Hwèwulùwèlì 16:15 - Mokpwe: Bakwery (New Testament)

¹⁵ Yerzù à ohwi nanù ema, “È okànèyà, nà ò jà ò wùnyà ema tɔ̀ mòtò à rza ò hwiyɛ nàa ŋmìhwɛ̀ à jà. Mònàmɛ̀ nà oŋgo mòtò ema à ò lìya ehvɛ̀nyɛ̀, ndèŋgànɛ̀lɛ̀ à ò ohvɛ mààtù mà eni, aŋga nanù mɔ̀ à rza ò ɛndɛ̀nɛ̀ morzombo ò lì luwa erzàmbo ò marzo mà hwatò.”

Hwèwulùwèlì 16:15 Mawu Ofanana

Matiyò 25:13

Yerzù rzìi à umba mònò ŋmàna ò lì òhwa nanù ema, “È wòwe hvònda, èhwanja è rza hwi wùùnya tɔ̀ è hvònda ema è Ŋmanà wà è Mòtò wà Hwènàmà à ò jɛ̀ɛ.”

Matiyò 26:41

Lìya èhvɛnyɛ, kanɛ̀ aŋga nanù Lohwɛ̀ a rza emeyà ema màkèkìrzɛ̀nɛ̀ mò ò jèeya. Ŋmèma mò lìŋgàni, ndi e nyàmà ya nyò e ɔ̀tɔ̀.”

Makòrzì 14:38

È lìyà èhvɛnyɛ ò màkanɛ̀ aŋga nanù Lohwɛ̀ à rza emeyà nanù ema màkèkìrzɛnɛ̀ mà è jèeyà. Ŋmèma mò lìŋgàni lì gbeyà ndi è nyàmà nyò è òka wɔ̀ŋgɔ̀.”

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

Hwègbèèlì 20:31

O eŋgànɛ̀lɛ̀ rzɔ inyɔ e wòwe hvònda ò lì ɔ̀ŋgɛ̀lɛ̀ nanù ema nà mà hwɛ lì òkòlɛ inyɔ hwa arzɛ ò tenì ya ŋmerze na wuu, ò hvòka ya meya meyawò ò tenì ya lìtake.

2 Kɔ̀rintìyà 5:3

I hwèlì tɛ o tenì ya eŋge ndawò, i rza o hwɛ ndi nàa mòtò ema a hwèlì morzombo.

1 Tɛ̀rzàlonìyà 5:4

Ndi ìi wònyàmòwe kòkò, inyɔ hwitɛ-hwitɛ è rza enje ndi hwatò hwa wòhwe nàa hwatò ema hwa èlelì ò jìtìtì. Ò eŋgànɛlɛ rzɔ, wùùnya ema è Rzàŋgo è ò jɛ̀ɛ̀ à rza è uŋmànɛlɛ hvàkàlà nà oma è ŋmìhwɛ̀ à jà hvàkàlà.

1 Tɛ̀rzàlonìyà 5:6

Ò eŋgànɛ̀lɛ rzɔ, inyɛ i rzi hwɛ nàa hwatò ema hwa gbèyi ndi nàa hwa hwèlì ò ijɔ. Ndi inyɛ i wòwe hvonda nà ò lì àwòhvɛ̀ irzɔ hwiti gbamù.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

2 Pètrò 3:10

Ndi wùùnya ema è Rzàŋgo è ò jɛ̀ɛ̀, à ò jà ndi hvàkàlà nà oma è ŋmìhwɛ à jà. Ò woŋgo wùnyà, lìwòhwɛ̀ là ŋmanyu lì o nyɔ̀ŋgɔ nà mɔ̀tɔ̀wù mondɛnɛ. Hwèèmà hwe arzɛ ema hwe hwèlì ò lìwòhwɛ̀ là ŋmanyu hwe o rzèeyà, ndeŋgàna hwe nyɔ̀ŋgɔ. Rzìi è rze nà tɔ̀ mamɛ ema è hwèlì ò tenì hwe ɔhvɛ hwe rzèeyà nà lì nyɔ̀ŋgɔ.

Hwèwulùwèlì 22:7

Yerzù rzìi a ohwa nanù ema, “È ɔŋgɔ tɛ, imba na jà ŋmanà mbɔ̀. Mònàmɛ̀ mo hwèlì na hwatò ema hwa ikayi hweyà ema hwe tìlahwì o tenì ya ene kààtì, hweyà ema hwe o gbèyɛ̀nɛ o nàŋgɛ na e hvonda ema e o jɛ̀ɛ̀.”

Hwèwulùwèlì 3:11

Nà ò jà ŋmàna mbɔ̀, è ika ndi mèèmà mè anyu nà imba nanù mɛnɛ, aŋga nanù tɔ̀ mòtò tɔ̀ mɔ̀kɔ à rza tànɛ lì wòwa ììtàŋgi yà anyu.

Hwèwulùwèlì 3:18

Nà e kòkòwɛ̀lɛ̀ o lì no àndana e gòòlù ema e ma akɛlɛhwɛ o tenì ya mùnya, aŋga nanù e timba hwèwàŋgì. Nà e kòkòwɛ̀lɛ̀ o lì no àndana lìhwatu la mbɔ̀mi ema e wɔ̀tɔ̀, aŋga nanù irzɔ̀ni ema morzombo mo anyu mo jànà mo rza o ɛnɛhwɛ. Ndeŋgànɛ̀lɛ̀ e no àndane lìyɔ̀ki ema e tuka o mìrzɔ ma anyu aŋga nanù e ɛnɛ.