Hwèwulùwèlì 16:10 - Mokpwe: Bakwery (New Testament)

¹⁰ È aŋgèlì ema e ma ùkirzɛ̀ ita, e ma koma hwètàtò hwe ndɛnɛ hwe ama Lohwɛ̀ ema e ma hwɛ o tenì ya ewoki ya eni o ŋmanyu ya e konda ya lìkànèyà ya eŋge èembè ema e ma uwɛlɛlɛ o ŋmànja. Jììtìtì rzìi i lìŋga lìkànèyà la eni. Hwàto ema hwà mà hwɛ lì oŋgama eŋge èembè hwà mà wòteyà lì kɔ̀kɔ̀ mehvehve me awu ehwànja o mòrziyò ema hwà mà hweye.

Hwèwulùwèlì 16:10 Mawu Ofanana

Matiyò 13:42

Rzìi hwa ò hwa hvimba ò mùnya mò mànyakà ema mò rza lìma. Aŋga ndi wɔ̀ hwa ò eyɛ̀ɛ̀ na lì kɔ̀kɔ̀ mehvehve me awu.

Matiyò 13:50

Rzìi hwà hwa aŋgba ò mùnya mò mànyakà ema mò rza lìma. Aŋga ndi wɔ̀ hwa ò eyɛ̀ɛ̀ na lì kɔ̀kɔ̀ mehvehve me awu.”

Matiyò 22:13

O èŋgànɛ̀lɛ̀ e kiŋgɛ rzìi e òhweyà hwàgbèèlì ema hwà mà hwɛ lì gbèeyà hwàyɛ̀nì hwa eŋge ndèma nanù ema, ‘È mò kake màa na matàŋgà, e mò hvimbe ò èwòka, ò tenì ya jììtìtì. Aŋga ndi à eeya na lì kɔ̀kɔ̀ mehvehve.’”

Matiyò 24:51

È rzaŋgò wa eni wa èwòlò e mò kɔ̀kìrzɛ̀ hwekɔkirzelì hwe ŋginyà. A mò kɔ̀kìrzɛ̀ na òma mɔ̀ a kɔ̀kìrzɛ̀ hwatò hwa mèhvìlì ò èki ema a ò eeya na lì kɔ̀kɔ mehvehve.”

Matiyò 8:12

Ndi hwaŋga ema hwa kànɛ̀yi lì hwɛ i wònjà ò lìkànèyà là ama Lohwɛ̀ hwa ò aŋgbahwa ò èwòka ò tenì ya jìtìtì. Aŋga rzɔ ndi wɔ̀ hwa ò kɔ̀kɔ̀ mehvehve me awu, na lì ahvahvɛ.”

Lukàrzɛ̀ 13:28

Inyɔ è ò eyaa. È ò kɔ̀kɔ̀ hvɛ marzòŋgà ma anyu lìrzàkò ema yò ɛnɛ Abràhamù, Irzàkì nà Jèkɔ̀bu, nà hwanɛ̀yi hwà-òhwèlì hwa arzɛ hwa hwèlìŋgɛ̀ ò Lìkànèyà là ama Lohwɛ̀. Hwanù hwatò hwa arzɛ è ò hwa ɛnɛ ò tenì yà ndawò ndi inyɔ è ò tɛ̀mɛ ndi ò èwòka.

1 Pètrò 2:17

È ŋgbe hwatò hwa arzɛ èluhwe. È lìŋgàne hwaŋga hwatò ema wɔ̀ hvɛ hwa lòkɛ̀ Krirztò. È ŋgbe Lohwɛ̀ èluhwe. È ŋgbe hvɛ e kìŋgɛ ndɛ̀ɛ̀ndɛ̀ èluhwe.

Hwèwulùwèlì 11:10

Hwatò ema hwa hwèlì ò rze yà mɔ̀nyɛ̀ hwa ò lìŋgeyà è kpelì yà hwanu hwatò hwààhwàkɛ. Hwa ò wòŋgìrzɛ̀nɛ̀ ndèma, ndèŋgànɛ̀lɛ̀ hwa ò aŋgbàànɛ màhwèyà mɔ̀kɔ nà ɔnɛyi ò lì uŋmɛ̀lɛ̀ màlìŋgo. Hwa ò gbèeyà nanù ehwànja, hwanu hwà-òhwèlì hwa hwèlìŋgɛ̀ hwahwàkɛ hwa mà tàkirzɛ̀ hwatò è hvonda ema hwa mà hwɛ ò è rze yà mɔ̀nyɛ̀.

Hwèwulùwèlì 11:2

Ndi ò rzi mɛ̀nɛ̀ eŋge ewòka. Ò rzi è mɛ̀nɛ̀ ehwànja è mà ŋgbààhwà hwaŋga hwatò ema hwa rza enje wònyà Yudà. O mènimènìì mè ŋgbɛndɛ nà ihwakɛ, wɔ̀ hwa ò làalà è Mbowà ndɛnɛ yà Wòtani.

Hwèwulùwèlì 11:8

Ŋmìimbà mè awu mè o nàŋga o moombo ema mo akeyà e mbowà ndɛɛndɛ ema hwà mà wòmeya e Rzàŋgo ya awu o mbàrza. Èŋge mbowà ndɛɛndɛ e ma hwɛ̀lɛ̀hwɛ̀ ndi na ŋmàna nanù ema, Rzodomi na Ìjiptò.

Hwèwulùwèlì 17:17

Hwa ò gbeyà ndi nanù ehwànja, Lohwɛ̀ à mà ika nà oma mɔ̀ àrzeyà nanù ema hwa gbèèyè ò mèèmà mè awu. Lohwɛ̀ à mà rzèkeyà nanù ema hwèŋge hwèembe hwe ohve ndi janda jɔ̀kɔ, ò lì mò gbèeyà nàa mòtò mɔ̀kɔ. Wɔ̀ hwa ò ŋgba eŋge nyàmà yà wòhwe màyìmbì mà awu mà lìkànèyà natɛ̀ɛ nà ò è hvonda ema hweyà ema Lohwɛ̀ à mà ohwe hwe ò ondìrzɛ̀hwɛ̀.

Hwèwulùwèlì 17:9

Hwene hweyà ema nà arza lì ohwa nanù, nanù ndi lìhwiyè nà lì rzɔ̀ŋgìtɛ̀nɛ̀ hwe arzahwa. Mèyòhvò lìrzàmba ema eŋge nyàma è ohvi mè hwèlì ndi, lìrzàmba là mèyolì ema oŋgo molàna à lìya, ndèŋgànɛ̀lɛ̀ mè hwèlì ndi ikiŋgɛ lìrzamba.

Hwèwulùwèlì 18:2

È mà tɛ nà lìlo lì kàrzàmi nanù ema, “È mà rzuuhwa, Babìlɔ̀nì, è mbowà ndɛ̀ɛ̀ndɛ̀ è rzùùhwi! È mà timba ndi è mbowà ya hwèlìŋgɛ̀ hwe wòhwe, èki ema hwèlìŋgɛ̀ hwe arzɛ hwe mbìndò hwe hwèlì, na èki ya hwenɔ̀ni hwe mbìndò ema hwatò hwa kɔ̀ɔ.

Hwèwulùwèlì 18:21

Aŋgèlì ndɛnɛ rzìi e anjilɛ lìŋyàyi lì ndɛnɛ ema lì ma akɛnɛ lìŋyàyi lì ndɛnɛ ema hwa gbeyàna o lì nyuka hwènyɔ̀ɔ̀nì hwe hwehvùma, rzìi e lì undirzɛ o tenì ya ŋmànja, rzìi a ohwa nanù ema, “Nànù ndi hwa o undirzɛ e mbowà ndɛɛndɛ ya Babìlɔ̀nì o rze na mòhvùŋgu, ndeŋgànɛlɛ hwatò hwa rza o e ɛnɛhwɛ hvɛ.

Hwèwulùwèlì 18:23

O e mbowà ndɛnɛ ya aŋgɔ, etùlù e rza o hvànya hvɛ tɔ̀ wùnyà, lìlo la mɔ̀nyɛ̀ŋgì la mɔ̀ɔ̀mbì na e mohwɛ̀ɛ̀nɛ wa mɔ̀ɔ̀mbì lì rza o hwɛ̀ɛnɛ hvɛ tɔ̀ wùnyà. Hwa o hvàŋga eŋge mbowà ndɛnɛ ehwànja, hwatò hwa aŋgɔ̀ hwa nyòŋga ya lì anda na lì ahwìrzɛ wɔ̀ ndi hwà mà hwɛ iŋgumu ja nyòŋga o e rze ya mɔ̀nyɛ̀ ya arzɛ, ndèŋgànɛ̀lɛ̀ hwatò hwa arzɛ hwa hwèkòmè hwe e rze ya mɔ̀nyɛ̀, o ma gbeyàna màagikì ma aŋgɔ o lì hwa lukɛlɛ.”

Hwèwulùwèlì 8:12

È aŋgèlì ema e ma ùkirzɛ̀ inɛyi yɔ hvɛ rzìi e tòŋga e la eni lìyɔ̀mi. Aŋga ndi yoma ya àyɛ̀rzɛ̀ɛ lòŋgò lɔ̀kɔ o tenì ya moŋgo mayàwo la igbèyi, ya àyɛ̀rzɛ̀ lòŋgo lɔ̀kɔ o tenì ya moŋgo mayàwo la ŋmɛ̀ɛlì, ndèŋgànɛ̀lɛ̀ ya àyɛ̀rzɛ̀ lòŋgo lɔ̀kɔ o tenì ya moŋgo mayàwo la irzombe. Ène eyà e ma gbeyà lòŋgo lɔ̀kɔ o tenì ya moŋgo mayàwo lì ma ayèŋgowɛ̀ jìtìtì, o rzi hwɛ tɔ̀ ŋmàye o tenì ya lòŋgò lɔ̀kɔ o tenì ya moŋgo màyàwo ma wùnyà, ndèŋgànɛ̀lɛ̀ o rzi hwɛ tɔ ŋmàye o tenì ya lòŋgo lɔ̀kɔ o tenì ya moŋgo mayàwo la wuu.

Hwèwulùwèlì 9:2

Ène rzombe e ma lìhvowa e wàna ya eŋge ehvɔ̀ndi ema e rza ohvɛ lìrzùkù. Yùutùtù e ma wurza o tenì ema e ma àyɛ̀kɛ̀nɛ̀ yutùtù ema e uwɛ̀lɛ̀lɛ̀yi o mùnya ema mo ahvi na gbambi. Èŋge yutùtù e ma gbeyà igbèyi ema i ma hwɛ lì hvànya i rzi tanɛyi lì hvànya hvɛ.