Hwèwulùwèlì 18:14 - Mokpwe: Bakwery (New Testament)

¹⁴ È wɔ̀ ema hwa anda na lì awìrzɛ̀ inyòŋga hwà mà mo òhwirzɛnɛ nanù ema, “Hweema hwe gbamù hwe arzɛ ema e ma àhvìtɛ̀, hwe rza o hwɛ hvɛ na inyɔ. O ma wɔ̀lɛnɛ hwèèmà hwe arzɛ ema hwe hwèlì gbamù na mòlòŋgà, ndèŋgànɛ̀lɛ̀ o rza o hwe luwa hvɛ tɔ̀ wùnyà.”

Hwèwulùwèlì 18:14 Mawu Ofanana

Matiyò 11:8

Mamɛ ema inyɔ e ma ɛ̀ndɛ lì ɔ̀ŋgɔ e? Mòtò ema à mà wɔ̀tɔ̀ lìwɔtì la gbamù e? Hwatò ema hwa wɔ̀tɔ̀ iŋgi nyayi ja màwɔ̀tì hwa lìya ndi ò màndawò ma hwàkànèlì.

Lukàrzɛ̀ 12:20

Lohwɛ̀ rzìi a mò òhwàna nanù ema, ‘Yòma, yòma ndɔ̀ki yà mòtò! O wònò wuu mɛnɛ, nà hwɛnì lì ò kɛɛ̀nɛ̀ muulù mò aŋgɔ. Njɛnɛ rzɔ a ò hwɛnɛ̀ ene èrzàŋgò ya àrzɛ ema wa àwutɛ̀lɛ̀ e?’

Lukàrzɛ̀ 16:25

Abràhamù à ma mò tìmbirzɛlɛlɛ nanù ema, ‘Ìì ŋmanà, ò ɔ̀ŋgɛ̀lɛ̀ nà òmà ò mà hwɛ ò rze, ò wà òmà òhva hwemà hwe àrzɛ hwe gbamù ò rze yà mɔ̀nyɛ̀. Ndi Làrzàrɔ̀rzì mɔ̀ à mà lùwa ndi hwema hwe wòhwe e? O nàŋgɛ mɔ̀ hvɛ à hwèlì ò lì wɔ̀wìrzɛ̀ la nyò anù. O wà ò hwèlì ò mòrziyò mòndɛnɛ̀.

1 Kɔ̀rintìyà 10:6

O naŋgɛ rzɔ hwenè hwe arzɛ hwe hwèlì ndi nàa èmɛ̀nɛ̀nì o lì jo kòkòwɛlɛ̀ nanù ema è rza okeya lì gbeyà wòhwe nà omà wɔ̀ hwà mà gbeyà.

Jèmìrzì 4:2

Inyɔ e nòneyà hwemà ndi inyɔ e rza tànɛyi lì hwe luwà, o eŋgànɛ̀lɛ inyɔ e wòŋgìrzɛ̀nɛyi o lì oŋwa mòtò. È hwɛni nyɔ̀ŋgi ndɛnɛ o tenì ya anyu o lì hwɛnɛ hwema ndi e rza tanɛ e hwe luwa. Èŋge eyà e gbeyà inyɔ e tɔ̀wɔ, na lì ananɛ mɔ̀kɔ na ɔ̀nɛyi. È rza luwa hwèèmà ema ya arza ehwànja e rza hwe ijòwa Lohwɛ̀.

Hwèwulùwèlì 18:13

Hwà mà ohva hvɛ hwèèmà nàa rzìnàmɔ̀nì, hwèèmà hwe erzunju ya hvɛ̀ɛ̀hvɛ̀, itùwà, màyì, hvìlakìnrzɛ̀, mìimba, lìyɔ̀ki la Njàhwɛ̀, lìwu la mbarzi ema lì hwɛ̀lɛ̀hwɛ̀ nanù ema hwìti. Hwà mà hwɛ hvɛ lì àhwirzɛ̀ inyàka na mɛ̀ɛ̀lɛ̀ŋgù, iwɔ̀rzi na hwèhwàmbànì, na hwàkòmì na hwatò ema hwa mà lɛmbɛ.

Hwèwulùwèlì 18:15

È wɔ̀ ema hwà mà hwɛ lì anda na lì àhwirzɛ̀ ini nyòŋga, ema hwa ohvi hwene hwèèmà hwà mà nàmà o nyòla hwene hwema. Hwa o tɛ̀mɛ̀ hvoo ehwànja hwa oka wɔ̀ŋgɔ̀ nanù ema wɔ̀hvɛ hwa o luwa mono mòtàkà ema mɔ̀hvɛ a luwa, hwa o eeya na lì ɛhwɛ.