Hwèwulùwèlì 18:23 - Mokpwe: Bakwery (New Testament)

²³ O e mbowà ndɛnɛ ya aŋgɔ, etùlù e rza o hvànya hvɛ tɔ̀ wùnyà, lìlo la mɔ̀nyɛ̀ŋgì la mɔ̀ɔ̀mbì na e mohwɛ̀ɛ̀nɛ wa mɔ̀ɔ̀mbì lì rza o hwɛ̀ɛnɛ hvɛ tɔ̀ wùnyà. Hwa o hvàŋga eŋge mbowà ndɛnɛ ehwànja, hwatò hwa aŋgɔ̀ hwa nyòŋga ya lì anda na lì ahwìrzɛ wɔ̀ ndi hwà mà hwɛ iŋgumu ja nyòŋga o e rze ya mɔ̀nyɛ̀ ya arzɛ, ndèŋgànɛ̀lɛ̀ hwatò hwa arzɛ hwa hwèkòmè hwe e rze ya mɔ̀nyɛ̀, o ma gbeyàna màagikì ma aŋgɔ o lì hwa lukɛlɛ.”

Hwèwulùwèlì 18:23 Mawu Ofanana

Hwègbèèlì 8:11

Wɔ̀ hwà mà mò òŋgama èhwanja, ò è hvònda ema è mà aka, mɔ̀ à mà hwa tàmìrzɛ̀ nà lìyaŋga là eni ema à mà hwɛ lì aŋgba.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 17:2

Ikìŋgɛ ja arzɛ ja ene rze ima gbeyà mòrzònje na mɔ̀. Hwàto hwa e rze ya mɔ̀nyɛ̀ hwà mà hwɛ lì nyɔ oŋgo molanà mìimbà ma eni natɛ̀ɛ hwa woma, ndèŋgànɛ̀lɛ̀ hwà mà gbeyà mòrzònje na mɔ̀.”

Hwèwulùwèlì 17:5

O ma hwɛ lìna o mbɔ̀mbɔ̀ ya eni ema e ma hwɛ ndi nàa wùndɛ̀ ema tɔ̀ mòtò a rzi hwiyɛ. Lìŋgi lìna lì ma hwɛ ndi, “Bàbìlɔ̀nì, e mbowà ndɛnɛ. È nyàŋgo ya hwalana hwa àkpàlà, na e hwa hwèèmà hwe ndɔ̀ki hwe e rze.”

Hwèwulùwèlì 18:22

O eŋge hvonda mɔ̀tɔ̀wù mo mondindi ema hwà mà oke, hwàyèmbèlì hwa mɛ̀rzɔ̀kɔ̀, hwatoŋgèlì hwa ihvole na mawɔ̀mi, me rza o hwɛ̀ɛnɛ̀ hvɛ o e mbowà ndɛnɛ ya anyu. Tɔ̀ mògbèèlì tɔ̀ mɔ̀kɔ wa tɔ̀ ima nyayi ya èwòlò a rza o luwahwa hvɛ o ìtììtènì ya anyu, moombàni mo marzini emà mà rzika hwèèmà, mo rza o hwɛ̀ɛnɛ hvɛ tɔ̀ wùnyà.

Hwèwulùwèlì 18:3

Èhwànja hwatò hwa arzɛ hwa hwèkòmè hwe e rze ya mɔ̀nyɛ̀ hwà mà hwɛnɛ e nyɔ̀ŋgì ya lì gbeyà hweyà hwe wòhwe ema à mà hwɛ lì gbeyà ndèŋgànà mɔ̀ à e hwa ŋgba mìimba emà mà hwa womìrzɛ. Ikìŋgɛ ja e rze ya mɔ̀nyɛ̀ i ma gbeyà mòrzònje na mɔ̀. Ndèŋganɛlɛ hwatò hwa rze ema hwa anda na lì àhwirzɛ̀ e nyòŋga, hwà mà tuwa hwèwàŋgì ehwànja hwà mà ohva e nyɔ̀ŋgi ndɛnɛ ya lì gbeyà hweyà hwa eni hwe wòhwe.”

Hwèwulùwèlì 18:9

Ikìŋgɛ ja e rze ya mɔ̀nyɛ̀ ema i ma gbeyà mòrzònje na mɔ̀, ndèŋgànɛ̀lɛ̀ hwà mà hwɛ o mòndeŋgè na mɔ̀ o lì ohva e nyɔ̀ŋgi ya lì gbeyà hweyà hwe wòhwe, hwa o eeya na lì ɛhwɛ na oma hwa o ɛnɛ yutùtù na oma e wurza e hvonda ema a rzeeya.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.

Hwèwulùwèlì 22:5

O rza o hwɛ hvɛ wuu. Wɔ̀ hwa rza o arza hvɛ tɔ̀ ètùlù tɔ̀ ŋmàye, tɔ̀ moombe mo igbèyi ehwànja Rzàŋgo Lohwɛ̀ a o hwɛ ŋmàye mo awu, ndèŋgànɛlɛ wɔ̀ hwa o kànèyà natɛ̀ɛ na o gbìndèyà.

Hwèwulùwèlì 6:15

Rzìi ikiŋgɛ̀ ja e rze ya mɔ̀nyɛ̀, iŋgumu, hwàkànèlì hwa hwàanèlì hwa njùma, hwèwàŋgì hwe hwatò, hwatò hwa màyìmbì, hwàkòmì na iwònjà hwa o utàmà o tenì ya hwèèŋgà na o hwèwòmà hwe mànyàyi o ihvàko.

Hwèwulùwèlì 9:21

Hwanu hwatò hwa rzi ayèŋgowɛ̀ ò wòhwe wo awu. Hwa rzi hwɛmi lì oŋwa la hwatò, hwa rzi hwɛmi o lì aŋgba la màaŋga, hwa rzi hwɛmi lòŋgɛ la morzonje ndèŋgànɛ̀lɛ̀ hwa rzi hwɛmi lì ihwa.