Hwèwulùwèlì 16:8 - Mokpwe: Bakwery (New Testament)

⁸ È aŋgèlì ema e ma ùkirzɛ̀ inɛyi e mà koma hwètàtò hwe ndɛnɛ hwe ama Lohwɛ̀ ema e ma hwɛ o tenì ya ewoki ya eni o ŋmanyu ya igbèyi, ndeŋgànɛ̀lɛ̀ Lohwɛ̀ à mà ŋgba igbèyi màyìmbi o lì rzɛlɛ hwatò nàa mùnya.

Hwèwulùwèlì 16:8 Mawu Ofanana

Matiyò 13:6

Ndi na òma igbe ja ŋginyà ì mà wurze ì mà rzɛlɛ èŋge mbòtà rzìi e ùhwà, rzìi e ŋwa, èhwanja meyaŋgà me rzi rzɔŋgɔ̀ ò tenì yà mɔ̀nyɛ̀.

Lukàrzɛ̀ 21:25

“O ò hwɛ hwèmɛ̀nɛ̀nì ò ìgbe, ŋmɛ̀ɛlì nà ìrzòmbe. O ò hwɛ lìtàke lì ndɛnɛ̀ nà hwètamirzelì, ò hwèkòmè hwe àrzɛ hwe ène rze. Hwèhvùŋgùwèlì hwe hwèmùnɛ̀ nà hweèhwe hwe ŋmanjà hwe ò hwa òkirzɛ wɔ̀ŋgɔ̀.

Hwègbèèlì 2:20

Igbèyi jò ò timba jìtìtì, ŋmɛ̀ɛlì hvɛ mò ayeŋgòwɛ̀ teeyi nàa màyija. Hwene hweyà hwe arzɛ hwe ò gbèyɛ̀nɛ ndèŋgànà hwejèelì hwe Wùnyà wò ndɛnɛ na èluhwe ya ama Rzàŋgò hwe ò jɛ̀ɛ̀.

Hwèwulùwèlì 14:18

Èhvɛhvɛ aŋgèlì e ma jà ema e ohvi màyìmbì o lì kànèyà mùùnya, e ma uwɛ̀lɛ̀lɛ̀yi o ètàwo ya itùwà. Rzìi e tɛɛya eŋge aŋgèlì ema e ma ohva lìŋgi luwɛndi la lìŋgɔ̀tɔ ema lì eeya, na lìlo lì kàrzàmi nanù ema, “Wowa luwɛ̀ndi la lìŋgɔtɔ̀ la aŋgɔ ema lì eyàa, o rzàŋge mbuhva ja hwehvùma hwe mayi ma hwehvùma ema mà hwèlì o hvaya ya e rze mɔ̀nyɛ̀, èhwanja hwehvùma hwe eni hwe ma tana.”

Hwèwulùwèlì 6:12

Eŋge Ŋguma ya Mɔlɛ̀ŋgù rzìi e rzolowa mòjèkà ema mo ma ùkirzɛ̀ mòtohwa. O ma hwɛ mònyìŋgìrzɛ̀nɛ̀ mo ndɛnɛ. Igbèe i ma àyèŋgòwɛ̀ jùùjùù rzayi-rzayi, ŋmɛ̀lì mɔ̀ hvɛ mo a teeya nàa màyija.

Hwèwulùwèlì 7:16

Wɔ̀ hwa rza o hweyà a hweyà hvɛ tɔ̀ njàwò, ndèŋgànɛ̀lɛ̀ hwa rza o hwɛnɛ ahwɛ̀nɛ̀ hvɛ tɔ̀ nyìrzɛ ya malìhwa. Igbe i rza o hwa hvahva hvɛ, ndèŋgànɛ̀lɛ̀ hwa rza o atowɛ tɔ̀ ètùmbàtùmbà ndɛnɛ hvɛ.

Hwèwulùwèlì 8:12

È aŋgèlì ema e ma ùkirzɛ̀ inɛyi yɔ hvɛ rzìi e tòŋga e la eni lìyɔ̀mi. Aŋga ndi yoma ya àyɛ̀rzɛ̀ɛ lòŋgò lɔ̀kɔ o tenì ya moŋgo mayàwo la igbèyi, ya àyɛ̀rzɛ̀ lòŋgo lɔ̀kɔ o tenì ya moŋgo mayàwo la ŋmɛ̀ɛlì, ndèŋgànɛ̀lɛ̀ ya àyɛ̀rzɛ̀ lòŋgo lɔ̀kɔ o tenì ya moŋgo mayàwo la irzombe. Ène eyà e ma gbeyà lòŋgo lɔ̀kɔ o tenì ya moŋgo mayàwo lì ma ayèŋgowɛ̀ jìtìtì, o rzi hwɛ tɔ̀ ŋmàye o tenì ya lòŋgò lɔ̀kɔ o tenì ya moŋgo màyàwo ma wùnyà, ndèŋgànɛ̀lɛ̀ o rzi hwɛ tɔ ŋmàye o tenì ya lòŋgo lɔ̀kɔ o tenì ya moŋgo mayàwo la wuu.

Hwèwulùwèlì 9:2

Ène rzombe e ma lìhvowa e wàna ya eŋge ehvɔ̀ndi ema e rza ohvɛ lìrzùkù. Yùutùtù e ma wurza o tenì ema e ma àyɛ̀kɛ̀nɛ̀ yutùtù ema e uwɛ̀lɛ̀lɛ̀yi o mùnya ema mo ahvi na gbambi. Èŋge yutùtù e ma gbeyà igbèyi ema i ma hwɛ lì hvànya i rzi tanɛyi lì hvànya hvɛ.