Hwèwulùwèlì 17:3 - Mokpwe: Bakwery (New Testament)

³ Èlìŋgɛ̀ yà ama Lohwɛ̀ rzìi è nò rzìhweyà, è aŋgèlì rzìi è nò ɛndɛ̀nɛ̀ ò mòrzànjɛ. Nà mà ɛnɛ molanà mɔ̀kɔ aŋga ema à mà lìya ò ŋmanyu yà è nyàmà yà wòhwe ema è teya. Ène nyàmà è mà onda nà mìinà mà ìrzìlako ò è nyo yà eni. È mà ohva lìrzàmba là mèyòhvò nà lìyomɛ là mèrzehwa.

Hwèwulùwèlì 17:3 Mawu Ofanana

Matiyò 27:28

Hwa mà mò rzòlòwà lìwɔti rzìi hwa mò wɔ̀tìrzɛ̀ mòŋgòmbè mò teyàa ema mò gbèyi ndi nàa mòŋgòmbe mò ama è kiŋgɛ.

Hwègbèèlì 8:39

Lìrzàkò ema wɔ̀ hwà mà anjiye ò tenì ya malìhwa, Èlìŋgɛ̀ ya ama Rzàŋgò rzìi e wòwa Hvìlìpì. Èŋge yumɛ e rzi ɛnɛ Hvìlìpì hvɛ. Ndi à mà ɛ̀ndɛ̀nɛ̀ ndi yɔ̀ndɔ ya eni ò wòrzò, na mɔ̀nyɛ̀ŋgì.

2 Tɛ̀rzàlonìyà 2:4

Mɔ̀ à ò teŋgɛ̀nɛ̀ tɔ̀ ima yoma ema è hwɛ̀lɛ̀hwɛ̀ lìinà nanù ema lohwà, tɔ̀ enìmìnìmì ema hwa kànɛ̀lɛ̀lɛ̀, rzìi à ò akàrzɛ mɔ̀ ŋmìti ò lì hwa aka. À ò kpèeyà, rzìi a o lìya tɔ̀ ò tenì yà è ndawò yà Lohwà, rzìi à ahwɛlɛ mɔ̀ ŋmìti nanù ema à hwèlì ndi Lohwɛ̀.

Hwèwulùwèlì 1:10

Èlìŋgɛ̀ yà Wòtani è mà nò rziweya o Wùnyà wo ama e Rzàŋgo. Nà ma hweyà lìlo lì ndɛnɛ ema lì ma lì uwɛlɛlɛyi o mburza ya ami lì ma gbeyà ndi nàa mɔ̀tɔ̀wu mo lìyɔ̀mi.

Hwèwulùwèlì 12:14

Oŋgo molàna à mà ŋgbààhwà mahvahve mahwakɛ ma mbela ndɛnɛ, o lì mo oŋgowàna o lì koohwa lì ɛndɛ o èki ema e ma mo rzekahwɛlɛ o mòrzànjɛ, èki ema gbàahwà wo rza uka, èki ema mɔ̀ à o luwɛ lìhwoŋgo meya meyawo na ehvàrzu, èki ema e dragɔ̀ni e rza o mo tàkìrzɛ̀.

Hwèwulùwèlì 12:3

Èhvɛhvɛ embànelì ya mànyàkà e ma wurza o ŋmanyu yà lohwà. Aŋga ndi e dragɔ̀ni ya a wurza jègba. È ma olowa rzayi-rzayi ndèŋgànɛ̀lɛ̀ e ma teya. È ma hwɛnɛ lìrzamba la mèyòhvò na lìyome la merzehwa. Tɔ̀ ima mohvo ma mà wɔ̀tɔ̀ ekooto.

Hwèwulùwèlì 12:6

Oŋgo mòlana à mà hvàwuma a ɛndɛ o mòrzanjɛ̀ o èki ema Lohwɛ̀ à mà mo rzèkeya, èki ema a o woŋgòhwàhwɛ o ikolì jɔ̀kɔ hwègbe hwe hwàkɛ meni mòtohwa me mèenyà.

Hwèwulùwèlì 17:18

È molanà ema ò mà ɛnɛ à hwèlì ndi è mbowà ndɛ̀ɛ̀ndɛ̀ ema è kànèyà ikìŋgɛ jà è rze yà arzɛ.”

Hwèwulùwèlì 17:4

Oŋgo molanà à mà wɔ̀tɔ̀ lìhwatu là màlenà ema lì ma ohva hvɛ mɔ̀rzɔ̀nɔ̀ ema mo teya. A ma ahwàndɛ e nyo ya eni ya arzɛ na hwema hwe gòòlù, na hwàanà màŋyàyi ma wòlìtò ema mà hvànya, na hwehvɛhvɛ hwema hwe wòlìtò. A ma tɛ̀ɛ̀tɛ̀ɛ lìwonde la gòòlù o lìya la eni ema lì ma onda na hwèèmà hwe ndɔ̀ki na hwema hwe mbindo hwe mòrzònje.

Hwèwulùwèlì 18:12

Liŋgi lìrzàŋgo lì hwèlì ndi, e gòòlù, e rzìlìhwà, hwàanà màŋyàyi ma wòlìtò ema mà hvàànyà, na hwàanà màŋyàyi ema mà hwèlì wòlìtò. Hweŋge hwema hwe ma hwɛ hvɛ ndi hwerzanja ema hwe andahwa na wolì ema wo koki, yɔ̀kɔ ema e hwɛ̀lɛ̀hwɛ̀ lìniyɛni, ehvɛhvɛ ema e hwɛ̀lɛ̀hwɛ̀ rzilìki, ihvɛhvɛ ema i teya, e nyayi ema ikiŋgɛ i wɔ̀tɔ̀, ndèŋgànɛ̀lɛ̀ e hweyɔ ema hwe teeya rzayi-rzayi. Hweŋge hwèèmà hwe ma hwɛ hwèhwàmbo ema hwe uwɛ̀lɛ̀lɛ̀yi o gbee ema hwe ohvi hwèrzùnju hwe hvɛ̀ɛ̀hvɛ̀, na hwèèmà ema hwe wondɛhwɛyi ema hwe àhwirzɛ̀hwɛ̀ wolì ema wo koki. Hweŋge hwèèmà hwe ma hwɛ hvɛ ndi hwèèmà ema hwe wondɛhwɛyi na màrzoŋgà mà njɔ̀kù na hwɛ̀ɛkɛ̀, brɔ̀nrzi na màŋyàyi ema mà hvàànyà ema mà hwɛ̀lɛ̀hwɛ̀ mabɛ̀lì.

Hwèwulùwèlì 18:16

Hwa hwèlì hwa tɛ nanù ema, “Jiyeyi, jiyeyi, o wa ene mbowà ndɛɛndɛ, ema o ma hwɛ lì wɔ̀tɔ̀ mààtu ma gbamù ema mà kɔ̀lɔhwi na hwèrzànjà hwe gbamù ema hwe hwɛ̀lɛ̀hwɛ̀ nanù ema lìniyɛni, ndèŋgànɛ̀lɛ̀ o wɔ̀ti màlena, na e mɔ̀ ema mà teeya rzayi-rzayi. O wa ema o ma hwɛ lì wɔ̀tɔ̀ hwèèmà hwe gòòlù, hwèèmà ema hwe wèkahwì na hwàanà màŋyàyi ma wòlìtò emà mà hvàànyà, na hwahvɛhvɛ hwàanà màŋyàyi emà mà andawa na wolì ema wo koki, emà mà hwɛ̀lɛ̀hwɛ̀ nanù ema pɛ̀ɛlì.

Hwèwulùwèlì 21:10

Èlìŋgɛ̀ yà wòtani rzìi e no rzihweyà, rzìi eŋge aŋgèlì e no ɛ̀ndɛ̀nɛ̀ o e ŋmanyu yà hvàko ema e kàrzàmi rzayi-rzayi. È mà no ika o ŋmanyu o lì no uŋmɛ̀lɛ̀ Jèrurzalɛ̀mù e mbowà ndɛ̀ɛndɛ̀ ya wòtani ema e rzàŋgi, na oma e uwɛ̀lɛ̀lɛ̀yi o ma Lohwɛ̀ o ŋmanyu yà lohwà.

Hwèwulùwèlì 4:2

Lìwokìmɛnɛ, ɔndi Èlìŋgɛ̀ ya ama Lohwɛ̀ e a no rzihweyà. Rzìi na ɛnɛ e konda ya lìkànèyà, ndèŋgànɛ̀lɛ̀ nà mà ɛnɛ mòtò ema à mà lìya o eŋge konda.