Hwèwulùwèlì 16:3 - Mokpwe: Bakwery (New Testament)

³ È aŋgèlì ema e ma ùkirzɛ̀ ihwakɛ e kòma hwètàtò hwe ndɛnɛ hwe ama Lohwɛ̀ ema hwe ma hwɛ o tenì ya eŋge ewoki ya eni o ŋmànja. Mòŋgo ŋmànja mo ma timba ndi nàa màyija ma ewembe. Ndeŋgànɛlɛ tɔ̀ ima yoma ema e ma hwɛ lòŋgɛ o tenì ya moŋgo ŋmànja e ma ŋwa.

Hwèwulùwèlì 16:3 Mawu Ofanana

Hwègbèèlì 2:41

Rzayi-rzayi ja hwàtò ema hwà mà lòkɛ̀ eyà ema Petrò à mà òhwe hwà mà lùhwìrzɛ̀hwɛ̀. O wòŋgò wùnyà mɛnɛ, eyà ya hwekòlì hweyàwò hwe hwatò hwe mà ahwatɛ ò Mɔ̀rzɔ̀ŋgi mò hwàlòkèlì hwa ama Krirztò.

Hwèwulùwèlì 10:2

À mà ohva ŋmanà kààti ema è lìŋgɛ̀lɛ̀hwɛ̀, ema è mà wulùwàhwà. À mà tɛ̀yirzɛ lìtaŋga là eni là mòme ò ŋmànja, rzìi à tɛ̀yirzɛ hvɛ lìtaŋga là ŋmàlì ò ŋmìndi.

Hwèwulùwèlì 11:6

Hwanu wùnyànà hwa ohvi è wònjà ya lì tɛmirzɛ lìwòhwɛ là ŋmanyu nanù ema lì rza yɔ̀lìrzɛ mbuwà e hvonda ema wɔ̀ hwa ohweyà hwatò hweyà ema Lohwɛ̀ a ohwi nanù ema hwe o gbèyɛ̀nɛ. Hwa hwɛni hvɛ e màyìmbì ma lì gbeyà nanù ema meyorzo me timbe màyija. Hwa hwɛni hvɛ màyìmbì ma lì nyàkohwa e rze na tɔ̀ ima nyayi ya kàndɛ ŋgɛlɛ-ŋgɛlɛ na oma wɔ̀ hwa àrzeyà.

Hwèwulùwèlì 13:1

Rzìi na ɛnɛ èembe e wurza o tenì ya ŋmàànja. Èŋge èembe e ma hwɛnɛ lìrzàmba la mèyòhvò na lìyomɛ̀ la mèrzehwa, na lìyomɛ la hwèkòòtò o merzehwà mà eni. Tɔ̀ ima mòohvo mo mà ohva lìnà ema lì hwɛnyɛ Lohwɛ̀.