Hwèwulùwèlì 17:1 - Mokpwe: Bakwery (New Testament)

¹ Mɔ̀kɔ wa iŋgi aŋgèlì lìrzàmba ema i ma ohva hwewoki lìrzàmba e no jèeya rzìi e no ohweyà nanù ema, “Jà ono, na uŋmɛ̀lɛ̀ nɛ e molanà wa àkpàlà ndɛnɛ a o kɔ̀kìrzɛ̀hwɛ̀. Oŋgo molanà wa àkpàlà ema a lìya o mbowà ndɛɛndɛ ema e hwèlì o toŋgoŋgo ya rzayi-rzayi ja meyorzo.

Hwèwulùwèlì 17:1 Mawu Ofanana

Lukàrzɛ̀ 24:32

Hwa mà àyijòwànɛ̀ mɔ̀kɔ nà ɔnɛ̀yi nanù ema, “Rzèke ì mà hweyà ndi mèèmà ò tenì jòlì-jòlì, nà òmà a mà jò òhwìrzɛ̀nɛ̀ ò njìya nà lì jò tèlɛ̀lɛ̀ e kààtì yà Lohwà e?”

Lukàrzɛ̀ 9:30

Lìwòkìmɛnɛ wùnyànà hwàhwàkɛ̀ rzìi hwa mò wurzeyà hwa wòteya ò lì kòwa nà mɔ̀. Hwàŋga wùnyànà hwa mà hwɛ ndi Mòrzè nà Èlàyijà.

Hwèwulùwèlì 1:1

Ène kààtì e ohwa ndi lì hvomɛ̀nɛ̀ hweyà ema hwe o gbèyɛ̀nɛ ema Yerzù Krirztò a gbèyi ndèŋgànà hwe o e hwiyɛnɛ. Lohwɛ̀ à mà mo ŋgba hwene hweyà nanù ema hwe hwiyɛnɛ aŋga nanù mɔ̀ à uŋmɛ̀lɛ̀ hwàgbèèlì hwa eni hweyà ema hwe o gbèyɛ̀nɛ ŋmanà mbɔ. Krirztò à mà gbeyà e mògbèèlì wa eni Yòwanìrzɛ̀ o lì hwiye hwenè hweyà na oma à mà mo òmeya e aŋgèlì ya eni.

Hwèwulùwèlì 15:1

Nà ma ɛnɛ o ŋmanyu yà lohwà ehvɛhvɛ embànelì ndɛnɛ ndèŋgànɛ̀lɛ̀ nà mà tàmà. Nà ma ɛnɛ aŋgèlì lìrzamba ema i ma ohva lìrzamba la kàndɛ ja lìrzùkù. Ini kàndɛ i ma hwɛ e jà lìrzùkù ehwànja jɔ ndi jo ondìrzɛ̀ hwètàtò hwe ama Lohwɛ̀.

Hwèwulùwèlì 16:19

Aŋga ndi è mbowà ndɛ̀ɛ̀ndɛ̀ yà ŋginyà yà à kàndeya moŋgo mayawò. Ndeŋgànɛlɛ màmbowà mà ndɛ̀ɛ̀ndɛ̀ mà arzɛ mà hwèkòmè hwe arzɛ hwe è rze yà mɔ̀nyɛ̀ ma mà rzùùwa. Lohwɛ̀ à mà ɔ̀ŋgɛ̀lɛ̀ mbowà ndɛnɛ yà ŋginyà, Babìlɔ̀nì, rzìi mɔ̀ à gbeyà nanù ema hwatò ema hwa hwèlì ò eŋge mbowà ndɛnɛ hwa ò luwa kɔ̀kìrzɛ̀ yà lì nyɔ mììmbà mà eni mà hwètàtò hwe eni hwe ndɛnɛ.

Hwèwulùwèlì 18:1

Ò mburza yà hwene hweyà, nà mà ɛnɛ è hvɛhvɛ aŋgèlì è mà uwɛ̀lɛ̀lɛ̀yi ò ŋmanyu yà lohwà lì rzihwa ò rze, è mà ohva wònja ndɛnɛ, ŋmàye mò eni mò mà hvààlɛ̀ è rze yà mɔ̀nyɛ̀ yà arzɛ.

Hwèwulùwèlì 19:2

È mbako ya eni e tɛmi ehve-ehve na e jɔ̀kɛ̀ ehwànja mɔ̀ à mà kɔ̀kìrzɛ̀ e molanà mondɛnɛ wa àkpàlà, ema à mà ìnɛ̀lɛ̀ hwatò hwa arzɛ hwa e rze ya mɔ̀nyɛ̀ o lì gbeye wòhwe lì akeyà na hweyà hwe eni hwe mòrzònje. Lohwɛ̀ à mà mo kɔ̀kìrzɛ̀ ehwànja mɔ̀ à mà oŋwa e mògbèèlì hwa ama Lohwɛ̀.”

Hwèwulùwèlì 19:9

Èŋge aŋgèlì rzìi e no ohweyà nanù ema, “Tila nanù ema, mònàmɛ̀ na hwaŋga ema hwa yowɛhwɛyi o e ndèma ya lìhwa ya ama e Ŋguma ya Mɔ̀lɛ̀ŋgù.” Èŋge aŋgèlì rzìi e lata hvɛ o lì ohwa nanù ema, “Hwene hweyà hwe jɔ̀kɛ̀ hwe uwɛ̀lɛ̀lɛ̀yi ndi o ma Lohwɛ̀.”

Hwèwulùwèlì 21:15

È aŋgèlì ema e ma no òhweyà hwene hweyà, e ma ohva eeye ya lìmɛ̀nì ya gòòlù ò lì mɛ̀nɛ̀ eŋge mbowà ndɛɛndɛ, mawohva na hwerzu hwe eni.

Hwèwulùwèlì 21:9

Aŋgèlì hvɔ̀kɔ ya lìŋgi lìrzamba la aŋgèlì ema i ma ohva lìrzamba la hwèwoki ema hwe ma ondìrzɛ̀hwɛ na ikàndɛ lìrzamba ja lìrzùkù, e ma ja rzìi e no òhweyà nanù ema, “Jà, na o uŋmɛ̀lɛ̀ mɔ̀ɔ̀mbì, e jòjìyɛ̀ ya e Ŋgumà ya Mɔ̀lɛ̀ŋgù.”

Hwèwulùwèlì 4:1

O mburza hwene hwèyòhwèlì, nà mà luwa ihvɛhvɛ jɛ̀nɛ̀nì rzii na ɛnɛ lìyohva lì lìhvowahwi o lìkànèyà la ama Lohwɛ̀. Ndeŋgàna lìŋgi lìlo ema imba nà mà lome lì hweyà ema lì ma hwɛ lì no ohwirzɛnɛ nàa lìyɔ̀mi, lì ohwa nanù ema, “Jà ono ŋmanyu, na uŋmɛ̀lɛ̀ hwèèmà ema hwe hwɛni lì gbèyɛ̀nɛ o mburza ya ene hvonda.”