Hwèwulùwèlì 19:7 - Mokpwe: Bakwery (New Testament)

⁷ Inyɛ̀ irzɔ jo oke mɔ̀nyɛ̀ŋgì rzayi-rzayi, ndèŋgànɛ̀lɛ̀ jo a ohwa nanù ema jo oki mɔ̀nyɛ̀ŋgì na o lì mo eka, ehwànja lìrzako la lìhwa la ama e Ŋguma ya Mɔ̀lɛ̀ŋgù lì ma uka, ndeŋgànɛlɛ mɔ̀ɔ̀mbì mo eni mo mà màa lì wòŋgìrzɛ̀nɛ̀.

Hwèwulùwèlì 19:7 Mawu Ofanana

Matiyò 1:20

Ò maŋga màlùtèyà mà eni rzi è aŋgèlì yà ama Lohwɛ̀ è mò jèeya ò ndɔ̀tɔ̀. Rzi eŋge aŋgèlì è mò òhwèyà nanù ema, “Jòrzɛ̀hvù è ŋmanà wà mòtende mò ama Dàhwitì, ò rza òka wɔ̀ŋgɔ̀, ò lì wòwà Màlìyɛ̀ nàa jòjìyɛ̀ wà aŋgɔ̀, èhwanja Èlìŋgɛ̀ yà Wòtani è mà mò rzihwèya rzi à lìta.

Matiyò 22:2

“Lìkànèyà là ŋmanyu yà lohwà lì hwèlì ndi nàa Kiŋgɛ hvɔ̀kɔ ema è mà òhweyà hwàgbèèlì hwa eni ema hwa rzèkeya e ndèma ya lìhwa la ama e ŋmanà wa eni wa mùnyanà.

Lukàrzɛ̀ 12:36

nàa hwakutu ema hwa ambɛlɛlɛ e rzàŋgò ya awu, ema à mà ɛ̀ndɛ ò ndèma yà lìhwa ema à jelì tɛ, rzìi a kùmba lìyòhva, hwa mò lìhvòweyà è lɔ ŋgèlì hvɔ̀kɔ.

Yòwanìrzɛ̀ 3:29

Mɔ̀ɔ̀mbì mò hwɛnɛhwi ndi na e mòhwɛ̀nɛ̀ wà mɔ̀ɔ̀mbì. È mbunda ya ama e mòhwɛ̀nɛ̀ wà mɔ̀ɔ̀mbì ema a tɛ̀mɛ̀ ò tòŋgòŋgò ya eni ò lì mò òkànèyà a lìŋga a hweyi tɛ lìlò la eni. Ɔ̀ndeŋgàtɛ̀ màlìŋgò ma ami ma òndi nàŋgɛ.

2 Kɔ̀rintìyà 11:2

Nà e nonelì e ŋgàna ema Lohwɛ̀ a e nonelì. Inyɔ e gbèyi ndi nàa mɔ̀ɔmbɔ̀ mo ŋgɔndɔ. Moŋgo mɔ̀ɔmbɔ̀ mo ŋgɔndɔ, mɔ̀ ndi nà mà ohwe nanù ema mòtò mɔ̀kɔ a o hwaa, ndèŋgànɛlɛ oŋgo mòtò a hwèlì ndi Yerzù Krirztò.

Ɛ̀hvìrzìyà 5:23

Mòjòmɛ̀ mo hwɛnì è wònjà yà hwèkànèlì oma jòjìyɛ̀ wà èni, ŋgànà hvɔ̀kɔ nà omà Krirztò a hwɛnì è wònjà yà hwèkànèlì o lì arzàŋgànɛ la hwatò hwa Lohwà hwa àrzɛ̀. Ndèŋgànà lɔ̀ ndi lì hwèlì nàa e nyo ya eni ndèŋgàna mɔ̀ ndi à hwèlì lì oŋgirzɛ la lìŋgi la arzàŋgànɛ la hwatò hwa Lohwà.

Ɛ̀hvìrzìyà 5:32

Ène eyà e hwèlì ndi eyà ndɛnɛ ema tɔ̀ mòtò a rza tànɛyi lì rzɔ̀ŋgìtɛ̀nɛ̀. Ndi na lòkɛ̀ nanù ema hwene hweyà hwa hwe ohwa ndi lì hvomɛ̀nɛ̀ Krirztò nà la arzàŋganɛ la hwatò hwa Lohwà.

Hvìlipìyà 3:3

Irzɔ ndi je endàlɛ̀hwɛ ŋgànà ema e hvomɛ̀nɛ̀, Èlìŋgɛ̀ e jo oŋgowàna o lì ŋgba Lohwɛ̀ èluhwe na oma i mo gbèeyà. Jo oki mɔ̀nyɛ̀ŋgì na oma irzɔ i hwèlì na Yerzù Krirztò. Irzɔ i hwi nanù ema hwatò hwa hwènàmà hwa rza tanɛ hwa jo oŋgowàna.

Hwèwulùwèlì 11:13

Ò lìŋgi lìrzàkò mɛnɛ ò mà hwɛ monyìŋgìrzɛ̀nɛ̀ mòndɛnɛ rzìi lòŋgò lɔ̀kɔ ò tenì yà lìyòmè là eŋge mbowà ndɛ̀ɛ̀ndɛ̀ è wuhweyà. Mɔ̀rzɔ̀ŋgi mò hwatò ema mò mà ŋwa ò moŋgo mònyìŋgìrzɛ̀nɛ̀ mò mà hwɛ hwèkolì lìrzamba. È wɔ̀ ema hwa mà kàrzowà hwa mà oka wɔ̀ŋgɔ̀ rzìi hwa eka Lohwɛ̀ là màyìmbì ema lì hwèlì ò ŋmanyu yà lohwà.

Hwèwulùwèlì 19:9

Èŋge aŋgèlì rzìi e no ohweyà nanù ema, “Tila nanù ema, mònàmɛ̀ na hwaŋga ema hwa yowɛhwɛyi o e ndèma ya lìhwa ya ama e Ŋguma ya Mɔ̀lɛ̀ŋgù.” Èŋge aŋgèlì rzìi e lata hvɛ o lì ohwa nanù ema, “Hwene hweyà hwe jɔ̀kɛ̀ hwe uwɛ̀lɛ̀lɛ̀yi ndi o ma Lohwɛ̀.”

Hwèwulùwèlì 21:2

Aŋga ndi nà à ɛnɛ e mbowà ndɛɛndɛ ya wòtani, e Jèrurzalɛ̀mù hvènya e uwɛ̀lɛ̀lɛ̀yi o ma Lohwɛ̀ o ŋmanyu yà lohwà. Lohwɛ̀ à mà mo rzekeya ndi nà oma hwalana hwa rzekeya mɔ̀ɔ̀mbì ema mo ɛndɛ o lìhwa.

Hwèwulùwèlì 21:9

Aŋgèlì hvɔ̀kɔ ya lìŋgi lìrzamba la aŋgèlì ema i ma ohva lìrzamba la hwèwoki ema hwe ma ondìrzɛ̀hwɛ na ikàndɛ lìrzamba ja lìrzùkù, e ma ja rzìi e no òhweyà nanù ema, “Jà, na o uŋmɛ̀lɛ̀ mɔ̀ɔ̀mbì, e jòjìyɛ̀ ya e Ŋgumà ya Mɔ̀lɛ̀ŋgù.”