Hwèwulùwèlì 18:9 - Mokpwe: Bakwery (New Testament)

⁹ Ikìŋgɛ ja e rze ya mɔ̀nyɛ̀ ema i ma gbeyà mòrzònje na mɔ̀, ndèŋgànɛ̀lɛ̀ hwà mà hwɛ o mòndeŋgè na mɔ̀ o lì ohva e nyɔ̀ŋgi ya lì gbeyà hweyà hwe wòhwe, hwa o eeya na lì ɛhwɛ na oma hwa o ɛnɛ yutùtù na oma e wurza e hvonda ema a rzeeya.

Hwèwulùwèlì 18:9 Mawu Ofanana

1 Tìmotì 5:11

Li hvomɛ̀nɛ̀ Hwèrzɔ̀mbɛ̀ hwe mekurze me hwalana, o rzi keka lì hwa aŋgànà o Mɔ̀rzɔ̀ŋgi mo mekurze me hwalana ema me hwɛni lì luwa lìwoŋgo. O rzi hwa ika o Mɔ̀rzɔ̀ŋgi èhwanja wɔ̀ hwa hwɛni tɛ e nyɔ̀ŋgi ya lì hwaahwa hvɛ hwa rza o tànɛyi lì gbèeyà Krirztò hvɛ.

Hwèwulùwèlì 14:11

Yùùtùtù ema è ò wurza ò mùnya ema mò hwa rzɛ̀lɛ̀, è ò agba ò ŋmanyu natɛ̀ɛ nà ò gbìndèyà. Ò rza ò hwɛ tɔ̀ lìwɔ̀wìrzɛ̀ là nyo ŋmèrze nà wuu ò hwaŋga hwatò ema hwa kanɛ̀ eŋge èembe nà èrzìrzà yà eni. Ndeŋgànɛ̀lɛ̀ nanù ndi è àŋgàmɛ̀nɛ̀yi lì hwɛ nà tɔ̀ ima mòtò ema à ohvi eŋge embànelì ya lìinà la eŋge èembè.”

Hwèwulùwèlì 17:2

Ikìŋgɛ ja arzɛ ja ene rze ima gbeyà mòrzònje na mɔ̀. Hwàto hwa e rze ya mɔ̀nyɛ̀ hwà mà hwɛ lì nyɔ oŋgo molanà mìimbà ma eni natɛ̀ɛ hwa woma, ndèŋgànɛ̀lɛ̀ hwà mà gbeyà mòrzònje na mɔ̀.”

Hwèwulùwèlì 18:18

na oma hwà mà ɛnɛ Yùutùtù ema e wurza na oma à mà hwɛ lì rzeeya. Hwà mà tɛ nanù ema, “O rzì hwɛ a hwɛ ehvɛhvɛ mbowà ndɛɛndɛ nàa ene mbowà ndɛɛndɛ!”

Hwèwulùwèlì 18:20

Inyɔ ema e hwèlì o ŋmanyu yà lohwà e oke mɔ̀nyɛ̀ŋgì o nyòla e kɔ̀kìrzɛ̀ ema oŋgo molanà à mà luwe. Inyɔ hwatò hwa ama Lohwɛ̀, i àpɔ̀rzìtòlò na hwà-òhwèlì hwa hwèlìŋgɛ̀ e oke mɔ̀nyɛ̀ŋgì ehwànja Lohwɛ̀ à mà akɛlɛ e mbako o lì mo teŋgɛ̀nɛ̀ o nyòla mamɛ ema mɔ̀ à e gbèelì.

Hwèwulùwèlì 18:3

Èhwànja hwatò hwa arzɛ hwa hwèkòmè hwe e rze ya mɔ̀nyɛ̀ hwà mà hwɛnɛ e nyɔ̀ŋgì ya lì gbeyà hweyà hwe wòhwe ema à mà hwɛ lì gbeyà ndèŋgànà mɔ̀ à e hwa ŋgba mìimba emà mà hwa womìrzɛ. Ikìŋgɛ ja e rze ya mɔ̀nyɛ̀ i ma gbeyà mòrzònje na mɔ̀. Ndèŋganɛlɛ hwatò hwa rze ema hwa anda na lì àhwirzɛ̀ e nyòŋga, hwà mà tuwa hwèwàŋgì ehwànja hwà mà ohva e nyɔ̀ŋgi ndɛnɛ ya lì gbeyà hweyà hwa eni hwe wòhwe.”

Hwèwulùwèlì 18:7

È mo ŋgbe rzayi-rzayi ja mètàkà na ndùtù ŋgelì ihwakɛ nàa èluhwe na lìwɔ̀wìrzɛ̀ la nyo ema à mà aŋgbɛ mɔ̀ ŋmìti. Mɔ̀ a ohwa o tenì ya ŋmèma mo eni nanù ema, ‘Nà lìyayi ndi nàa gbàta, na rza enje mòkurze mo molanà, ndèŋgànɛ̀lɛ̀ na rza o ɛhwɛ hvɛ tɔ̀ wùnyà.’

Hwèwulùwèlì 19:3

Rzìi hwa tɛ hvɛ nanù ema, “Jèka i hwɛ na Lohwɛ̀. Yutùtù ema e uwɛlɛlɛ o tenì ya ene mbowà ndɛɛndɛ ema e rzeeya nanù e hwèlì e agba o ŋmanyu natɛ̀ɛ na o gbìndèyà.”

Hwèwulùwèlì 2:22

Ò èŋgànɛ̀lɛ̀ nà ò mò hvimba nà hwatò ema hwa gbeyà mòrzònje mò lìhwa nà mɔ̀ ò lìnɔ̀ŋgɔ̀ là nyàmbɛ, èki ema hwa ò lùwa lìtàkè lì ndɛnɛ. Nà ò gbeyà ene eyà nanù è hwèlì tɛ nanù ema wɔ̀ hwa rza hwɛmi tɛ ò lì gbeyà hweŋge hweyà hwe wòhwe nà oŋgo molàna.