Hwèwulùwèlì 17:2 - Mokpwe: Bakwery (New Testament)

² Ikìŋgɛ ja arzɛ ja ene rze ima gbeyà mòrzònje na mɔ̀. Hwàto hwa e rze ya mɔ̀nyɛ̀ hwà mà hwɛ lì nyɔ oŋgo molanà mìimbà ma eni natɛ̀ɛ hwa woma, ndèŋgànɛ̀lɛ̀ hwà mà gbeyà mòrzònje na mɔ̀.”

Hwèwulùwèlì 17:2 Mawu Ofanana

Yòwanìrzɛ̀ 2:10

rzìi a mò òhweyà nanù ema, “Tɔ̀ ima mòtò a lòma ndi lì akɛlɛ hwàyɛ̀nì hwa eni mììmbà ma gbamù. Hwatò hwà mà nyɔ tɛ rzayi-rzayi, rzìi a wurzirzɛ e mɔ̀ ema mà rza lɔ̀. Ndi ò wa ò uti mììmbà ma gbamù natɛ̀ɛ na nàŋgɛ.”

Hwèwulùwèlì 14:8

È aŋgèlì ema è mà ùkirzɛ̀ ihwàkɛ, è mà oŋgama è yà worzò rzìi è ohwa nanù ema, “Èŋge Mbowà ndɛ̀ɛ̀ndɛ̀, Babìlɔ̀nì è mà kòna! È mà gbeyà hwatò hwa arzɛ hwa hwèkòmè hwe arzɛ hwe è rze yà mɔ̀nyɛ̀ ò lì nyɔ̀ mììmbà mà eni ema mà eti. Maŋga mìmbà ma mà hwɛ ndi è nyɔ̀ŋgi yà eni ò lì hwɛ è àkpàlà.”

Hwèwulùwèlì 17:13

Lini lìyomɛ̀ là kiŋgɛ jo ohvi ndi jànda jɔ̀kɔ, o eŋgànɛlɛ rzɔ, hwa mà ŋgbàà eŋge nyàmà yà wòhwe màyìmbi nà màkànèyà mà awu.

Hwèwulùwèlì 17:17

Hwa ò gbeyà ndi nanù ehwànja, Lohwɛ̀ à mà ika nà oma mɔ̀ àrzeyà nanù ema hwa gbèèyè ò mèèmà mè awu. Lohwɛ̀ à mà rzèkeyà nanù ema hwèŋge hwèembe hwe ohve ndi janda jɔ̀kɔ, ò lì mò gbèeyà nàa mòtò mɔ̀kɔ. Wɔ̀ hwa ò ŋgba eŋge nyàmà yà wòhwe màyìmbì mà awu mà lìkànèyà natɛ̀ɛ nà ò è hvonda ema hweyà ema Lohwɛ̀ à mà ohwe hwe ò ondìrzɛ̀hwɛ̀.

Hwèwulùwèlì 17:5

O ma hwɛ lìna o mbɔ̀mbɔ̀ ya eni ema e ma hwɛ ndi nàa wùndɛ̀ ema tɔ̀ mòtò a rzi hwiyɛ. Lìŋgi lìna lì ma hwɛ ndi, “Bàbìlɔ̀nì, e mbowà ndɛnɛ. È nyàŋgo ya hwalana hwa àkpàlà, na e hwa hwèèmà hwe ndɔ̀ki hwe e rze.”

Hwèwulùwèlì 17:8

È nyàmà yà wòhwe ema ò ɛ̀neyàyi è mà lòma lì hwɛ lòŋgɛ, ndi ò nàŋgɛ è rza enje lòŋgɛ. È ò uwɛlɛlɛyi ndi ò ehvɔ̀ndi ema è rza ohvɛ lìrzùkù rzi è ɛndɛ ò èki ema hwa ò è oŋwa. Hwàto ema hwa lìya ò rze yà mɔ̀nyɛ̀ ema lìwòteyà hwèwèkelì hwe ene rze Lohwɛ̀ à rzi tilɛ mìinà mà awu ò tenì yà è kààtì ema è ohvi mìinà mà hwatò ema hwa lùwa lòŋgɛ ema lì rza kuwa, hwa mà tàmà. Hwa mà tàmà ò lì ɛnɛ è nyàma yà wòhwe ema è mà hwɛ lòŋgɛ, rzìi è rza enje lòŋgɛ ndèŋgànɛ̀lɛ̀ è ò hwɛ ò lòŋgɛ hvɛ.

Hwèwulùwèlì 18:23

O e mbowà ndɛnɛ ya aŋgɔ, etùlù e rza o hvànya hvɛ tɔ̀ wùnyà, lìlo la mɔ̀nyɛ̀ŋgì la mɔ̀ɔ̀mbì na e mohwɛ̀ɛ̀nɛ wa mɔ̀ɔ̀mbì lì rza o hwɛ̀ɛnɛ hvɛ tɔ̀ wùnyà. Hwa o hvàŋga eŋge mbowà ndɛnɛ ehwànja, hwatò hwa aŋgɔ̀ hwa nyòŋga ya lì anda na lì ahwìrzɛ wɔ̀ ndi hwà mà hwɛ iŋgumu ja nyòŋga o e rze ya mɔ̀nyɛ̀ ya arzɛ, ndèŋgànɛ̀lɛ̀ hwatò hwa arzɛ hwa hwèkòmè hwe e rze ya mɔ̀nyɛ̀, o ma gbeyàna màagikì ma aŋgɔ o lì hwa lukɛlɛ.”

Hwèwulùwèlì 18:3

Èhwànja hwatò hwa arzɛ hwa hwèkòmè hwe e rze ya mɔ̀nyɛ̀ hwà mà hwɛnɛ e nyɔ̀ŋgì ya lì gbeyà hweyà hwe wòhwe ema à mà hwɛ lì gbeyà ndèŋgànà mɔ̀ à e hwa ŋgba mìimba emà mà hwa womìrzɛ. Ikìŋgɛ ja e rze ya mɔ̀nyɛ̀ i ma gbeyà mòrzònje na mɔ̀. Ndèŋganɛlɛ hwatò hwa rze ema hwa anda na lì àhwirzɛ̀ e nyòŋga, hwà mà tuwa hwèwàŋgì ehwànja hwà mà ohva e nyɔ̀ŋgi ndɛnɛ ya lì gbeyà hweyà hwa eni hwe wòhwe.”

Hwèwulùwèlì 18:9

Ikìŋgɛ ja e rze ya mɔ̀nyɛ̀ ema i ma gbeyà mòrzònje na mɔ̀, ndèŋgànɛ̀lɛ̀ hwà mà hwɛ o mòndeŋgè na mɔ̀ o lì ohva e nyɔ̀ŋgi ya lì gbeyà hweyà hwe wòhwe, hwa o eeya na lì ɛhwɛ na oma hwa o ɛnɛ yutùtù na oma e wurza e hvonda ema a rzeeya.

Hwèwulùwèlì 2:22

Ò èŋgànɛ̀lɛ̀ nà ò mò hvimba nà hwatò ema hwa gbeyà mòrzònje mò lìhwa nà mɔ̀ ò lìnɔ̀ŋgɔ̀ là nyàmbɛ, èki ema hwa ò lùwa lìtàkè lì ndɛnɛ. Nà ò gbeyà ene eyà nanù è hwèlì tɛ nanù ema wɔ̀ hwa rza hwɛmi tɛ ò lì gbeyà hweŋge hweyà hwe wòhwe nà oŋgo molàna.

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.

Hwèwulùwèlì 9:21

Hwanu hwatò hwa rzi ayèŋgowɛ̀ ò wòhwe wo awu. Hwa rzi hwɛmi lì oŋwa la hwatò, hwa rzi hwɛmi o lì aŋgba la màaŋga, hwa rzi hwɛmi lòŋgɛ la morzonje ndèŋgànɛ̀lɛ̀ hwa rzi hwɛmi lì ihwa.