Hwèwulùwèlì 20:14 - Mokpwe: Bakwery (New Testament)

¹⁴ È kpelì nà èkomè yà hwatò ema hwa mà ŋwɛ̀ɛ̀ hwa mà komàhwa ò tenì yà yùlu yà mùnya. Ène kpelì yà yùlu yà mùnya è hwèlì ndi kpelì yà hwèlìŋgɛ̀.

Hwèwulùwèlì 20:14 Mawu Ofanana

1 Kɔ̀rintìyà 15:26

È mɔ̀kɔ̀yèlì wa lìrzukù ema a hwɛnì lì hvaŋgahwa a hwèlì ndi e kpelì.

1 Kɔ̀rintìyà 15:53

È nyo ema e rzɔ̀mbɔ̀ e o jà e nyo ema e rza rzɔ̀mbɔ̀ hvɛ, ndèŋgàna i nyo ema e o ŋwɛɛ, e o jà lì hwɛ e nyo ema e rza o ŋwaa hvɛ.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 14:10

mɔ̀ hvɛ à ò nyɔ̀ mììmbà ema mà hwèlì hwètàtò hwe ama Lohwɛ̀. Wɔ̀ hwa mà è rzɔ̀lɛ̀ ò lìwonde là hwètàtò là ama Lohwɛ̀ nà è ŋginyà ya awu ya arzɛ. Tɔ̀ ima mòtò ema à kanɛ̀ eŋge èembe oŋgo mòtò à ò lùwa mòtàkà mò mùnya ema mò ɔ̀kɔ̀ rzayi-rzayi, ò worzò wò i aŋgèlì jà wòtani nà è Ŋguma yà Mɔ̀lɛ̀ŋgù yà ama Lohwɛ̀.

Hwèwulùwèlì 19:20

Rzìi hwa lɛmbɛ eŋge nyàmà yà wòhwe nà hwà-òhwèlì hwa hwèlìŋgɛ̀ hwa mòlàŋgà. Oŋgo mòòhwèlì wà èlìŋgɛ̀ wà mòlàŋga à mà hwɛ ò worzo wò eni, à mà hwɛ lì uŋmɛ̀lɛ̀ embànelì ò lì lùkɛ̀lɛ̀lɛ̀ hwatò ema hwa mà luwɛ eembànelì yà eŋge nyàmà yà wòhwe ndèŋgànɛ̀lɛ̀ hwa mà hwɛ lì kanɛ̀ eŋge elìŋgɛ̀. È hvonda ema hwà mà hwɛ lòŋgɛ hwà mà hwa hvimba wɔ̀ hwahwàkɛ o tenì ya ehvɔ̀ndi ya mùnya, ndèŋgànɛ̀lɛ̀ hwà mà rzeeya na mùùnya ema mo ma hwɛ lì tumbana rzayi-rzayi.

Hwèwulùwèlì 2:11

Tɔ̀ njɛnɛ ema à ohvi mato inyɛ à hwèye eyà ema Èlìŋgɛ̀ è ohweyà ŋmèmba. Hwàto ema hwa akayi wòhwe hwa rza ò ŋwa è kpelì yà èlìŋgɛ̀.”

Hwèwulùwèlì 20:10

Rzìi e Dɛhvùlì ema è mà hwa lùkɛ̀lɛ̀, è mà hvimbahwa ò yùlu yà mùnya ema e tumbana rzayi-rzayi, o èki ema eŋge nyàmà yà wòhwe na hwà-òhwèlì hwa hwèlìŋgɛ̀ hwa mòlàŋgà, hwa hwèlì. Ndeŋgànɛlɛ aŋga ndi wɔ̀ hwa o tàkɛ rzayi-rzayi ŋmèrze nà wuu natɛ̀ɛ nà ò gbìndèyà.

Hwèwulùwèlì 20:13

Hwàto ema hwa mà ŋwèeyà ò tenì yà ŋmànja, hwa mà ɛndɛ ò mà Lohwɛ̀ aŋga nanù à hwa kàyìrzɛ̀. Ndeŋgànɛlɛ hwanɛyi hwatò ema hwa mà ŋwɛ̀ɛ̀ ema hwa hwèlì ò èkomè yà hwatò ema hwa mà ŋwɛ̀ɛ̀, wɔ̀ hvɛ hwa ò tɛ̀mɛ̀ ò worzo wò ama Lohwɛ̀ aŋga nanù mɔ̀ à ò hwa kàyìrzɛ̀ lì wowàna hwɛ̀ɛ̀mɛ̀ hwe awu.

Hwèwulùwèlì 20:15

Tɔ̀ njɛnɛ ema lìinà là eni lì rzi tìlahwɛ ò tenì yà è kààtì yà lòŋgɛ, à ò hvìmbàhwà ò tenì yà yùlu yà mùnya.

Hwèwulùwèlì 20:6

Mònàmɛ̀ mo o hwɛ na hwaŋga ema hwa o hwɛ o hwehvùmuwelì hwe worzo. Hwa hwèlì ndi hwatò ema hwa hwèlì wòtani. È kpelì ema e hwèlì e kpelì ya hwèlìŋgɛ̀, e rza hwɛnì màyìmbì o ŋmanyu ya hwatò ema hwa hwèlì o hwehvùmuwelì hwe kpelì hwe worzo. Ndi wɔ̀ hwa o hwɛ ipilìrzi ja ama Lohwɛ̀ na e ja ama Krirztò, ndèŋgànɛ̀lɛ̀ wɔ̀ hwa o hwɛ na mɔ̀ o lìkànèyà o tenì ya ikolì ja meya.

Hwèwulùwèlì 21:4

A o hwa titowa tɔ̀ ima mirzɔ̀lì o mìrzɔ ma awu. O rza o hwɛ hvɛ tɔ̀ kpelì, tɔ̀ lì ehwɛ, tɔ̀ luwa, tɔ̀ mòrziyò. È o hwɛ ndi nanù ehwànja hweyà hwe mbolowa hwe ma aka.”

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

Hwèwulùwèlì 6:8

Nà ma ɔ̀ŋgɔ, rzìi na ɛnɛ wɔ̀rzi ema e ma ɛneya mɔ̀rzɔ̀nɔ̀ nàa hwèwùlè ema hwe rzɔ̀ɔnji. Lìina la ama e mòtò ema à mà e lìya o ŋmanyu lì ma hwɛ̀lɛ̀hwɛ̀ ndi Kpelì, ndèŋgànɛ̀lɛ̀ èkomè yà hwatò ema hwa mà ŋwɛɛ e ma mo oŋgàma o mburzà. Hwà mà ŋgbahwa è wònjà o lì kànèyà lìkayi lɔ̀kɔ la e rze ya mɔ̀nyɛ̀ o ìtììtènì ja màkayi manii ja e rze ya mɔ̀nyɛ̀. Hwà mà ohwa nanù ema inyɛ a gbeyàne e rzɔ̀lɔ̀, e njawu, inyàmbɛ, na inyàmà ja wòhwe o lì oŋwa hwatò o e rze ya mɔ̀nyɛ̀.