Hwèwulùwèlì 20:1 - Mokpwe: Bakwery (New Testament)

¹ Nà oma oŋgo mòtò à mà rzùùwànè hwàkɔ̀yèlì, rzìi nà ɛnɛ aŋgèlì ema è mà uwɛ̀lɛ̀lɛ̀yi ò ŋmanyu yà lohwà è rzìhwa, è mà ohva ìlìhvòwànì jà ehvɔ̀ndi ema è rza ohvɛ lìrzùkù. È mà tɛtɛ hvɛ ŋgɔ̀kɔ̀hwi ndɛnɛ ema è mà hwɛnɛ mòrzimbɔ̀.

Hwèwulùwèlì 20:1 Mawu Ofanana

Lukàrzɛ̀ 8:31

Hwèŋge hwèlìŋgɛ̀ hwe wòhwe rzìi hwe rzòrzòmeya Yerzù nanù ema à rzì hwe undirzɛ ò tenì yà èhvɔ̀ndi ema e rza òhvɛ̀ lìrzukù.

2 Pètrò 2:4

Lohwɛ̀ à rzìi hwɛmɛ i aŋgèlì ema ì mà gbeyà wòhwe, ndi à mà hwa aŋgba ò tenì yà mùnya ema mò rza lìma. Ò èki ema wɔ̀ hwa kàkahwà nà iŋgɔ̀kɔ̀hwi nà jììtìtì ò lì ambɛ̀lɛ̀lɛ̀ Wùnyà wò Hwèkàyìrzèlèlì.

Judɛ 1:6

Nà arza ò lì è ɔ̀ŋgɛ̀lɛ̀nɛ hvɛ nanù ema iŋgi aŋgèlì ema ì rzìi lìya ò èki ema Lohwɛ̀ à mà hwa rzèkeyà, ndi ì mà kìnyɛ̀lɛ̀ èki yà awu yà jɔ̀kɛ̀ yà hwèlìyelì, Lohwɛ̀ à mà hwa ika ò hwèwòwà hwe jìtìtì ekì ema hwa hwɛ̀ɛ̀ natɛ̀ɛ tɔ̀ lì aka Wùùnyà wò hwèkàyìrzèlì wò ndɛnɛ.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 10:1

Nà mà ɛnɛ èhvɛhvɛ aŋgèlì yà màyìmbì è uwɛ̀lɛ̀lɛ̀yi ò ŋmanyu yà lohwà, è rzihwa ò rze. È mà tòŋgahwa nà lìmbaki, è ŋguhwèlì hvɛ è mà hwɛ ò mòhvo mò eni. Worzo wò eni wò mà hvàyeyà hvɛ ndi nàa igbèyi, ndeŋgànɛlɛ mèèndè mà eni mè mà hwɛ ndi nàa lìhwondi ema lì oŋwa mùnya.

Hwèwulùwèlì 18:1

Ò mburza yà hwene hweyà, nà mà ɛnɛ è hvɛhvɛ aŋgèlì è mà uwɛ̀lɛ̀lɛ̀yi ò ŋmanyu yà lohwà lì rzihwa ò rze, è mà ohva wònja ndɛnɛ, ŋmàye mò eni mò mà hvààlɛ̀ è rze yà mɔ̀nyɛ̀ yà arzɛ.

Hwèwulùwèlì 20:3

È aŋgèlì rzi è mò aŋgba ò tènì yà ehvɔ̀ndi ema è rza ohvɛ lìrzùkù. Rzìi e umba a e jeka o ŋmanyu ya eni o lì mo tɛ̀mìrzɛ̀ nanù ema a rza lukɛlɛ hwatò hwa e rze ya mɔ̀nyɛ̀ hvɛ, natɛ̀ɛ ikolì ja meya jo o kuwa. O mburzà nanù a àŋgàmɛ̀nɛ̀yi lì rzolowahwa o ŋmanà hvoka ya hvonda.