Hwèwulùwèlì 19:6 - Mokpwe: Bakwery (New Testament)

⁶ Rzìi na hweyà yoma nàa lìlo lì ndɛnɛ ya e ŋgindi ya hwatò, lì ma hwɛ̀ɛnɛ̀ ndi nàa malìhwà mà lìyowa ndi mo ɔndɔ̀ɔ̀, ndèŋgànɛ̀lɛ̀ nàa mɔ̀tɔ̀wu mo e ŋgala lohwà. Liŋgi lìlo lì ma ohwa nanù ema, “Jèka i hwɛ na Lohwɛ̀. Èhwànja e Rzàŋgo Lòohwà là arzu ema lì kàrzàmi a hwèlì a kànèyà.

Hwèwulùwèlì 19:6 Mawu Ofanana

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Hwèwulùwèlì 1:15

Matàŋgà mà eni ma mà ɛneya ndi nàa ɛ̀ɛkɛ̀ ema e hwɛ̀lɛ̀hwɛ̀ nanù ema brɔ̀nrzi, ema e ikahwi o mùnya rzìi e a ɛnɛ o a ɛnɛ oma e mɔ̀tɛ̀lɛ̀, ndèŋgànɛ̀lɛ̀ lìlo la eni hvɛ lì ma rziŋga ndi nàa màlìhwa emà mà rzihwa o lìyohwa.

Hwèwulùwèlì 1:8

Rzàŋgo Lohwɛ̀ lì karzamì à ohwi nanù ema, “Imbà ndi nà hwèlì è Àlhvà nà è Omèga,” mɔ̀ ndi à hwèlì Lòohwà ema lì hwèlì, ema lì mà hwɛ, ndèŋgànɛ̀lɛ̀ ema lì ò hwɛ̀ɛ̀.

Hwèwulùwèlì 12:10

Àŋga ndi na a hweyà lìlo lì kàrzàmi o ŋmanyu yà lohwà lì ohwa nanù ema, “O naŋgɛ, lìrzùŋgàhwa la ama Lohwɛ̀ lì ma jà. Lohwɛ̀ à mà ùŋmɛlɛ màyìmbì ma eni o lì kànèyà nàa kìŋgɛ. È Krirztò ya eni e ma àwùŋmɛlɛ màyìmbì ma eni nàŋgɛ. Èhwànja e mɔ̀ ema à mà hwɛ lì ohwa o worzo wo ama Lohwɛ̀ ŋmerze na wuu, nanù ema wònyànyàŋgo hwa arzu hwa gbeyà wòhwe, hwà mà mo hvimba o e rze ya mɔ̀nyɛ̀. A ma hwɛ lì hwa hwɛ̀lɛ ŋmerze na wuu o ŋgundu o worzo wo ama Lohwɛ̀.

Hwèwulùwèlì 14:2

Èŋge hvonda ndi na a hweyà lìlo ema lì ma uwɛ̀lɛ̀lɛ̀yi o ŋmanyu yà lohwà. Lìŋgi lìlo lì ma hwɛ̀ɛnɛ ndi nàa malìhwa ema mo unda o lìyohwà, ndèŋgànɛ̀lɛ̀ lì ma hwɛ ndi nàa mɔ̀tɔ̀wu ema mo hwɛ̀ɛnɛ e ŋgala ya lohwà e kandeyà tɛ. Lìlo ema nà mà hweye lì ma hwɛ ndi nàa mɔ̀tɔ̀wu mo hwatò ema hwa oka indiŋga ja awu.

Hwèwulùwèlì 19:1

O mburza hvonda ema eŋge aŋgèlì e ma ohwe hwene hweyà hwe arzɛ, ɔndi na a hweyà yoma nàa lìlo ema lì kàrzàmi ò tenì ya e ŋgindi o ŋmanyu yà lohwà, ema lì ma hwɛ lì ohwa nanù ema, “Jèka i hwɛ na Lohwɛ̀. Lì kɔ̀tɔ̀wɔ̀, èluhwe na màyìmbi hwe uwɛ̀lɛ̀lɛ̀yi ndi o ma Lòohwà la arzu.

Hwèwulùwèlì 19:4

È mbàŋgɛ ya hwàmbaki na hwànìi na hweŋge hwèembè hwe ànìyɛ̀ hwe ma kpa o rze o worzo wo ama Lohwɛ̀, rzìi hwa mo kanɛ̀, mɔ̀ ema a lìya o e konda ya lìkànèyà. Hwà mà ohwa nanù ema, “Inyɛ̀ wo lìya nanù! Jèka i hwɛ na Lohwɛ̀.”

Hwèwulùwèlì 21:22

O tenì ya eŋge mbowà ndɛɛndɛ na rza ɛnɛ e Ndawò ya Lohwà, ehwànja e Rzàŋgo Lòohwɛ̀ lì kàrzami na e Ŋgumà ya Mɔ̀lɛ̀ŋgù wɔ̀ ndi hwa hwèlì nàa e ndawò yà Lohwà.

Hwèwulùwèlì 4:5

O eŋge konda ya lìkànèyà, lìŋmɛti lì ma hwɛ lì wurza, mɔ̀tɔ̀wù mo ma hwɛ lì wurza, ndèŋgànɛ̀lɛ̀ e ŋgala lohwà yɔ hvɛ e ma hwɛ lì kèhwa. Lìrzàmba la mekàko ema me ma hwɛ lì hvàyèya, lì ma hwɛ o worzo wo eŋge konda ya lìkànèyà. Liŋgi lìrzàmba la mekàko lì hwèlì ndi lìrzàmba la hwèlìŋgɛ̀ hwe ama Lohwɛ̀.

Hwèwulùwèlì 6:1

Rzìi nà ɛnɛ eŋge Ŋguma ya Mɔlɛ̀ŋgù e rzolowa mòjèkà mɔ̀kɔ o ìtììtènì ja mèŋge mèjèkà lìrzamba. Rzìi na hweyà na oma èembe yɔ̀kɔ o ìtììtènì ja hweŋge hwèembè hwe aniyɛ e ohwa nanù ema, “Jà!” Lìlo la eni lì ma hwɛ̀ɛnɛ ndi nàa mɔ̀tɔ̀wù mo e ŋgala lohwà.

Hwèwulùwèlì 8:5

Èŋge aŋgèlì rzìi e wowa eŋge ewoki ya gòòlù ema itùwà i ma onde o tenì, a e ondìrzɛ̀ na mùùnya ema mo ma uwɛ̀lɛ̀lɛ̀yi o ètàwo ya itùwà, rzìi a e koma o e rze ya mɔ̀nyɛ̀. Ène eyà e ma gbeyà e ŋmanyu yà lohwà e ma hwɛ lì kèhwa, mɔ̀tɔ̀wu mo a wurza, lìŋmɛti lì ma mɔ̀tɛ̀lɛ̀ mònyìŋgìrzɛ̀nɛ̀ hvɛ mo hwɛ.