Hwèwulùwèlì 18:11 - Mokpwe: Bakwery (New Testament)

¹¹ È wɔ̀ hwa e rze ya mɔ̀nyɛ̀ ema hwa anda na lì àhwirzɛ̀ inyòŋga, hwa o mo eeya na lì ɛhwɛ, ehwànja tɔ̀ mòtò a rza o anda hwerzàŋgo hwe awu hvɛ.

Hwèwulùwèlì 18:11 Mawu Ofanana

Matiyò 22:5

Ndi hwaŋga hwatò ema hwà mà yòhwɛhwɛ, wɔ̀ hwa rzi wòwe eŋge ndèma nàa tɔ̀ eyà. Wɔ̀ hwà mà ɛ̀ndɛ ndi ò lì gbeyà hwèwòlò hwe awu, lòŋgò ò i wàŋga ja awu, hwanɛyi hvɛ ò hwehvɛhvɛ hwèwòlò.

Yòwanìrzɛ̀ 2:16

À mà òhwèyà hvɛ hwaŋga hwatò ema hwà mà hwɛ lì àhwirzɛ̀ imbèŋga nanù ema, “È ulɛ hwenè hwema anù. Nɛ rzɔ inyɔ e tànɛyi lì timbirzɛ e Ndawò ya ama Tatɛ̀ wa ami èki ya èlùwà e?”

2 Pètrò 2:3

O tenì ya e njɔ̀ŋgu ya awu, hwanu hwà-òkòlèlì hwa mòlaŋgà, hwa o luwa morzɛ̀ŋgi o lì e ohweyà màyìtò ema wɔ̀ hwa weki e lì e hvùmana hwèèmà. Lohwɛ̀ mɔ̀ à mà màa lì akɛlɛ e mbàko na e koohwa nanù ema a o hwa kɔ̀kìrzɛ̀. Èŋge kɔ̀kìrzɛ̀ e hwa ambɛ̀lɛ̀, ndèŋgànɛ̀lɛ̀ mòŋgo mokona mo hwa ambɛ̀lɛ̀.

Hwèwulùwèlì 18:15

È wɔ̀ ema hwà mà hwɛ lì anda na lì àhwirzɛ̀ ini nyòŋga, ema hwa ohvi hwene hwèèmà hwà mà nàmà o nyòla hwene hwema. Hwa o tɛ̀mɛ̀ hvoo ehwànja hwa oka wɔ̀ŋgɔ̀ nanù ema wɔ̀hvɛ hwa o luwa mono mòtàkà ema mɔ̀hvɛ a luwa, hwa o eeya na lì ɛhwɛ.

Hwèwulùwèlì 18:20

Inyɔ ema e hwèlì o ŋmanyu yà lohwà e oke mɔ̀nyɛ̀ŋgì o nyòla e kɔ̀kìrzɛ̀ ema oŋgo molanà à mà luwe. Inyɔ hwatò hwa ama Lohwɛ̀, i àpɔ̀rzìtòlò na hwà-òhwèlì hwa hwèlìŋgɛ̀ e oke mɔ̀nyɛ̀ŋgì ehwànja Lohwɛ̀ à mà akɛlɛ e mbako o lì mo teŋgɛ̀nɛ̀ o nyòla mamɛ ema mɔ̀ à e gbèelì.

Hwèwulùwèlì 18:23

O e mbowà ndɛnɛ ya aŋgɔ, etùlù e rza o hvànya hvɛ tɔ̀ wùnyà, lìlo la mɔ̀nyɛ̀ŋgì la mɔ̀ɔ̀mbì na e mohwɛ̀ɛ̀nɛ wa mɔ̀ɔ̀mbì lì rza o hwɛ̀ɛnɛ hvɛ tɔ̀ wùnyà. Hwa o hvàŋga eŋge mbowà ndɛnɛ ehwànja, hwatò hwa aŋgɔ̀ hwa nyòŋga ya lì anda na lì ahwìrzɛ wɔ̀ ndi hwà mà hwɛ iŋgumu ja nyòŋga o e rze ya mɔ̀nyɛ̀ ya arzɛ, ndèŋgànɛ̀lɛ̀ hwatò hwa arzɛ hwa hwèkòmè hwe e rze ya mɔ̀nyɛ̀, o ma gbeyàna màagikì ma aŋgɔ o lì hwa lukɛlɛ.”

Hwèwulùwèlì 18:3

Èhwànja hwatò hwa arzɛ hwa hwèkòmè hwe e rze ya mɔ̀nyɛ̀ hwà mà hwɛnɛ e nyɔ̀ŋgì ya lì gbeyà hweyà hwe wòhwe ema à mà hwɛ lì gbeyà ndèŋgànà mɔ̀ à e hwa ŋgba mìimba emà mà hwa womìrzɛ. Ikìŋgɛ ja e rze ya mɔ̀nyɛ̀ i ma gbeyà mòrzònje na mɔ̀. Ndèŋganɛlɛ hwatò hwa rze ema hwa anda na lì àhwirzɛ̀ e nyòŋga, hwà mà tuwa hwèwàŋgì ehwànja hwà mà ohva e nyɔ̀ŋgi ndɛnɛ ya lì gbeyà hweyà hwa eni hwe wòhwe.”

Hwèwulùwèlì 18:9

Ikìŋgɛ ja e rze ya mɔ̀nyɛ̀ ema i ma gbeyà mòrzònje na mɔ̀, ndèŋgànɛ̀lɛ̀ hwà mà hwɛ o mòndeŋgè na mɔ̀ o lì ohva e nyɔ̀ŋgi ya lì gbeyà hweyà hwe wòhwe, hwa o eeya na lì ɛhwɛ na oma hwa o ɛnɛ yutùtù na oma e wurza e hvonda ema a rzeeya.