlana hweyɔlì. Èŋge eyɔ̀lì e ma rzoowa ndi nàa morzo mondɛnɛ, o lì indirzɛ oŋgo molàna.

Hwèwulùwèlì 12:17

Rzìi eŋge dragɔ̀ni e tàtànà oŋgo molàna, rzìi e ɛndɛ o lì anana enɛyi nyɔ̀ŋgɔ̀ni ya ama oŋgo molàna, na hwatò hwa arzɛ ema hwa gbeyà na oma Lohwɛ̀ a àrzeyà, ndèŋgànɛ̀lɛ̀ hwaŋga ema hwa tɛmeya Yerzù e mboŋgi.

Hwèwulùwèlì 12:3

Èhvɛhvɛ embànelì ya mànyàkà e ma wurza o ŋmanyu yà lohwà. Aŋga ndi e dragɔ̀ni ya a wurza jègba. È ma olowa rzayi-rzayi ndèŋgànɛ̀lɛ̀ e ma teya. È ma hwɛnɛ lìrzamba la mèyòhvò na lìyome la merzehwa. Tɔ̀ ima mohvo ma mà wɔ̀tɔ̀ ekooto.

Hwèwulùwèlì 12:4

A ma lùùtà lòŋgò lɔ̀kɔ la moŋgo màyàwo la irzombe ema i ma kɛ̀ɛ̀mɛ o ŋmanyu ya lìwòhwɛ la ŋmanyu na moondo mo eni, a ji undirzɛ o rze ya mɔ̀nyɛ̀. Èŋge dragɔ̀ni e ma tɛ̀mɛ̀ o worzo wo ama oŋgo molàna ema à mà arza lì ŋyàa, àŋga nanù a ŋyàa tɛ a mo laana e ŋmanà wa eni.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 13:2

Èŋge èembe ema nà mà ɛnɛ̀ e ma àyɛkɛ̀nɛ ndi ikɔ̀ ja njɔ̀ɔ, ndi màtaŋgà mà eni ma mà àyɛkɛ̀nɛ matàŋgà mà mòòŋgì, ndèŋgànɛlɛ e wàna ya eni hvɛ e ma àyɛkɛ̀nɛ e wàna ya njila. È dragɔ̀ni e ma ŋgbàà eŋge èembe e konda na e wònja ya eni ya lìkànèyà.

Hwèwulùwèlì 13:4

Hwàto hwà mà hwɛ lì kanɛ̀ eŋge dragɔ̀ni ehwànja e ma ŋgbà èŋge èembe wònjà. Hwà mà hwɛ lì kanɛ̀ hvɛ eŋge èembe, rzìi hwa a ohwa nanù ema, “Njɛnɛ a hwèlì nàa ene èembe e? Njɛnɛ a tànɛyi lì mo teŋgɛ̀nɛ̀ e njuma e?”

Hwèwulùwèlì 20:10

Rzìi e Dɛhvùlì ema è mà hwa lùkɛ̀lɛ̀, è mà hvimbahwa ò yùlu yà mùnya ema e tumbana rzayi-rzayi, o èki ema eŋge nyàmà yà wòhwe na hwà-òhwèlì hwa hwèlìŋgɛ̀ hwa mòlàŋgà, hwa hwèlì. Ndeŋgànɛlɛ aŋga ndi wɔ̀ hwa o tàkɛ rzayi-rzayi ŋmèrze nà wuu natɛ̀ɛ nà ò gbìndèyà.

Hwèwulùwèlì 20:7

È hvonda ema iŋgi ikolì ja meya ja o aka, hwa o rzolowa Mòkarzɛ̀ o hwèwòwà.

Hwèwulùwèlì 9:11

È kìŋgɛ ema e hwa kànèyà e hwèlì ndi e aŋgèlì ema e ɔŋgeya eŋge ehvɔ̀ndi ema e rza ohvɛ lìrzùkù. Lìinà la eni o e mbɔrzi ya Hibrù lì hwèlì ndi Abàdɔ̀ni, ndèŋgànɛ̀lɛ̀ o e mbɔrzi ya Grììkì lì hwèlì ndi Apolìyɔ̀ni (jànda i hwèlì ndi nanù ema, mòtò ema a hvaŋga).