Hwèwulùwèlì 18:15 - Mokpwe: Bakwery (New Testament)

¹⁵ È wɔ̀ ema hwà mà hwɛ lì anda na lì àhwirzɛ̀ ini nyòŋga, ema hwa ohvi hwene hwèèmà hwà mà nàmà o nyòla hwene hwema. Hwa o tɛ̀mɛ̀ hvoo ehwànja hwa oka wɔ̀ŋgɔ̀ nanù ema wɔ̀hvɛ hwa o luwa mono mòtàkà ema mɔ̀hvɛ a luwa, hwa o eeya na lì ɛhwɛ.

Hwèwulùwèlì 18:15 Mawu Ofanana

Makòrzì 11:17

Rzìi à wòteyà lì òkòlɛ̀ hwatò, à òhwà nanù emà, “È rzà enje è jɔ̀kɛ̀ nanù ema e tìlahwì nanù ema, ‘È ndawò yà amì è ò hwɛ̀lɛhwɛ̀ ndì è ndawò yà màkanɛ̀ yà hwèkòmè hwe arzɛ̀ è?’ Ndì inyɔ̀ è e timbìrzɛ̀ ndì èkì yà hwàyihwɛ̀!”

Hwègbèèlì 16:19

Nà òma hwaŋga hwatò ema hwà mà anda òŋgò ŋmanà ŋgɔ̀ndɔ̀ nàa mòkòme hwà mà ayɛ̀ɛmbɛ̀ nanù ema mɔ̀ à rza tànɛyi lì gbeyà hvɛ nanù ema hwa luwe wòlì, wɔ̀ hwà mà hvùma Pàwolò na Rzàyìlàrzì rzìi hwa hwà kòòwà ò lì hwa ɛ̀ndɛ̀nɛ̀ ò hwàkànèlì ema hwà mà hwɛ ò ìtììtènì ja e mbòwa ndɛnɛ.

Hwèwulùwèlì 18:12

Liŋgi lìrzàŋgo lì hwèlì ndi, e gòòlù, e rzìlìhwà, hwàanà màŋyàyi ma wòlìtò ema mà hvàànyà, na hwàanà màŋyàyi ema mà hwèlì wòlìtò. Hweŋge hwema hwe ma hwɛ hvɛ ndi hwerzanja ema hwe andahwa na wolì ema wo koki, yɔ̀kɔ ema e hwɛ̀lɛ̀hwɛ̀ lìniyɛni, ehvɛhvɛ ema e hwɛ̀lɛ̀hwɛ̀ rzilìki, ihvɛhvɛ ema i teya, e nyayi ema ikiŋgɛ i wɔ̀tɔ̀, ndèŋgànɛ̀lɛ̀ e hweyɔ ema hwe teeya rzayi-rzayi. Hweŋge hwèèmà hwe ma hwɛ hwèhwàmbo ema hwe uwɛ̀lɛ̀lɛ̀yi o gbee ema hwe ohvi hwèrzùnju hwe hvɛ̀ɛ̀hvɛ̀, na hwèèmà ema hwe wondɛhwɛyi ema hwe àhwirzɛ̀hwɛ̀ wolì ema wo koki. Hweŋge hwèèmà hwe ma hwɛ hvɛ ndi hwèèmà ema hwe wondɛhwɛyi na màrzoŋgà mà njɔ̀kù na hwɛ̀ɛkɛ̀, brɔ̀nrzi na màŋyàyi ema mà hvàànyà ema mà hwɛ̀lɛ̀hwɛ̀ mabɛ̀lì.

Hwèwulùwèlì 18:13

Hwà mà ohva hvɛ hwèèmà nàa rzìnàmɔ̀nì, hwèèmà hwe erzunju ya hvɛ̀ɛ̀hvɛ̀, itùwà, màyì, hvìlakìnrzɛ̀, mìimba, lìyɔ̀ki la Njàhwɛ̀, lìwu la mbarzi ema lì hwɛ̀lɛ̀hwɛ̀ nanù ema hwìti. Hwà mà hwɛ hvɛ lì àhwirzɛ̀ inyàka na mɛ̀ɛ̀lɛ̀ŋgù, iwɔ̀rzi na hwèhwàmbànì, na hwàkòmì na hwatò ema hwa mà lɛmbɛ.

Hwèwulùwèlì 18:14

È wɔ̀ ema hwa anda na lì awìrzɛ̀ inyòŋga hwà mà mo òhwirzɛnɛ nanù ema, “Hweema hwe gbamù hwe arzɛ ema e ma àhvìtɛ̀, hwe rza o hwɛ hvɛ na inyɔ. O ma wɔ̀lɛnɛ hwèèmà hwe arzɛ ema hwe hwèlì gbamù na mòlòŋgà, ndèŋgànɛ̀lɛ̀ o rza o hwe luwa hvɛ tɔ̀ wùnyà.”

Hwèwulùwèlì 18:19

Aŋga ndi hwa a koma e rzɔ̀hwɛ o mèyòhvò me awu ehwànja hwà mà hwɛ lì eeya, na lì ɛhwɛ, na lì ohwa nanù ema, “Jiyeyi, jiyeyi, na e mbowà ndɛɛndɛ, ema hwaŋga ema hwà mà ohva mèelì me ŋmànja ema hwà mà nàmeyà o nyòla ya hwèèmà hwe eni. O awa hvɔ̀kɔ mɛnɛ à mà wɔ̀lɛnɛ hwene hwèèmà hwe arzɛ.”

Hwèwulùwèlì 18:3

Èhwànja hwatò hwa arzɛ hwa hwèkòmè hwe e rze ya mɔ̀nyɛ̀ hwà mà hwɛnɛ e nyɔ̀ŋgì ya lì gbeyà hweyà hwe wòhwe ema à mà hwɛ lì gbeyà ndèŋgànà mɔ̀ à e hwa ŋgba mìimba emà mà hwa womìrzɛ. Ikìŋgɛ ja e rze ya mɔ̀nyɛ̀ i ma gbeyà mòrzònje na mɔ̀. Ndèŋganɛlɛ hwatò hwa rze ema hwa anda na lì àhwirzɛ̀ e nyòŋga, hwà mà tuwa hwèwàŋgì ehwànja hwà mà ohva e nyɔ̀ŋgi ndɛnɛ ya lì gbeyà hweyà hwa eni hwe wòhwe.”