Hwèwulùwèlì 15:1 - Mokpwe: Bakwery (New Testament)

¹ Nà ma ɛnɛ o ŋmanyu yà lohwà ehvɛhvɛ embànelì ndɛnɛ ndèŋgànɛ̀lɛ̀ nà mà tàmà. Nà ma ɛnɛ aŋgèlì lìrzamba ema i ma ohva lìrzamba la kàndɛ ja lìrzùkù. Ini kàndɛ i ma hwɛ e jà lìrzùkù ehwànja jɔ ndi jo ondìrzɛ̀ hwètàtò hwe ama Lohwɛ̀.

Hwèwulùwèlì 15:1 Mawu Ofanana

Hwèwulùwèlì 10:3

Rzìi à tɛɛ nà lìlo ema lì kàrzàmi nàa njilà ndi è rziŋga. Ò mburzà hwètɛ̀ɛ̀lì hwe eni, màlo mà lìrzamba là ŋgalà lohwà ma mà rzìŋga.

Hwèwulùwèlì 11:14

È kàndɛ̀ ema è mà ùkirzɛ̀ ihwàkɛ è mà aka. È kàndɛ̀ ema è ùkirzɛ̀ iyàwò è jà ŋmanà mbɔ̀.

Hwèwulùwèlì 14:10

mɔ̀ hvɛ à ò nyɔ̀ mììmbà ema mà hwèlì hwètàtò hwe ama Lohwɛ̀. Wɔ̀ hwa mà è rzɔ̀lɛ̀ ò lìwonde là hwètàtò là ama Lohwɛ̀ nà è ŋginyà ya awu ya arzɛ. Tɔ̀ ima mòtò ema à kanɛ̀ eŋge èembe oŋgo mòtò à ò lùwa mòtàkà mò mùnya ema mò ɔ̀kɔ̀ rzayi-rzayi, ò worzò wò i aŋgèlì jà wòtani nà è Ŋguma yà Mɔ̀lɛ̀ŋgù yà ama Lohwɛ̀.

Hwèwulùwèlì 14:19

O èŋgànɛ̀lɛ̀ rzɔ, e aŋgèlì e ma ŋmarzɛlɛ luwɛ̀ndi la lìŋgɔtɔ̀ la eni o rze ya mɔ̀nyɛ̀, rzìi e rzàŋga hwaŋga hwatò rzìi a hwa hvimba o èki ema Lohwɛ̀ a uŋmɛ̀lɛ̀ hwetàtò hwe eni hwe ŋginyà. Ène nyayi e hwèlì ndi ŋgànà hvɔ̀kɔ na oma hwa rzàŋga hwehvùma o lì hwe ɛ̀ndɛ̀nɛ̀ o èki ema hwa hwe nyùkeya.

Hwèwulùwèlì 16:1

Nà ma hweyà hvɛ lìlo lì kàrzàmi lì uwɛ̀lɛ̀lɛ̀yi o e Ndawò ya Lohwà lì ma ohwàna i aŋgèlì lìrzàmba nanù ema, “È ɛ̀ndɛ, e kome hwetàtò hwe ndɛnɛ hwe ama Lohwɛ̀ ema hwe hwèlì o tenì ya hwewoki lìrzamba, o rze ya mɔ̀nyɛ̀.”

Hwèwulùwèlì 17:1

Mɔ̀kɔ wa iŋgi aŋgèlì lìrzàmba ema i ma ohva hwewoki lìrzàmba e no jèeya rzìi e no ohweyà nanù ema, “Jà ono, na uŋmɛ̀lɛ̀ nɛ e molanà wa àkpàlà ndɛnɛ a o kɔ̀kìrzɛ̀hwɛ̀. Oŋgo molanà wa àkpàlà ema a lìya o mbowà ndɛɛndɛ ema e hwèlì o toŋgoŋgo ya rzayi-rzayi ja meyorzo.

Hwèwulùwèlì 19:15

Rzɔ̀lɔ̀ ema e eeya rzayi-rzayi ema à mà gbeyàne o lì anana hwatò hwa hwèkòmè hwe e rze ya mɔ̀nyɛ̀ e ma wurza o tenì ya e wàna ya eni. Mɔ̀ ŋmìti a o hwa kànèyà na màa emà mà eti. Mɔ̀ ŋmìti a o yàaya hwehvùma ema hwa nyuka o lì gbeyà mìimba, o lì uŋmɛ̀lɛ̀ hwètàtò hwe ndɛnɛ hwe ama Lohwɛ̀ lì kàrzàmi.

Hwèwulùwèlì 21:9

Aŋgèlì hvɔ̀kɔ ya lìŋgi lìrzamba la aŋgèlì ema i ma ohva lìrzamba la hwèwoki ema hwe ma ondìrzɛ̀hwɛ na ikàndɛ lìrzamba ja lìrzùkù, e ma ja rzìi e no òhweyà nanù ema, “Jà, na o uŋmɛ̀lɛ̀ mɔ̀ɔ̀mbì, e jòjìyɛ̀ ya e Ŋgumà ya Mɔ̀lɛ̀ŋgù.”

Hwèwulùwèlì 8:13

Nà ma ɔ̀ŋgɔ, rzìi na ɛnɛ mbèŋgà ema e koohwa hvoo o ŋmanyu yà lìwòhwɛ̀ là ŋmanyu, rzìi eŋge mbèŋgà e ohwa na lìlo lì kàrzami nanù ema, “Mojema! Mojema! Mojema, mo o hwɛ na hwatò hwa arzɛ ema hwa lìya o rze ya mɔ̀nyɛ̀, o e hvonda ema inɛyi aŋgèlì jàyɛ jo o tòŋgɛ̀ màwɔ̀mi ma awu.”

Hwèwulùwèlì 8:2

Rzìi na ɛnɛ aŋgèlì lìrzamba ema i tɛmi o worzo wo ama Lohwɛ̀, i ma ŋgbààhwà lìrzàmba la màwɔ̀ɔ̀mi.

Hwèwulùwèlì 8:6

I aŋgèlì lìrzamba ema i ma ohva màwɔ̀ɔ̀mi lìrzàmba i ma wòŋgirzɛnɛ o lì tòŋga màŋga màwɔ̀ɔ̀mi.

Hwèwulùwèlì 9:20

Hwanɛyi hwatò hwà hwènàmà hwa arzɛ ema ini kàndɛ i rzi oŋwɛ, hwa rzi hwɛmɛ o lì kànɛ mòohwà ema wɔ̀ hwiti hwà mà wèkè. Hwa rzi hwɛmɛ o lì gbèeyà hwèlìŋgɛ̀ hwe wòhwe, hwa rzi hwɛmɛ o lì gbèeyà mahvɛhvɛ mohwà, mohwà ema hwà mà wondɛ na gòòlù, na rzìlìhwà, na brɔ̀nrzi tɔ̀ màŋyàyi, tɔ̀ hwèhwàmbo, mohwà ema mà rza tanɛ lì ɛnɛ, ma rza tanɛ lì hweyà na e mɔ̀ ema mà rza tanɛ lì ɛndɛ.