Hwèwulùwèlì 17:17 - Mokpwe: Bakwery (New Testament)

¹⁷ Hwa ò gbeyà ndi nanù ehwànja, Lohwɛ̀ à mà ika nà oma mɔ̀ àrzeyà nanù ema hwa gbèèyè ò mèèmà mè awu. Lohwɛ̀ à mà rzèkeyà nanù ema hwèŋge hwèembe hwe ohve ndi janda jɔ̀kɔ, ò lì mò gbèeyà nàa mòtò mɔ̀kɔ. Wɔ̀ hwa ò ŋgba eŋge nyàmà yà wòhwe màyìmbì mà awu mà lìkànèyà natɛ̀ɛ nà ò è hvonda ema hweyà ema Lohwɛ̀ à mà ohwe hwe ò ondìrzɛ̀hwɛ̀.

Hwèwulùwèlì 17:17 Mawu Ofanana

Lukàrzɛ̀ 22:22

È Ŋmanà wà è Mòtò wà Hwènàmà à hwɛnì lì ŋwa nà òmà è mà tìlahwe, ndi èwòma nà òŋgò mòtò ema à mò àhwìrzɛ̀.”

Lukàrzɛ̀ 22:3

Mòkarzɛ̀ à mà kpèeyà mòòkòwèlì mɔ̀kɔ wà ama Yerzù ema à ma hwɛ̀lɛ̀hwɛ̀ Jùdàrzì. Lìnɛ̀yi lìna la eni hvɛ lì mà hwɛ ndi Ìrzìkalìyɔ̀tɛ̀. Jùdàrzì à ma hwɛ ndi mɔ̀kɔ wà lìyòmɛ̀ la hwà-òkòwèlì nà hwàhwàkɛ̀ hwa ama Yerzù.

Lukàrzɛ̀ 22:37

Nà è òhweyà nanù ema, è kaàtì yà Lohwà è òhwa nanù ema, ‘À mà wòwahwa ndi nàa ŋmìhwɛ̀.’ Nànù ndi e hwɛnì lì nò gbèyɛnɛ. Ndèŋgàna e hwɛnì lì òndìrzɛ̀hwɛ̀.”

Yòwanìrzɛ̀ 10:35

È hwɛni lì hwiya nanù ema Eyà ya Lohwà e rza kpa. Lohwɛ̀ a kpɛ̀yi hwatò lìinà ema mɔ̀ à mà òmane Eyà ya Lohwà ama hwa hwèlì ndì mòohwà.

Yòwanìrzɛ̀ 13:18

“Nà rza è òhwàna inyɔ hwa arzɛ. Ndi nà hwi è wɔ̀ ema nà mà hvɔ̀rzɛ̀. Ndi ene eyà è hwèlì ndi nanù, ò lì òndìrzɛ̀ mamɛ è mà tìlahwa ò Kààtì yà Lohwà. È tìlahwì nanù ema, ‘È mòtò ema irzɔ nà mɔ̀ ì làlɛ̀nɛ̀ à nò àyiŋgòwɛ̀lɛ̀lɛ̀yi.’

Yòwanìrzɛ̀ 13:2

Yerzù na hwà-òkòwèlì hwa eni hwà mà hwɛ lì laa Mòlèlì mò ŋgòmbe. Mòkarzɛ̀ à mà hwɛ à mà màa lì ika màlùtèyà ma wòhwe ò ŋmèma mo ama Jùdàrzì Ìrzìkalìyɔ̀tɛ̀ ò lì àhwirzɛ̀ Yerzù. Jùdàrzì Ìrzìkalìyɔ̀tɛ̀ à mà hwɛ ndi e ŋmanà wa mùnyanà wa ama Rzìmɔni.

Yòwanìrzɛ̀ 19:24

Àŋga ndi hwa òhwalɛnɛ nanù ema, “I rza lì ŋyàawà. Ja aŋgbe ndi lìnjaŋgà jò ɔ̀ŋgɔ njɛnɛ a lì kùwàna.” Ène ema gbèyɛ̀nɛ ndi ò lì òndìrzɛ̀ mamɛ ema e ma tìlahwa ò Kaàti ya Lohwà nanù ema, “Wɔ̀ hwiti hwà mà a kahwɛnɛ̀ màatù ma ami. Rzi hwa aŋgbaanɛ hvɛ lìnjaŋgà ò lì kawa mòŋgòmbè mò ami.” O èŋgànɛ̀lɛ̀ nanù ndi hwaŋga hwàanà njuma hwà mà gbèye.

Yòwanìrzɛ̀ 19:28

O mburza nanù Yerzù à mà hwiya ema hweyà hwe arzɛ hwe ma kùwa. O lì òndìrzɛ̀ mamɛ e ma tìlahwa ò Kaàti ya Lohwà rzìi mɔ̀ à òhwa nanù ema, “Nà hwèya e nyìrzɛ̀.”

2 Kɔ̀rintìyà 8:16

Nà èki Lohwɛ̀ nanù ema a ŋgbelì Tàyìtùrzì ŋmèma mo lì e òŋgòwàna, na oma a no ŋgbelì imba hvɛ.

Hwèwulùwèlì 10:7

Ndi o mèenyà ema e aŋgèlì ema e ùkirzɛ̀ lìrzamba e o tòŋga lìyɔ̀mi la eni, Lohwɛ̀ a o gbeyà eyà ema mɔ̀ à mà kàkɛ̀nɛ̀ nanù ema a o gbeyà o wùndɛ̀. A e gbeyà na oma mɔ̀ à mà ohweyà hwàgbèèlì hwa eni hwà-òhwèlì hwa hwèlìŋgɛ̀.”

Hwèwulùwèlì 15:1

Nà ma ɛnɛ o ŋmanyu yà lohwà ehvɛhvɛ embànelì ndɛnɛ ndèŋgànɛ̀lɛ̀ nà mà tàmà. Nà ma ɛnɛ aŋgèlì lìrzamba ema i ma ohva lìrzamba la kàndɛ ja lìrzùkù. Ini kàndɛ i ma hwɛ e jà lìrzùkù ehwànja jɔ ndi jo ondìrzɛ̀ hwètàtò hwe ama Lohwɛ̀.

Hwèwulùwèlì 17:13

Lini lìyomɛ̀ là kiŋgɛ jo ohvi ndi jànda jɔ̀kɔ, o eŋgànɛlɛ rzɔ, hwa mà ŋgbàà eŋge nyàmà yà wòhwe màyìmbi nà màkànèyà mà awu.

Hwèwulùwèlì 19:9

Èŋge aŋgèlì rzìi e no ohweyà nanù ema, “Tila nanù ema, mònàmɛ̀ na hwaŋga ema hwa yowɛhwɛyi o e ndèma ya lìhwa ya ama e Ŋguma ya Mɔ̀lɛ̀ŋgù.” Èŋge aŋgèlì rzìi e lata hvɛ o lì ohwa nanù ema, “Hwene hweyà hwe jɔ̀kɛ̀ hwe uwɛ̀lɛ̀lɛ̀yi ndi o ma Lohwɛ̀.”

Hwèwulùwèlì 6:11

Ndeŋgànɛlɛ tɔ̀ ima mɔ̀kɔ wa awu à mà ŋgbahwa mòŋgombè mò mbɔ̀mi, rzìi hwa ohwàhwɛlɛ nanù ema hwa ambɛ̀lɛ̀ hvɛ ŋmanà hvoka hvonda, natɛ̀ɛ na e hvonda ema mɔ̀rzɔ̀ŋgi mo hwahvɛhvɛ hwàgbèèlì ema hwa hwèlì nàa wɔ na wònyànyàŋgò hwa awu hwa ama Krirztò ema hwà mà hwɛnɛ lì oŋwahwa na oma wɔ̀hvɛ hwà mà oŋwahwɛ mo ondìrzɛ̀hwɛ.