Hwèwulùwèlì 17:9 - Mokpwe: Bakwery (New Testament)

⁹ Hwene hweyà ema nà arza lì ohwa nanù, nanù ndi lìhwiyè nà lì rzɔ̀ŋgìtɛ̀nɛ̀ hwe arzahwa. Mèyòhvò lìrzàmba ema eŋge nyàma è ohvi mè hwèlì ndi, lìrzàmba là mèyolì ema oŋgo molàna à lìya, ndèŋgànɛ̀lɛ̀ mè hwèlì ndi ikiŋgɛ lìrzamba.

Hwèwulùwèlì 17:9 Mawu Ofanana

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Matiyò 24:15

“O èŋgànɛ̀lɛ̀ rzɔ inyɔ è ò ɛnɛ ò èki ya wòtani yòma ya ŋgandi ema e ma jànɛ ìrzɔnì ò wòrzò wò ama Lohwɛ̀, ema e ma gbèyɛ̀nɛ ò e ndawò yà Lohwà na òma e Mòòhwèlì wà èlìŋgɛ̀ Dànìyɛ̀lì à mà òhwe ama e ò gbèyɛ̀nɛ.” (Inyò ema e hwèlì e laŋga hwene hweyà, e hwe rzɔ̀ŋgìtɛ̀nɛ̀ kɔ̀yi-kɔ̀yi).

Hwèwulùwèlì 13:1

Rzìi na ɛnɛ èembe e wurza o tenì ya ŋmàànja. Èŋge èembe e ma hwɛnɛ lìrzàmba la mèyòhvò na lìyomɛ̀ la mèrzehwa, na lìyomɛ la hwèkòòtò o merzehwà mà eni. Tɔ̀ ima mòohvo mo mà ohva lìnà ema lì hwɛnyɛ Lohwɛ̀.

Hwèwulùwèlì 13:18

Lìhwìyè lì àŋgàmɛ̀nɛ̀ lì gbeyànɛ̀hwɛ̀ anu. Inyɛ̀ tɔ̀ ima mòtò ema à hwɛni lì rzɔ̀ŋgìtɛ̀nɛ̀ à kɔ̀kè jànda jà mɔ̀rzɔ̀ŋgi mò è èembe, ehwànja mò hwèlì ndi mɔ̀rzɔ̀ŋgi mò lìnà là mòtò. Oŋgo mòtò mɔ̀rzɔ̀ŋgi mò eni mò hwèlì ndi hwègbe mòtohwa nà mènì mòtohwa nà mòtohwa.

Hwèwulùwèlì 17:18

È molanà ema ò mà ɛnɛ à hwèlì ndi è mbowà ndɛ̀ɛ̀ndɛ̀ ema è kànèyà ikìŋgɛ jà è rze yà arzɛ.”

Hwèwulùwèlì 17:3

Èlìŋgɛ̀ yà ama Lohwɛ̀ rzìi è nò rzìhweyà, è aŋgèlì rzìi è nò ɛndɛ̀nɛ̀ ò mòrzànjɛ. Nà mà ɛnɛ molanà mɔ̀kɔ aŋga ema à mà lìya ò ŋmanyu yà è nyàmà yà wòhwe ema è teya. Ène nyàmà è mà onda nà mìinà mà ìrzìlako ò è nyo yà eni. È mà ohva lìrzàmba là mèyòhvò nà lìyomɛ là mèrzehwa.

Hwèwulùwèlì 17:7

È aŋgèlì è mà nò ijòwa nanù ema, “Mamɛ ndèŋgatɛ ò tàmì e? Nà ò telɛ̀lɛ̀ è wùndɛ̀ yà ama ono molàna nà è wùndɛ̀ yà è nyàmà yà wòhwe ema è mò ɛ̀ndɛ̀nɛ̀, ema è ohvi lìrzàmba là mèyòhvò nà lìyome là mèrzehwa.