Hwèwulùwèlì 18:24 - Mokpwe: Bakwery (New Testament)

²⁴ Lohwɛ̀ à mà kɔ̀kìrzɛ̀ Babìlɔ̀nì ehwànja, hwatò hwa Babìlɔ̀nì hwà mà oŋwa hwà-òhwèlì hwa hwèlìŋgɛ̀, hwatò hwa wòtani hwa ama Lohwɛ̀ na hwahvɛhvɛ hwatò ema hwà mà ŋwɛ o e rze ya mɔ̀nyɛ̀.

Hwèwulùwèlì 18:24 Mawu Ofanana

Matiyò 23:27

“Mòjèmà na inyɔ, Hwà-òkòlèlì hwa è mbenda nà Ihvàlìrzàyì, inyɔ hwatò hwa mèhvìlì! È hwèlì ndi nàa melìma me rzɔ̀ŋgɔ̀ ema me nyàlirzɛ̀hwɛ̀yi lìyɔ̀kì ema lì tana. Meŋge melìma me rzɔ̀ŋgɔ̀ me ɛneya melòŋga ò èwòka, ndi meŋge melìma, me òndi ndi na hwèerze na hwèembè ema hwà mà rzɔ̀mbɛ ò tenì.

Matiyò 23:35

Ò èŋgànɛ̀lɛ̀ rzɔ, inyɔ è ò hwanɛ̀ màyija mà hwatò hwa arzɛ ema hwa mà hwɛ ehve-ehve ema mà kòmèlì e rze ya arzɛ. Lìwòteyà ò e kpelì ya ama Abɛ̀lì ema à mà òŋwahwa ò ŋgundu natɛ̀ɛ nà ò è kpelì yà ama Rzàkàriyà, è ŋmanà wa mùnyanà wa ama Bɛ̀lɛ̀kàyìyà. Ema inyɔ e ma òŋwe ò ìtììtènì ja e Ndawò ya Lohwà na ètàwò yà màkanɛ̀.

Hwègbèèlì 7:52

O ma hwɛ tɔ̀ mòòhwèlì wà èlìŋgɛ̀ tɔ̀ mɔ̀kɔ ema imbamba ja anyu, i rzi tàkirzɛ̀ e? Wɔ̀ hwà mà òŋwa irzuhwɛlɛ ja ama Lohwɛ̀ ja arzɛ ja kòhwa, ema hwà mà hwɛ lì òhwa lì hvòmɛ̀nɛ̀ hwejèelì hwe ama e mɔ̀ ema a gbèeyà hweyà ema hwe hvòmɛ̀nɛ̀. O naŋgɛ rzɔ inyɔ e ma mò àhwirzɛ̀ na lì mò òŋwa.

1 Tɛ̀rzàlonìyà 2:15

Lòŋgo la hwaŋga hwatò hwa Irzàyɛ̀lì hwà mà oŋwa e Rzàŋgo Yerzù Krirztò, ndèŋgana lòŋgo hwà mà oŋwa hwà-òhwèlì hwa hwèlìŋgɛ̀. Lòŋgo la hwaŋga hwatò hwa Irzàyɛ̀lì hwà mà jo hvaya o mbowà ndɛnɛ ya awu. Wɔ̀ hwa rzi lìŋgìrzɛ Lohwɛ̀, wɔ̀ hwà mà urzuhweya ndi hwatò hwa arzɛ.

Hwèwulùwèlì 11:7

È hvonda ema wɔ̀ hwa ò kulɛ ò lì ohwa hweyà ema hwa mà ohwahwɛlɛ ò lì ohwa, eŋge èembe ema è ò uwɛ̀lɛ̀lɛ̀yi ò tenì yà ehvɔ̀ndi ema è rza ohvɛ lìrzùkù è ò hwa urzùweyà. Èŋge èembè è ò hwa aka màyìmbì ndeŋgànɛlɛ è hwa oŋwa.

Hwèwulùwèlì 16:6

È mbako ya aŋgɔ e hvomɛ̀nɛ̀ ehwànja, wɔ̀ hwa mà koma màyija ma ama hwatò na hwà-òhwèlì hwa hwèlìŋgɛ̀ hwa aŋgɔ. O eŋgànɛlɛ o ma hwa ŋgba màyija o lì nyɔ. È kɔ̀kìrzɛ̀ ene ema wɔ̀ hwa àŋgàmɛ̀nɛ̀yi lì luwa.”

Hwèwulùwèlì 17:6

Nà ma ɛnɛ nanù ema oŋgo molanà à mà woma na màyija ma hwatò hwa wòtani hwa ama Lohwɛ̀, màyija ma hwaŋga hwatò ema hwà mà oŋwahwa ehwànja hwa oŋgàma Yerzù. Nà ma tàmà rzayi-rzayi e hvonda ema nà mà mo ɛnɛ.

Hwèwulùwèlì 19:2

È mbako ya eni e tɛmi ehve-ehve na e jɔ̀kɛ̀ ehwànja mɔ̀ à mà kɔ̀kìrzɛ̀ e molanà mondɛnɛ wa àkpàlà, ema à mà ìnɛ̀lɛ̀ hwatò hwa arzɛ hwa e rze ya mɔ̀nyɛ̀ o lì gbeye wòhwe lì akeyà na hweyà hwe eni hwe mòrzònje. Lohwɛ̀ à mà mo kɔ̀kìrzɛ̀ ehwànja mɔ̀ à mà oŋwa e mògbèèlì hwa ama Lohwɛ̀.”