Hwèwulùwèlì 17:14 - Mokpwe: Bakwery (New Testament)

¹⁴ Hwa ò teŋgɛ̀nɛ̀ ò lì anàna è Ŋguma yà Mɔ̀lɛ̀ŋgù njùma. Ndi è Ŋguma yà Mɔ̀lɛ̀ŋgù è ò hwa rzùùwanà ehwànja mɔ̀ ndi à hwèlì è Rzàŋgo yà hwatò hwa arzɛ ndèŋgànɛ̀lɛ̀ à hwèlì ndi è Kìŋgɛ yà ikìŋgɛ jà arzɛ. À hwèlì nà hwatò hwa eni ema Lohwɛ̀ à mà hwɛlɛ nà lì hvɔ̀rzɔ̀, ema hwa mò gbèeyà nà ŋmèmà mɔ̀kɔ.”

Hwèwulùwèlì 17:14 Mawu Ofanana

Matiyò 22:14

Yerzù rzì a umbana mònò ŋmàna nanù ema, “Lohwɛ̀ a hwɛlɛyi rzayì-rzayì ja hwatò ò lì hwɛ ò rze ya lìkànèyà la eni ndi ŋgurzu ndi i hvɔ̀rzɔ̀hwì.”

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Yòwanìrzɛ̀ 15:16

Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Ròmànì 1:6

Inyɔ ema e hwèlì o èkòmè ya Ròmànì, è hwèlì ndi ò ìtììtènì ja hwatò ema Lohwɛ̀ à mà hvɔ̀rzɛ̀ nanù ema hwa hwɛ hwatò hwa ama Yerzù Krirztò.

Ròmànì 8:30

O èŋgànɛ̀lɛ̀ rzɔ, hwatò ema Lohwɛ̀ à mà màa lì hvɔ̀rzɔ̀ mɔ̀ à hwa hwɛlɛyi ò lì hwɛ hwatò hwa eni. Ndèŋgàna e wɔ̀ ema mɔ̀ à hwɛlɛ a òhwi nanù ema hwa emeyàlɛhwɛ ò wòrzò wò eni, à mà hwa ŋgba èluhwe ya eni.

Ròmànì 8:37

Jàyɛ̀, ò hwenè hweyà hwe arzɛ irzɔ i rzùù hvɔ̀mbɔ̀wɔ̀ lì akeyà nà Krirztò mɔ̀ ema à jò lìŋgàni, ndèŋgànɛlɛ à jò òŋgòwànà.

1 Kɔ̀rintìyà 15:24

O mburzà ya hvonda lìrzukù lì o jà. O èŋge hvonda hwèlìŋgɛ̀ ema hwe kànèyà, Hwàkànèlì na iŋginyà ja ene rze, Yerzù a hwa lìmìrzɛ̀ iŋginyà ja awu jarzɛ. Aŋga ndi à o ŋgbɛ lìkànèyà oma Tatà Lohwɛ̀.

1 Tìmotì 6:15

Mɔ̀ a o jà o wùnyà ema Lohwɛ̀ e Tatɛ̀ a ikayi nanù ema a jà, mɔ̀ Lohwɛ̀ ema hwatò hwa eka. Ndèŋgàna mɔ̀ ndi à hwèlì e mɔ̀ mɛnɛ ema a hwèlì e Mòkànèlì mòndɛ̀nɛ hwa e rze ya arzɛ. Mɔ̀ ndi à hwèlì e Kiŋgɛ ya ikiŋgɛ̀ ja arzɛ, mɔ̀ ndi hvɛ a hwèlì Rzàŋgo wa irzàŋgo ja arzɛ.

2 Tìmotì 2:4

Ŋmanèlì wa njuma ema a hwèlì o lìyando la njuma, a arza ndi o lì òkirzɛ̀ e mòtimbèlì wa eni mɔ̀nyɛ̀ŋgì. O eŋgànɛ̀lɛ̀ mɔ̀ à rza gbeyà hweyà ema hwatò ema hwa rza enje hwàanà njuma hwa gbeyà.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.

Hwèwulùwèlì 11:7

È hvonda ema wɔ̀ hwa ò kulɛ ò lì ohwa hweyà ema hwa mà ohwahwɛlɛ ò lì ohwa, eŋge èembe ema è ò uwɛ̀lɛ̀lɛ̀yi ò tenì yà ehvɔ̀ndi ema è rza ohvɛ lìrzùkù è ò hwa urzùweyà. Èŋge èembè è ò hwa aka màyìmbì ndeŋgànɛlɛ è hwa oŋwa.

Hwèwulùwèlì 16:14

Hwene hwèlìŋgɛ̀, hwe hwèlì ndi hwèlìŋgɛ̀ hwe wòhwe ema hwe gbeyà hweyà hwe mànyaka, hwene hwèlìŋgɛ̀, hwe ɛndeya ikiŋgɛ o e rze ya arzɛ, o lì hwa rzàŋga o èki yɔ̀kɔ aŋga nanù hwa rzekeya e njuma o wùnyà ema Lòohwà lì Kàrzàmi a kàyìrzɛ hwatò.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

Hwèwulùwèlì 2:13

Nà hwi èki ema ò lìya. Aŋga ndi è konda yà lìkànèyà là ama mòkarzɛ̀ è hwèlì. Ndi è eka mèèmà mè anyu nà imba nanù mɛnɛ. È mà nò lòkɛ̀ nà ŋmèma mɔ̀kɔ nanù mɛnɛ tɔ̀ ò è hvonda yà ama Àntipàrzi. Àntipàrzi à mà nò tɛ̀meyà è mboŋgi yà jɔ̀kɛ̀, ndèŋgànɛ̀lɛ̀ hwa mà mò oŋwa ò ìtììtènì jà anyu ò hwèlìyelì hwe ama Mòkarzɛ̀.

Hwèwulùwèlì 3:21

Hwàto ema hwa lìya lì aka hweyà hwe wòhwe, nà ò hwa ŋgba è wònja ò lì lìya nà imba ò konda yà ami yà lìkànèyà, ŋgànà hvɔ̀kɔ nà oma imba hvɛ nà lìya ò ŋmanyu yà hwàkɔ̀yèlì wà ami rzìi nà lìya nà Tatɛ̀ wà ami ò è konda yà eni yà lìkànèyà.