Hwèwulùwèlì 2:14 - Mokpwe: Bakwery (New Testament)

¹⁴ Ndi nà ohvi ŋgùrzù jà hweyà ò lì è teŋgɛ̀nɛ̀. È òhvi hwatò ò ìtììtènì jà anyu ema hwa oŋgama hwèyòkòlèlì hwe ama Bàlàamì. Bàlàamì mɔ̀ ndi à mà uŋmɛ̀lɛ̀ Bàlàkì ò lì timba la wònyà Irzàyɛ̀lì ò lì gbeyà wòhwe nà oma à mà lèè mòlelì ema mò mà ŋgbàhwɛ mahvɛhvɛ mohwà nàa jàhwèyà. À mà gbeyà hwa mà hwɛ lì gbeyà hweyà hwe mòrzònje.

Hwèwulùwèlì 2:14 Mawu Ofanana

Matiyò 18:7

Mòjèmà nà è rze, èhwanja è òhvi hweyà ema hwe lùkɛ̀lɛ̀ hwatò ò lì gbeyà wòhwe. Makèkìrzɛ̀nɛ̀ mà hwɛni lì jà, ndi è ò hwɛ wòhwe nà òŋgò mòtò ema à ò gbeyɛ òhvɛhvɛ mòtò ò lì gbeyà wòhwe.

Hwègbèèlì 15:29

È rzi keka lì làa tɔ̀ mòlelì ema mò ma ŋgbààhwɛ̀ hwèrzùmbù. È rzi keka lì laa màyija, e kìye ò lì làa hwèembè ema hwe ŋwelì mòtìmà. È rzi gbeyà mòrzònje. È ò hwɛ gbamù e rza gbèyi tɛ hwene hweyà. Je ahvìtɛ̀ hwèlìyelì hwe gbamù.”

Hwègbèèlì 21:25

Ndi lì hvòmɛ̀nɛ̀ hwatò ema hwa rza enje wònyà Yudà, ema hwà mà tikòwɛ ò lì jà hwàlòkèlì, irzɔ i ma hwa òmeya itita nanù ema, irzɔ i ma kùlɛ̀ nanù ema, wɔ hwa rza àŋgàmɛ̀nɛ̀yi lì laa tɔ mòlèlì ema mò ma ŋgbààhwɛ̀ mahvɛhvɛ mòòhwà, tɔ̀ hwa rzi nyɔ màyija, ndèŋgànɛ̀lɛ̀ hwa rzi laa hwèembè ema hwe ŋwelì mòtìmà, ndèŋgànɛ̀lɛ̀ hwa rzi gbeyà hvɛ hweyà hwe mòrzònje.”

Ròmànì 11:9

Dàhwitì mɔ̀ hvɛ à mà òhwa nanù ema, “Nà kànɛ nanù ema ò gbeyà hweyà ema hwe hwa lìŋgirzɛ ò lì hwɛ nàa iŋgundèli ja awu. Nà kànɛ nanù ema hwa kpe, Lohwɛ̀ à hwa kɔ̀kìrzɛ̀ ò nyòla hweyà ema hwa gbeyà.

Ròmànì 14:13

O èŋgànɛ̀lɛ̀ rzɔ, inyɛ tɔ̀ mɔ̀kɔ wa arzu a rza kàyìrzɛ̀ ɔ̀nɛyi. O ika ò ŋmèma mò aŋgɔ̀ nanù ema, ò rza gbeyà tɔ̀ eyà ema e gbeyà hwahvɛhvɛ hwatò hwa ayirzɛ mataŋgà mà awu tɔ̀ lì kpèeyà ò tenì ya wòhwe.

Ròmànì 14:21

O lɔ̀wu nanù ema mòtò a rzi keka lì gbeyà eyà ema e tanɛyi lì gbeyà ŋmanyàŋgò wa eni ò lì ayirzɛ lìwawu. Nga e hwèlì ndi ò lì laa nyàmà, tɔ̀ lì nyɔ mimba tɔ̀ ò lì laa la ehvɛhvɛ yòma.

Ròmànì 9:32

Mamɛ ndèŋgàtɛ̀ wɔ̀ hwa rzi tanɛyi e? Wɔ̀ hwa rzi tanɛyi èhwanja wɔ̀ hwà mà hwɛ lì keka ò lì hwɛ ehve-ehve ò wòrzò wò ama Lohwɛ̀ èhwanja ò èwòlò ema wɔ̀ hwiti hwà mà gbeye ndèŋgànà rzeketɛ èhwanja wɔ̀ hwà mà lòkɛ̀ Lohwɛ̀. O eŋgànɛ̀lɛ̀ rzɔ wɔ̀ hwà mà ayirzɛ màtaŋgà mà awu ò lìŋyàyi ema hwatò hwa ayirzɛ mataŋgà mà awu rzi hwa kpa.

1 Kɔ̀rintìyà 1:23

Ndi irzɔ ì ohwa ndi nanù ema Yerzù à mà wòmàhwɛlɛ ò mbarza. Wonyà Yudà hwa rza arza lì hweyà monò ŋmɛ̀ndì, hwaŋga hvɛ ema hwa rza enje wònyà Yudà, monò ŋmɛ̀ndì mò hwèlì ndi èèti nà wɔ̀.

1 Kɔ̀rintìyà 7:2

Kanatɛ mòrzònje mò àkɛ̀lɛ̀nɛ̀yì, tɔ̀ ima mòtò wà mùnyanà à ohve è wà eni jòjìyɛ̀, rzìi tɔ̀ ima mòtò wà molànà à ohve wà eni mòjòmɛ̀.

Hibrù 13:4

Tɔ̀ ima mòtò ema a hwèlì o ndawò ya lìhwa a hwɛnì lì ŋgbà lìhwa èluhwe. Mojomɛ na jòjìyɛ̀ hwa rza hwɛni lì gbeyà mòrzònje mo Lìhwa o tenì ya lìhwa la awu. Lohwɛ̀ à kàyìrzɛ̀ hwaŋga ema hwa gbeyà hweyà hwe morzonje na e wɔ̀ ema hwa gbèeyà morzonje mo lìhwa.

1 Pètrò 2:8

Ndeŋgànɛ̀lɛ̀ e tìlahwì hvɛ o ehvɛhvɛ kààti ya Lohwà nanù ema, “Mɔ̀ ndi à hwèlì lìŋyàyi ema lì o nòŋgolɛ hwatò, nàa ewòmɛ ya lìŋyàyi ema e hwa kpìrzɛ. Hwàto hwa nòŋgowa ehwànja hwa rza hweyàna Lohwɛ̀. Nànù ndi Lohwɛ̀ à mà kàkɛ̀nɛ nanù ema e hwa gbèyɛ̀nɛ.”

2 Pètrò 2:15

Hwà mà hwɛmɛ e njiya ema e lɔ̀wu hwa oŋgama ndi ehvɛhvɛ njiya. Wɔ̀ hwa oŋgama ndi ɛ̀ɛ̀mɛ̀ ya ama Bàlàamì. Bàlàamì ema à mà hwɛ e ŋmanà hwa ama Bùrzɔ̀, Bàlàamì à mà lìŋgàna wokondo ema à mà luwe o lì gbeyà la hweyà hwe wòhwe.

Judɛ 1:11

Èwoma na wɔ̀! Wɔ̀ hvɛ hwa gbeyà ndi na oma Keni à mà gbeye ema à mà oŋwe ŋmanyàŋgò wa eni. O nyòla wolì wɔ̀ hwa tànɛyi lì gbeyà tɔ̀ mamɛ nàa Bàlàamì. Maniyà mà awu mɔ̀ hvɛ ma mà hwa gbeyà o lì ŋwa nyayi hvɔ̀kɔ hvɛ na oma Kora à mà ŋwe ehwànja à rzi hweyàne Lohwɛ̀.

Hwèwulùwèlì 2:20

Mamɛ ema imba nà ohwa ò lì è teŋgɛ̀nɛ̀ è hwèlì ndi nanù ema, inyɔ e àjùlɛ̀nɛ̀ òŋgo molanà ema à hwɛ̀lɛ̀hwɛ̀ Jèrzɛ̀bɛ̀lì à àhwɛ̀lɛ̀hwɛ̀ mɔ̀ ŋmìti nanù ema à hwèlì ndi mòòhwèlì wà èlìŋgɛ̀ wà molanà wà ama Lohwɛ̀. Mɔ̀ à okòlɛ nà lì ɔnjɔ hwàgbèèlì wà ami ema wɔ̀ hwa gbeyà hweyà hwe mòrzònje, nà ò lì làa mòlelì ema hwa ŋgbàà mahvɛhvɛ mohwà nàa jàhwèyà.

Hwèwulùwèlì 2:4

Ndi nà ohwa ene eyà lì è teŋgɛ̀nɛ̀ nanù ema, è rza nò lìŋgàni hvɛ naŋgɛ, nà oma è mà lòme lì nò lìŋgàna.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.