Hwèwulùwèlì 2:7 - Mokpwe: Bakwery (New Testament)

⁷ Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”

Hwèwulùwèlì 2:7 Mawu Ofanana

Matiyò 11:15

Tɔ̀ ima mòtò ema à òhvi matò, a hweye.

Matiyò 13:43

Rzìi hwatò ema hwa tɛmi ehve-ehve na Lohwɛ̀, hwa ò hvànya ndi nàa igbe ò lìkànèyà la ama Tatɛ̀ wa awu. È òkànèyà, tɔ̀ njɛnɛ ema a òhvi matò inyɛ a hweye.”

Matiyò 13:9

Yerzù rzìi a òhwa nanù ema, “Tɔ̀ njɛnɛ ema a òhvi màtò a hweye.”

Makòrzì 4:9

O lìrzukù rzìi Yerzù a òhwa nanù ema, “È mɔ̀ ema à òhvi màtò mɔ̀ à hweyè.”

Makòrzì 7:15

Ò rza ènje tɔ̀ yomà ema e wùrza ò èwòkà rzìi e kpèeyà mòtò, rzìi e mò gbeyà a hwɛ ŋmiŋgò, ò wòrzò wò ama Lohwɛ̀. Ndi eyà ema e wurza mòtò ò tenì, yɔ̀ ndi e mò gbeyà ema a rza hwɛ wòrzàŋgì, ò wòrzò wò ama Lohwɛ̀.”

Lukàrzɛ̀ 23:43

Yerzù, rzìi a tìmbirzɛlɛlɛ nanù ema, “Nà ò òhweyà è jɔ̀kɛ̀ ema, yàwònò ò hwɛ nà ìmba ò pàlàdìrzì.”

Lukàrzɛ̀ 8:8

Inɛ̀yi hvɔ̀ŋgɔ̀ jɔ hvɛ ì mà unda ò mɔ̀nyɛ̀ mò gbamù. Ì mà òŋgà gbamù, rzìi ì ŋya hvɛ jɔ̀ɔ. Lòŋgò la hwerzòŋgò hwe ma òhva ègbe ya hvɔ̀ŋgɔ̀.” Yerzù a mà kulɛ lì kpɛ̀ɛ mònò ŋmàna, rzìi a òhwa nanù ema, “Tɔ̀ ima mòtò ema à òhvi màtò, a hweyè.”

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

1 Kɔ̀rintìyà 2:10

Ndi, Lohwɛ̀ à mà gbeyàna Èlìŋgɛ̀ yà Wòtani o lì jò uŋmɛ̀lɛ̀, hwènè hweyà hwe arzɛ. Èlìŋgɛ̀ ya ama Lohwà è arzìrzɛ̀ hweyà hwe arzɛ, ndèŋgàna e hwi hweyà hwe arzɛ, na ìwùndɛ̀ ja ama Lohwɛ̀ ema mòtò a rza tànɛyi lì rzɔ̀ŋgìtɛ̀nɛ̀.

2 Kɔ̀rintìyà 12:4

Krirztò à mà mo hvùma rzi à mà ɛndɛ o Pàlàdìrzì. Àŋga ndi Lohwɛ̀ à mà mo òhweyà hweyà ema mɔ̀ à rzi hwɛmɛ ema e mòtò wa hwènàmà a ohweyà hwahvɛhvɛ hwatò.

1 Yòwanìrzɛ̀ 2:13

Inyɔ ema è hwèlì nàa ì tatɛ̀ ja ami, na e tìleya ehwànja e mo hwi e mɔ̀ ema a hwèlì natɛ̀ɛ na o hwewotelì. Hwèrzɔ̀mbɛ̀ hwe hwatò, na e tìleya ehwànja e akayi e Mɔ̀ ema a hwèlì Wòhwe.

Hwèwulùwèlì 13:9

È mòtò ema à hwɛ̀ni matò inyɛ à hwèyè.

Hwèwulùwèlì 14:13

Rzìi nà hweyà lìlo lì uwɛ̀lɛ̀lɛ̀yi ò ŋmanyu yà lohwà lì ohwa nanù ema, “Tìla ò rze nanù ema, ò lì wòteyà nàŋgɛ, mònàmɛ̀ nà hwatò ema hwa ŋwelì, ehwànja hwa lòkɛ̀yì è Rzàŋgo.” Èlìŋgɛ̀ yà wòtani è ohwi nanù ema, “Ɛ̀ɛ̀, wɔ̀ hwa ò lùwa lì arzìyòlɛ̀ ò nyòla èwòlò ema hwa mà gbeyɛ, ndèŋgànɛ̀lɛ̀ hwa ò lùwa mòrzàhwèlì ò nyòla hwèwòlò hwe gbamù ema hwa mà gbèyɛ.”

Hwèwulùwèlì 15:2

Nà ma ɛnɛ yoma nàa ŋmànja ema mo àyɛ̀kɛ̀nɛ̀ lìyɛ̀ni, ema mo hviyànɛlɛhwɛyi na mùnya. Ndeŋgànɛ̀lɛ̀ nà mà ɛnɛ hwatò hwa tɛmì o toŋgoŋgo ya eŋge yoma ema e ma hwɛ ndi nàa ŋmànja hwa tɛ̀tì indiŋga ja ama Lohwɛ̀. Hwàŋga hwatò hwa hwèlì ndi hwatò ema hwà mà rzuwàna eŋge èembè, na èrzìrzà ya eni, ndèŋgànɛ̀lɛ̀ hwà mà rzuwàna hvɛ mɔ̀rzɔ̀ŋgi mo lìinà la eŋge èembè ya worzo.

Hwèwulùwèlì 2:11

Tɔ̀ njɛnɛ ema à ohvi mato inyɛ à hwèye eyà ema Èlìŋgɛ̀ è ohweyà ŋmèmba. Hwàto ema hwa akayi wòhwe hwa rza ò ŋwa è kpelì yà èlìŋgɛ̀.”

Hwèwulùwèlì 2:17

Tɔ̀ njɛnɛ ema à hwɛnì matò inyɛ à okànèyà mamɛ Èlìŋgɛ̀ è ohweyà ŋmèmba. Hwàto ema hwa akayi wòhwe, imba nà ò hwa ŋgbà mana ema imba nà hwa utelì, ndèŋgànɛ̀lɛ̀ nà ò hwa ŋgba hvɛ lìŋyàyi ema lì ɛneyà mbɔ̀mi. Ò ŋmanyu yà lìŋgi lìŋyàyi, hwa mà tìla lìnà lì hvènya ema tɔ̀ mòtò à rza hwiyɛ, lì aka tɛ è mòtò mɛnɛ ema à ò ŋgbahwa lìŋgi lìŋyàyi.’”

Hwèwulùwèlì 21:7

È mòtò ema à ò rzùùwànɛ̀ mètàkà ehwànja à nò lòkɛ̀, imba nà ò mò ŋgba hwene hwèèmà hwe arzɛ. Nà ò hwɛ Lòohwà là eni ndèŋgànɛ̀lɛ̀ mɔ̀ hvɛ à ò hwɛ è ŋmanà wà ami.

Hwèwulùwèlì 22:14

Mònàmɛ̀ nà hwaŋga hwatò ema hwa rzòrza mèŋgombe me awu, hwa o luwa è wònjà ya lì akeyà o lìyohva la kɔ̀tɔ̀ o lì kpèeyà o eŋge mbowà ndɛɛndɛ aŋga nanù wɔ̀ hwa o laa hwehvùma ema hwe gbeyà hwatò hwa hwɛ o lòŋgɛ natɛ̀ɛ na o gbìndèyà.

Hwèwulùwèlì 22:17

Èlìŋgɛ̀ ya ama Lohwɛ̀ nà Mɔ̀ɔmbì hwa ohwa nanù ema, “Jà.” Tɔ̀ njɛnɛ ema a hweyi ene eyà mɔ̀ hvɛ a ohwa nanù ema, “Jà.” Tɔ̀ njɛnɛ ema a hwɛni nyìrzɛ ya malìhwa inyɛ a jèe a nyɔ malìhwa emà mà gbeyà hwatò hwa hwɛ o lòŋgɛ natɛ̀ɛ na o gbìndèyà. Tɔ̀ njɛnɛ ema a arzi manù malìhwa à mà luwa ŋgundu.

Hwèwulùwèlì 22:2

mo ma ɔ̀ndeya ndi o tenì ya moombo mo e mbowà ndɛnɛ. O ma hwɛ nyayi hvɔ̀kɔ ya gbee o tɔ̀ ima rzàawà ya mono morzo ema wo ma ŋyàa hwehvùma ema hwe gbeyà mòtò o lì hwɛ lòŋgɛ natɛ̀ɛ na o gbìndèyà. Màŋga màyi ma mà ŋyàa lìyome la nyayi na mahwakɛ ma hwehvùma, ndèŋgànɛ̀lɛ̀ ŋgbɛndɛ tɛ ma mà ŋyàa hwehvùma. Hwàto hwa e rze ya mɔ̀nyɛ̀ hwà mà hwɛ lì gbeyàna hweyàlì hwe manù màyi o lì luwa hwetune hwe awu.