Hwèwulùwèlì 18:3 - Mokpwe: Bakwery (New Testament)

³ Èhwànja hwatò hwa arzɛ hwa hwèkòmè hwe e rze ya mɔ̀nyɛ̀ hwà mà hwɛnɛ e nyɔ̀ŋgì ya lì gbeyà hweyà hwe wòhwe ema à mà hwɛ lì gbeyà ndèŋgànà mɔ̀ à e hwa ŋgba mìimba emà mà hwa womìrzɛ. Ikìŋgɛ ja e rze ya mɔ̀nyɛ̀ i ma gbeyà mòrzònje na mɔ̀. Ndèŋganɛlɛ hwatò hwa rze ema hwa anda na lì àhwirzɛ̀ e nyòŋga, hwà mà tuwa hwèwàŋgì ehwànja hwà mà ohva e nyɔ̀ŋgi ndɛnɛ ya lì gbeyà hweyà hwa eni hwe wòhwe.”

Hwèwulùwèlì 18:3 Mawu Ofanana

Lukàrzɛ̀ 7:25

Mamɛ ema inyɔ e ma ɛ̀ndɛ lì ɔ̀ŋgɔ e? Mòtò ema à mà wɔ̀tɔ̀ lìwɔtì la gbamù e? Hwatò ema hwa wɔ̀tɔ̀ iŋgi nyayi ja màwɔ̀tì, ema hwa hwi hvɛ lì a òhvɛ̀lɛ̀ la awu, hwa lìya ndi ò màndawò ma hwàkànèlì.

1 Tìmotì 5:11

Li hvomɛ̀nɛ̀ Hwèrzɔ̀mbɛ̀ hwe mekurze me hwalana, o rzi keka lì hwa aŋgànà o Mɔ̀rzɔ̀ŋgi mo mekurze me hwalana ema me hwɛni lì luwa lìwoŋgo. O rzi hwa ika o Mɔ̀rzɔ̀ŋgi èhwanja wɔ̀ hwa hwɛni tɛ e nyɔ̀ŋgi ya lì hwaahwa hvɛ hwa rza o tànɛyi lì gbèeyà Krirztò hvɛ.

Hwèwulùwèlì 14:8

È aŋgèlì ema è mà ùkirzɛ̀ ihwàkɛ, è mà oŋgama è yà worzò rzìi è ohwa nanù ema, “Èŋge Mbowà ndɛ̀ɛ̀ndɛ̀, Babìlɔ̀nì è mà kòna! È mà gbeyà hwatò hwa arzɛ hwa hwèkòmè hwe arzɛ hwe è rze yà mɔ̀nyɛ̀ ò lì nyɔ̀ mììmbà mà eni ema mà eti. Maŋga mìmbà ma mà hwɛ ndi è nyɔ̀ŋgi yà eni ò lì hwɛ è àkpàlà.”

Hwèwulùwèlì 17:2

Ikìŋgɛ ja arzɛ ja ene rze ima gbeyà mòrzònje na mɔ̀. Hwàto hwa e rze ya mɔ̀nyɛ̀ hwà mà hwɛ lì nyɔ oŋgo molanà mìimbà ma eni natɛ̀ɛ hwa woma, ndèŋgànɛ̀lɛ̀ hwà mà gbeyà mòrzònje na mɔ̀.”

Hwèwulùwèlì 18:19

Aŋga ndi hwa a koma e rzɔ̀hwɛ o mèyòhvò me awu ehwànja hwà mà hwɛ lì eeya, na lì ɛhwɛ, na lì ohwa nanù ema, “Jiyeyi, jiyeyi, na e mbowà ndɛɛndɛ, ema hwaŋga ema hwà mà ohva mèelì me ŋmànja ema hwà mà nàmeyà o nyòla ya hwèèmà hwe eni. O awa hvɔ̀kɔ mɛnɛ à mà wɔ̀lɛnɛ hwene hwèèmà hwe arzɛ.”

Hwèwulùwèlì 18:23

O e mbowà ndɛnɛ ya aŋgɔ, etùlù e rza o hvànya hvɛ tɔ̀ wùnyà, lìlo la mɔ̀nyɛ̀ŋgì la mɔ̀ɔ̀mbì na e mohwɛ̀ɛ̀nɛ wa mɔ̀ɔ̀mbì lì rza o hwɛ̀ɛnɛ hvɛ tɔ̀ wùnyà. Hwa o hvàŋga eŋge mbowà ndɛnɛ ehwànja, hwatò hwa aŋgɔ̀ hwa nyòŋga ya lì anda na lì ahwìrzɛ wɔ̀ ndi hwà mà hwɛ iŋgumu ja nyòŋga o e rze ya mɔ̀nyɛ̀ ya arzɛ, ndèŋgànɛ̀lɛ̀ hwatò hwa arzɛ hwa hwèkòmè hwe e rze ya mɔ̀nyɛ̀, o ma gbeyàna màagikì ma aŋgɔ o lì hwa lukɛlɛ.”

Hwèwulùwèlì 18:7

È mo ŋgbe rzayi-rzayi ja mètàkà na ndùtù ŋgelì ihwakɛ nàa èluhwe na lìwɔ̀wìrzɛ̀ la nyo ema à mà aŋgbɛ mɔ̀ ŋmìti. Mɔ̀ a ohwa o tenì ya ŋmèma mo eni nanù ema, ‘Nà lìyayi ndi nàa gbàta, na rza enje mòkurze mo molanà, ndèŋgànɛ̀lɛ̀ na rza o ɛhwɛ hvɛ tɔ̀ wùnyà.’

Hwèwulùwèlì 18:9

Ikìŋgɛ ja e rze ya mɔ̀nyɛ̀ ema i ma gbeyà mòrzònje na mɔ̀, ndèŋgànɛ̀lɛ̀ hwà mà hwɛ o mòndeŋgè na mɔ̀ o lì ohva e nyɔ̀ŋgi ya lì gbeyà hweyà hwe wòhwe, hwa o eeya na lì ɛhwɛ na oma hwa o ɛnɛ yutùtù na oma e wurza e hvonda ema a rzeeya.